முரண்கள்: கவிஞர் தணிகை

முரண்கள்: கவிஞர் தணிகை




1. இந்தியக் குடியுரிமை மசோதா தாக்கல் செய்ததால் சகோதரர்களாக இருந்து வந்த இந்து, முஸ்லீம்,கிறித்தவ மத வழிபாடு சார்ந்த மக்களிடையே பிரிவினை வாதம் வந்துள்ளது என பாதிக்கப்படும் கவலையில் உள்ள சிறுபான்மை மதம் சார்ந்த நண்பர்கள் தெரிவிக்கின்றனர்.

2. அவர்களது கவலையை எப்படி இந்த அரசு தீர்க்க முடியும்?

3. தமிழக அரசு இந்த மசோதா தாக்கல் செய்யும்போது அதற்கு ஆதரவாக வாக்களித்துவிட்டு அதன் தமிழக மாநில அமைச்சர்களில் ஒருவர் பேசியுள்ளார் அதை தமிழகத்தில் குடியுரிமை பதிவேட்டை அனுமதிக்க மாட்டோம் எதிர்ப்போம் என...

இது நாடு பற்றிய முரண்

எனக்குள்ளான ஒரு முரண்

ஜிட்டு கிருஷ்ணமூர்த்தியை தினமும் 5 பக்கம் முதல் 10 பக்கம் வரை இன்னும் வாசித்து வருகிறேன் நல்ல அறிஞர். அவரது நிறைய இடங்கள் சொல்லியதையே திரும்ப சொல்வதாகவே தெரிகிறது.

மேலும் அவர் தியானத்துக்கு அடிமைப்பட்டு விடக்கூடாது தினமும் அதை செய்தாக வேண்டும் என்ற நிர்பந்தங்களை  எல்லாம் வைத்துக் கொள்ளாதீர் என்று.

தியானத்திலும் அவரது கருத்துகளுக்கும் மேலும், அவருக்கு எப்படி இருந்தது எனத் தெரிய எனக்கு வாய்ப்பில்லை. ஆனால் எனக்கு ஒலியற்ற வார்த்தைகள் ஒவ்வொரு தருணத்திலும் வந்து கொண்டேதான் இருக்கின்றன தியானம் எப்போதும் தொடர வேண்டிய நிலையில் இருப்பதாகவே உணர்கிறேன்.

பேட்ட நெம்பர் 2...தர்பார் ரஜினி இரசிகர்களுக்கு மட்டும்

சேலம் இரசிகர்கள் 200 பேருக்கு ஹெல்மெட் வாங்கி கொடுத்திருக்கிறார்கள்

நேற்று நடைப்பயிற்சிக்கு செல்லும் வழியில் இரு காக்கிச்சட்டைகள் இரு சக்கர வாகனசாரிகளை மடக்கிப் பிடித்துக் கொண்டிருந்தனர்.
எங்களது ஊரைச் சுற்றி ஒரு ஹெலிகாப்டர் போய் வந்ததை உண்மையிலேயே இன்று பார்த்தேன் ஒரு வேளை ரஜினிகாந்தின் தர்பார் திரையிடப்பட்ட தியேட்டர்கள் மேல் எல்லாம் பூ தூவ வந்து விட்டுச் செல்கிறதோ!

எங்கள் ஊர் இலட்சுமி தியேட்டரில் கொஞ்சம் பேர் இருந்தனர் இன்று விடுமுறை எடுத்துக் கொண்டு மூழ்கிக் கொண்டிருக்கும் பி.எஸ்.என்.எல் நெட்  பில் கட்டச் செல்லும்போது கவனித்தேன்.
 திரும்பி வீடு வரும்போது  தியேட்டர் வாசலில்பட்டாசு வெடித்துக் கொண்டிருந்தது
ஒரு நாய் அதைக் கேட்டு ஓங்கி ஓங்கி குரைத்தபடி இருந்தது.


வௌவால் கழிப்பதும் வாயில்தான் தான்.

மறுபடியும் பூக்கும் வரை
கவிஞர் தணிகை