உலகுய்ய ஒரே வழி: கவிஞர் தணிகை

 உலகுய்ய ஒரே வழி: கவிஞர் தணிகை

ஆப்பிரிக்க கண்டத்தில் நைஜீரியா,கானா பட்டினியால் குழந்தைகள் கணக்கின்றி சாவு,

ஆப்கானிஸ்தானத்தில் இராணுவ நிலை பாட்டால் பஞ்சம்

பாகிஸ்தானிலும், இந்தியாவிலும் விலை ஏற்றம்

பாலஸ்தானின் காஜா பகுதியிலும் குழந்தைகள் பசி அதனால் இறப்பு

இப்படி உலகெங்கும் பசி பஞ்சம் பட்டினி, உணவின்மை இறப்புகள் நிகழ்ந்த வண்ணம் இருக்க நோபெல் இல்லைன்னா புலிட்சராவது (இலக்கியம் ,பத்திரிகை,கலை,) கொடுங்கள் எனக் கேட்கும் அமெரிக்கத் தலைமை

ஐ.நா சபை உதவிகள் போதாமல் உலகின் சுமார் கால் பங்கு குழந்தைகள், மனிதர்கள் வறுமையில் வாடி உயிர் இழந்தவண்ணம் இருக்கின்றன என்கிற செய்திகள்.

கம்யூனிசம் உலகளாவிய இயக்கமாக இருந்து சில நாடுகளுக்குள் மட்டுமே குறுகி இருக்க, காந்திய நெறி உலகெலாம் ஊறு விளைக்காமல் பரவ எதிர்காலம் கை காட்டுவதான நிகழ்வுகள் சில அங்கும் இங்கும் நிகழ்ந்தபடி இருக்கின்றன, அதில் நவி என்கிற நவநீதம் பிள்ளை நோபெல் நம்பிக்கை, யூசுப் மலாலா போன்ற பெண்கள் இப்படியாக சில நம்பிக்கைக் கீற்றுகள்..

ஒருபுறம் விளையாட்டு இன்ன பிற நற்கலைகள் ஓங்கி இருக்க, போதை மெத்த பெட்டமைன் பற்றி ஆஸ்திரேலியா கொடுத்த தகவல் மூலம் இந்தியாவிலிருந்து இலங்கைக்குச் செல்வது தடுக்கப் பட்டது போன்ற செய்திகளும் மனித உலகத்தை அச்சுறுத்தி வரும் நிலையில்

3 குரங்கு பொம்மை பேசுகிறது, தீயதைப் பார்க்காதே, தீயதைப் பேசாதே, தீயதைக் கேட்காதே அப்போது தீய நினைப்பு வராதென்று...

கி.பி.2000 அரட்டை அரங்கு...தாரமங்கலத்தில் மனித குலத்தை அழிக்க ஆயிரம் வழிகள், உயிர்கள் அழிய கோடான கோடி வழிகள், ஆனால் உருப்பட ஒன்றே ஒன்றுதான் அது இது தான் என்று உரைத்தேன்....காந்திய நெறி என்பதால் 

https://open.spotify.com/episode/7jHKpNVDO1zvSzHQFYqy93?si=lrrKQc9ITwuG0tnzQDtRNg&utm_source=whatsapp

இப்போதும் அந்த நிலையில் ஏதும் மாற்றமில்லை...இப்போது எமது வலைப்பூவின் வழியாகவும் தொடர்பலைகள் வழியாகவும் ஸ்பாட்டிவை SPOTIFY.COM என்ற நிறுவனத்தோடு இணைந்து எமது குரலில் சில நல்லனவற்றை எடுத்தியம்ப முயன்று வருகிறோம். அதில் தாய்...மாக்ஸிம் கார்க்கியின் நாவல் முடிவு பெற தற்போது நாங்கள் முயன்ற சில பல கருத்துகளையும் முன் வைத்து வருகிறோம்.

இன்று: ச.மே.சிற்பியின் "ஜனநாயக மறு சீரமைப்பு ஒலி வடிவில் வந்திருக்கிறது நுகருங்கள்

 அடுத்து:

நதி நீர் இணைப்பு (கங்கை காவிரி இணைப்பு காலத்தின் கட்டாயம்) 

 தணிகையின் பார்வையில் தலையாய குறள்கள் 100

 மூச்சுக் காற்று

 போகிற போக்கில்

 மறுபடியும் பூக்கும்

 நேசமுடன் ஒரு நினைவதுவாகி

 அளவுக்கு மிஞ்சினால் (வயது வந்தோர்க்கு மட்டும்)

போன்ற பல நூல்களும் அதை அடுத்து பல இலக்கிய நூல்களின் தலை சிறந்த படைப்புகளும் இடம் பெறும் என்பதை மகிழ்வுடன் தெரிவித்துக் கொள்கிறேன்.

தேன் உயரியது, உயரமான இடத்தில் கிடைப்பது,உலகெலாம் மலர உதவிடும் மருந்து நம்புங்கள்

hear and spread

https://open.spotify.com/episode/7jHKpNVDO1zvSzHQFYqy93?si=lrrKQc9ITwuG0tnzQDtRNg&utm_source=whatsapphttps://open.spotify.com/episode/7jHKpNVDO1zvSzHQFYqy93?si=lrrKQc9ITwuG0tnzQDtRNg&utm_source=whatsapp

மறுபடியும் பூக்கும் வரை

கவிஞர் தணிகை

          

நவி என்கிற நவநீதம் பிள்ளை 85: கவிஞர் தணிகை

 நவி என்கிற நவநீதம் பிள்ளை 85: கவிஞர் தணிகை

நோபெல் நீதி செய்து விட்டது. வாழ்த்துகள் நோபெல் கமிட்டி மற்றும் நவி அம்மையாருக்கு!

நல்ல வேளை ஒபாமா நோபெல் வாங்கி விட்டாரே என அமெரிக்க குடியரசுத் தலைவரின் புலம்பலுக்குப் பணியாது 8 போரை நிறுத்தினேன், 9 பேருக்கு இழப்பீடு செய்தேன் என்ற வாய்வழிப் பேச்சுக்கெலாம் மசியாது,

நார்வே ஓஸ்லாவில் நோபெல் கமிட்டி சிறந்த ஒரு செயலை மேற்கொண்டமைக்காக அதிலும் ஒரு தமிழ் வம்சாவளி உண்மையான ஒரு காந்திய மானுடம் நவி என்கிற நவநீதம் பிள்ளை என்கிற மாபெரும் மானுடத்துக்கு இந்த ஆண்டு நோபெல் பரிசு அளித்து அவருக்கும் தமக்கும் பெருமை செய்து கொண்ட நோபெல் கமிட்டி மற்றும் நவ நீதம் பிள்ளை ஆகியோரை ஒரு காந்தியம் அறிந்தவர் என்ற முறையில் இந்த வலைப்பூவின் மூலம் பாராட்டுகளையும் நன்றிகளையும் தெரிவித்துக் கொள்கிறேன்.

ஏன் எனில் மகாத்மா காந்தி தென் ஆப்பிரிக்க வாழ்வில் இந்த நேடால் என்ற இடம் முக்கிய பங்கு பெற்றிருக்கிறது, அந்த நேடால் என்ற நகரின் ஹார்வேர்ட் பல்கலைக் கழகத்தில்  சட்டம் பயின்று வாழ்வெலாம் கடைத் தட்டு மக்களுக்கான உரிமையை உறுதி செய்ததிலும், நிற வேற்றுமையை அகற்ற பாடு பட்டதிலும், நெல்சன் மாண்டேலா போன்ற காந்தியவாதிக்கும், மற்றும் அந்நாட்டு மக்களுக்கு நீதி கிடைக்க பாடுபட்டதிலும், அகில உலக நீதிக்கு அரும் பாடுபட்டதிலும் அம்மணி பட்டொளி வீசி பறக்கிறார். 

வாழும் போதே கிடைத்த அரும் பரிசு இது. காந்தியத்துக்கு கிடைத்த வெற்றி இது .

மகாத்மாவுக்கு கிடைக்காத பேறு இது போன்று அவர்களின் வழித் தோன்றல்களுக்கு கிடைக்கிறது என்பதைக் காணும்போது உண்மையாகவே காந்தியம் படித்து தேறி அதில் பரிசு பெற்றவர் என்ற முறையில் அடியேனுக்கும் மிக்க மகிழ்வு.

இதே தென்னாப்பிரிக்க நிற வெறி எதிர்ப்பு போராட்டத்தின் போதுதான் வள்ளியம்மை என்ற 16 வயது தமிழ்ப்பெண் உயிர் நீத்து காந்தியத்துக்கு முதல் வேரானார் என்பதெல்லாம் இதனுடன் தொடர்பில் இருக்கிற வரலாற்று உண்மைகள்.இவருக்கு 85 ஆம் வயதில் வந்து இந்த பெருமை சேர்ந்திருக்கிறது வாழ்க பல்லாண்டு இது பல நூறண்டு பேசப்படும்.பேசப்படட்டும்

தமிழுக்கும் காந்தியத்துக்கும் எப்போதும் பெரும் தொடர்பு உண்டு.

வாழ்த்துகள் நெஞ்சார்ந்த கை குலுக்கல்கள்.

மறுபடியும் பூக்கும் வரை

கவிஞர் தணிகை.

ஒரு கிலோ குச்சுக்கிழங்குக்காக ஓராண்டாக தவம்: கவிஞர் தணிகை

 ஒரு கிலோ குச்சுக்கிழங்குக்காக ஓராண்டாக தவம்: கவிஞர் தணிகை

உரம் போடாத இயல்பான குச்சுக் கிழங்கு நல்ல ருசியுடன் இருக்கும், வேகவைத்து உண்ணவும், அதை மீண்டும் தாளித்து சுவை சேர்த்து உண்ணவும்...அது ஒரு ஓராண்டுப் பயிர்.

 நடைப்பயிற்சியின் போது சுமார் ஓராண்டுக்கும் முன் ஒரு முதிய காட்டுக் குத்தகைக்காரப் பெண்ணிடமிருந்து அவ்வப்போது புதிதாகப் பிடுங்கி எடுத்த கிழங்கை ஓரிரு முறை வாங்கி உண்டு சுவைத்து அனுபவித்தோம்.கிலோ ரூ.30 என.ஆனால் சுமார் ஒன்னரைக் கிலோ வரைகூட கொடுத்தார்கள் ஒரு கிலோ விலையிலேயே. தோட்டத்தில் நேரடி விற்பனை.

அத்துடன் விட்டோமா? அந்த கிழங்கு எடுத்த பின் இருக்கும் குச்சியை நட்டு வைத்தால் ஓராண்டுக்கும் பின் நல்ல கிழங்கு விளைச்சல் இருக்கும் என்றதால் அதை வெட்டி கணுக்களுடன் சிறு சிறு துண்டுகளாகச் செய்து  சுமார் ஆறெழு இடங்களில் வீட்டின் முன் இடத்தில் நட்டு வைத்தேன். மீதமானதை பக்கத்து வீட்டிற்கும் நடச் சொல்லி பகிர்ந்தளித்தேன்.

காலம் ஓராண்டுக்கும்  மேல் ஓடிவிட, பக்கத்து வீட்டார் நல்ல விவசாய குடியானவக் குடும்பம், நல்ல தளர்வான மண்வளம் வேறு அவர்களுடையது. நட்டு வைத்து வளர்த்தார்கள். வளர்ந்தது.சில மாதங்களுக்கும் முன் பார்த்துப் பேசுகையில் சொன்னார்கள், அண்ணா, பெருக்கானோ(பெருச்சாளி) பன்றியோ செடியை நோண்டி விட அதைப் பிடுங்கிப் பார்க்க ஒரெ செடியில் சுமார் இரண்டரைக் கிலோ வரை கிழங்கு இருந்ததென்று சொன்னார்கள்.

நாம் நெகிழ்வுடன் இளகிய மனம் படைத்தவர் ஆனால் நமது மண் அப்படி இல்லை. சிமென்ட் சாலை அமைக்கையில் வீட்டின் முன் இருந்த மின் கம்பம் மண் திட்டின் மேல் இருந்ததால அது மழை மண் அரிப்பில் ஏதாவது சாய்ந்து அபாயம் விளைத்திடக் கூடும் என எண்ணி, சாலை அமைக்கும் ஒப்பந்ததார வேலைக்காரத் தம்பி ஒருவரிடம் கம்பத்தடியில் கொஞ்சம் கலவைக் கொட்டித் தர வேண்டுமென்று வேண்டுகோள் வைக்க அவரும் செய்தார். உடனே நமக்கு நெஞ்சில் உவப்பு.அவருக்கு ஒரு புத்தகம் வேறு சிறு அன்பளிப்பு அன்பின் அடையாளமாய் அந்த ரோடு போட்ட‌ டீமுக்கு காபி டீ கூட கொடுத்ததாக நினைவு பிஸ்கட்களுடன்.

அவர் சாலையில் இருந்து அகற்றிய கற்களுடனான மண் குவியலை வண்டியில் ஏற்றி அப்புறப்படுத்தினால் அது செலவு பிடிக்கும் என்பதால் எம் இடத்தில் கொட்ட அனுமதி கேட்க எவ்வித முன் யோசனையுமின்றி கொட்டிக் கொள்ளுங்கள் என்று சொல்லி விட்டேன். 

அதன் விளைவு கற்களும் சரளையுமானது எங்கள் சிறு காலி இடம். எந்தவித செடியும் மரமும், கொடியும் வருவதாக இல்லை. அதற்காக மெனக்கெட்டு ஏதாவது செய்தாக வேண்டிய நிலைக்கும் முன் ஏதாவது விதை போடுங்களேன் முளைக்கட்டும் என அக்கம் பக்கத்தார் வலியுறுத்த முயற்சி செய்தோம். ஒரு முறை ஏதோ பூச்சிகள் கடித்ததோ, ஒத்தியதோ ஒன்னரை மாதம் சிகிச்சை எடுத்தும் வலது கையில் நமைச்சல், கை தோல் உரிந்து ஒரே களேபரம். ஆங்கில வைத்தியத்தை நமது மருத்துவ சீடர் சொல்லியும் அதன் படி நடந்தும் பிரச்சனை தீராமல் கடைசியில் சிறியா நங்கை இலைகளை சிறிதளவு உண்டு வர விஷக்கடி நீங்கினாற்போல் நீங்கியது. மேலும் மலச்சிக்கல் நேரும்போது அலர்ஜி வந்து அந்த அரிப்பு அவ்வப்போது தோன்றுவதால் தோட்ட வேலைக்கு ஒரே முழுக்கு. அவ்வப்போது சிறிது நீர் காட்டுவதோடு சரி.அனுபவ விவசாயிகள் சொன்னார்கள் அவ்வப்போது நன்றாக கொத்தி விட்டு நிறைய நீர் விடுங்கள் என்றார்கள் கிழங்குச் செடிகளுக்கு மட்டுமல்ல எல்லா செடி கொடிகளுக்கும் வாழைகளுக்கும்.

இராமலிங்க வள்ளலார் பிறந்த இன்றைய  தினத்தில் குறிப்பிடுகிறோம் யாதெனில், அவர் சொல்லியபடி, வாடிய பயிரைக் கண்டபோதெல்லாம் மனம் வாடுவதோடு சரி, நீர் கொடுக்க நீரும் இல்லை நமக்குத் தெம்பும் இல்லை.முடிந்ததைச் செய்தோம்.

குச்சுக் கிழங்கு செடிகள் ஆளுயுரம் வந்திருந்தன. மகனைப் பிடுங்கச் சொன்ன போது ஒரு கிலோ தேறியது 6 செடிகளுக்கும் சேர்த்து. ஓராண்டு பராமரிப்புக்குப் பின். ஏன் எனில் செடியின் வேர்கள் மண்ணில் இறங்காமல் இந்தக் கற்புதைகள் அவற்றை தடுத்ததால்.

என்றாலும் நாங்கள் விளைத்தக் கிழங்கு நல்ல ருசியுடன் இருந்தது, உரம் போடாத எங்கள் வீட்டு வளர்ப்புக் கிழங்காயிற்றே...ஒரு முறை ருசி பார்த்தோம் அவ்வளவுதான். நாங்கள் இளகிய மனம் படைத்தவர்கள் நெகிழும் தன்மையுடன் இருப்பவர்கள். ஆனால் எங்கள் மண் அப்படிப்பட்டதல்ல ஒரே கற்களுடன்....

ஒரு புதரின் இடையே இரண்டு நாய்கள் 9 குட்டிகள் போட்டிருக்க சிலர் எடுத்துக் கொள்ள,அந்த நாய் பாவம் பால் கொடுக்க வர பரிதாபத்துடன் அதை துரத்தாமல் அனுமதிக்க அதன் பருவம் முடிந்து குட்டிகள் கால் முளைத்து சென்ற பின் அதன் பிறகு ஒரு வெள்ளைத் தாய்ப் பன்றி தானும் குட்டி போட இடம் பார்க்க ஆரம்பிக்க அதை அடிக்காமல் விரட்ட வேண்டிய ஒரு முனப்பாங்கு தேவைப்பட்டது.

 இங்கு எறும்புகள், கட்டெறும்புகள், பாம்புகள், பல்லிகள்,குழவிகள், ஈசல்கள், பூச்சிகள், வண்டுகள், வண்ணத்துப் பூச்சிகள்,அந்துப் பூச்சிகள், விட்டில் பூச்சுகள் எல்லாம் கருணை மயம் வீட்டுள்ளேயே வந்து வசிக்க எங்களை நேசிக்க ஆரம்பித்திருக்கின்றன. மறுபடியும் ஒரு குருவி பண்பலை வானொலிப் பாட்டு போட்டால் கூட காலை விடியும் வரை எழுந்து போகவே மாட்டேன் என பயமிரா உறக்கத்தில்...இவைகள் எல்லாம் எமது குடும்பத்துடன்....

மறுபடியும் பூக்கும் வரை

கவிஞர் தணிகை

கண்டு கொண்டேன் கண்டு கொண்டேன் மகேந்திரனை: கவிஞர் தணிகை

 கண்டு கொண்டேன் கண்டு கொண்டேன் மகேந்திரனை: கவிஞர் தணிகை

கண்டேன் சீதையை என்று ஒற்றை வரி அனுமனால் சீதையைக் காணாது ஏங்கிக் கிடந்த‌ இராமனுக்கு உரைக்கப் பட்டது என்கிறது கம்பராமாயணம்.

கண்டு கொண்டேன் கண்டு கொண்டேன் திரைப்படம் பற்றி சொல்ல வேண்டியதில்லை

மகேந்திரன் என்னும் பெயர் சரித்திரத்தில் நிலை பெற்றிருக்க மஹாபலிபுரம் சான்று. சிவகாமியின் சபதத்தில் கல்கி நிறைய எழுதி இருக்கிறார். மகேந்திர வர்மன் , சித்திரக்காரப் புலி ,விசித்திர சித்தர் என்றெல்லாம் அழைக்கப் பட்டவர். இவரின் புதல்வர்  நரசிம்ம வர்ம பல்லவர் சாளுக்கிய நாட்டை தீக்கிரையாக்கி புலிகேசியை வென்று அப்பா தோற்றதற்கு பழி வாங்கி அங்கிருந்த விநாயகர் சிலையை பரஞ்சோதி படைத்தளபதி மூலம் தமது நாட்டுக்கு கொண்டு வந்தார் என்பதெல்லாம் வரலாறு!

ஒரு வேலையை செய்ய எவர் எவர் தகுதியாய் இருப்பார் என தகுதி அறிந்து அவரிடம் அவ்வேலையை ஒப்படைப்பதில் இந்தக் காலத்தில் மிக்க சிரமம் இருக்கிறது.

இதை குறள் சொல்கிறது: இதனை இவன் முடிக்கும் என்றாய்ந்து அதனை அவன் கண் விடல் என்று...

சரி. சுருங்கச் சொல்ல முனைகிறேன், இவனைப் பெற இவன் தந்தை என்ன தவம் செய்தானோ என்ற குறளும்

மகன் தந்தைக்காற்றும் உதவி அவையத்து முந்திருப்பச் செயல் என்றும் குறள் தந்தை, மகன் உறவின் மேன்மை பற்றியெல்லாம் சொல்கிறது.

மகன் உயரமான கூரை உடைய வீடாக இருப்பது ஆசை எனக் கேட்டதால் அமைத்தோம். மற்றொரு மகன் அதில் சரவிளக்கை தொங்க வைத்தான்.அதில் அந்த 28 விளக்குகளுடைய சரத்தில் மேல் 3, கீழ் 3 விளக்குகள் மொத்தம் 6 விளக்குகள் எரியவில்லை.

வீட்டின் பல பகுதிகளில் கண்ணாடி மற்றும் பல விலையுயர்ந்த மதிப்புடைய பொருட்கள்...வடிவேலு, விஜய், சூரியா ப்ரண்ட்ஸ் படக் காமெடி like Apprentice story ஆகிடாமல் பொறுப்புடன் பணி செய்ய வேண்டும் சுமார் 20 அடிக்கும் மேலான உயரத்தில். நிலத்தில் நல்ல டைல்ஸ் வேறு. ஏதாவது சேதமானால் ஈடு செய்ய முடியாது என்ற பயம்.நிறைய பயம் மற்றும் நிதர்சனமான தடைகள்.

விவேகானந்தர் பாறை, இராமகிருஷ்ணர்  கைப் பிடித்து கடல் நீரைக் கடந்து அழைத்து செல்வதான உருவெளித் தோற்றம் என்ற நிகழ்வுகள் பற்றி எல்லாம் விவேகானந்தர் இராமகிருஷ்ணர் வரலாறு அமெரிக்கப் பயணம், சிகாக்கோ பிரசங்கம் பற்றி எல்லாம் படித்தவர் அறிவார்.

சாக்ரடீஸ் பகல் நேரத்திலேயே ராந்தலை ஏந்திக் கொண்டு மனிதரைத் தேடியது போல நல்ல மனிதரைத் தேடுவது என் வேலை.

இங்கு நமது மகேந்திரன் எனது துன்பம் தொலைக்க அறிமுகமான கதை நிகழ்கிறது. அதற்கு சற்றேறக் குறைய மாதமே ஆகிவிட்டது. மிகவும் பொறுப்புடன் சாரம் அமைத்து அந்த விளக்குகளை தினேஷ்குமார், மற்றும் சங்கர லிங்கம் பாலாஜி லைட்ஸ் சரி செய்து கொடுக்க பெரும் உதவியை எந்தவித சிறுக் கீறலும் இன்றி பொறுப்புடன் செய்து கொடுத்தார். சுமார் 20 அடியில் இருவர் நின்று மணிக் கணக்கில் அதுவும் வீட்டுள் உள்ள டைல்ஸ் தரை மேல் அமைத்துக் கொடுத்த சாரப்பலகையில் நின்று பணி செய்ய தமது நேர்த்தியான பணியை செய்து கொடுத்திருந்தார்.

மகேந்திரன் சாரம் அமைப்பாளர் மேட்டூரின் ஒரு மண்ணின் மைந்தர், இவர் தந்தை கல் உடைப்பதில் விற்பன்னராகவும் நுட்பமாகவும் இருந்த கதை எல்லாம் வேறு...மகேந்திரனின் மகன் மணிவேல் தற்போது ஆஸ்திரேலியாவில் ஒரு பிரபலக் கம்பெனியில் பொறியாளர். தாய் எட்டடி என்றால் எப்போதுமே குட்டிகள் பதினாறு அடி தாவும் என்ற பழமொழி என்றும் நிகழும் பொருள்மொழி...பொதுமொழி.

 மகேந்திரன் மற்றும் அவரின் உதவியாளர் செங்கோடனிடமும் சுமார் 2 மணி நேரத்துக்கும் மேல் நமது அனுபவக் கல்வியைப் பகிர்ந்து கொண்டோம். ஒரு நட்பின் கதை என்றும் தொடரும் என்றே நம்புகிறேன் அதன் பதிவுதான் இந்த ஒரு நாள் நாட்குறிப்பு.

மகேந்திரன் ஒரு கண்ணியமான தொழில் விற்பன்னர் நன்றி மகேந்திரன்.

மறுபடியும் பூக்கும் வரை

கவிஞர் தணிகை.

மனிதர்கள் செய்வது தானே?

 ஆடுகள் என்ன தவறு செய்தன?

மாடுகள் என்ன தவறு செய்தன‌

பன்றிகள் என்ன தவறு செய்தன?

(ஆர்15) R15 தான் என்ன தவறு செய்தது?

எல்லா தவறுகளும் மனிதர்கள் செய்தவை தாமே?

நண்பர்களின் ஆண்டு கூட்டு சந்திப்பு நிகழ்வை முடித்து விட்டு (1978VHS) நடைப்பயிற்சிக்கு சென்றேன், நேற்றைய தினம் , போகும் போது எல்லாம் அதனதன் மார்க்கத்தில் நன்றாகவே இருந்தன.

வீடு திரும்புகையில் கோம்பூரான் காடு குடி இருப்பு அருகே பள்ளி மற்றும் கோயில் இருக்கும் இடத்தில் ஒரே களேபரம். ஊரருகே இவ்வளவு வேகமாகவா செல்வார்கள் என மக்கள் அந்த வாகன ஓட்டியை நிந்தித்தபடி இருந்தனர்.

உஷா, பவர் 2.O பழனி போன்ற தன்னார்வலர்கள் ஏதோ தங்களால் ஆன உதவியை செய்ய முயற்சித்தபடி இருந்தனர்.

என்ன என ஊன்றிப் பார்த்தால், ஒரு செம்மறி ஆடு காலை நீட்டி விரைத்தபடி இறந்து கிடக்க, இன்னொரு செம்மறி ஆடு உயிர்  ஊசலாட்டம் கொண்டு இழுத்தபடி கிடக்க, மற்றொரு செம்மறி ஆடு மூக்கு உடைபட்டு இரத்தம் சொட்டச் சொட்ட இருப்பிடம் கொண்டு சேர்க்கப் பட்டிருந்தது.

ஆர்15 வாகனத்தில் போதையில் வந்த இளைஞர் ஒருவர் சாலையில் குறுக்கே வந்த ஆடுகளை தட்டி தூக்கி எறிந்து விட்டார். செம்மறி ஆடுகளின் உரிமையாளர் வயதான பெண் ஓலமிட்டபடி சிலர் சுற்றி வளைத்து ஆறுதல் படுத்தியும் அடக்க முடியமால அழுது கொண்டிருந்தார்.

இன்று ஞாயிறு எனவே இறந்த ஆட்டை விற்றுக் கொள்ளும்படி காவல்துறை சொல்லி இருப்பதாகவும்  கசாப்புக்கடைக்காரர்கள் மூவரை தொடர்பு கொண்டிருப்பதாகவும் பழனி தகவல் தந்தார்.

சிறிது நேரத்தில் ஆம்புலன்ஸ் ஒன்று சத்தமிட்டபடி சென்று கொண்டிருந்தது என்ன என விசாரிக்க அந்த இளைஞர் கோம்பூரான் காடு ஆரம்ப சுகாதார நிலையத்தில் இருந்தவரை மேட்டூர் பொது அரசு மருத்துவமனைக்கு கொண்டு செல்வதாகத் தகவல்.

ஆக இந்த சம்பவம், பெரிதும் எனை சிந்திக்க வைக்க, வாய் இல்லா அறிவு குறைந்த ஜீவன்கள் என்ன பாவம் செய்தன? இப்படி எல்லாம் இறப்பதற்கு? எப்படியும் அதன் முடிவு கசாப்புக்கடைக்காரர்களுக்குப் போவதுதானே அதனால் என்ன என்ற விவாதப் போக்கை நீக்கிப் பார்க்க பாவமாகத் தெரிந்தன.

இப்படி சாலை விபத்தில் ஆர்15 ஓட்டி வந்த போதையிலிருந்த இளைஞரால் வேகத்தில் அடித்து வீழ்த்தப்பட்டிருந்த ஆடுகள் உரிமையாளருக்கு  பெரும் துன்பத்தை விளைவித்துள்ளன.

ஏற்கெனவே ஒரு முறை கறைவை மாடு ஒன்று இப்படித்தான் காலாவதியான மாத்திரை மருந்துகள், குளிர்பானங்கள்,பிஸ்கட், சாக்லேட் போன்ற தின்பண்டங்களைத் தின்று விட்டு இறந்து கிடந்தது இப்பகுதியில் சற்றுத் தள்ளி சுடுகாட்டருகே... இதை யார் கொட்டினார்கள் என்பதெல்லாம் அப்போது பேசப்பட்டதோடு சரி...

பைபிளில்  ஆவி அதன் மேல் ஏவப்பட்ட பன்றிக்குட்டிகளை கடலில் தள்ளி யேசு அவற்றை மூழ்கடித்து இறப்பித்ததான அற்புதங்கள் உண்டு...

ஆர்.15 அதிவேக மோட்டார் சைக்கிள்கள் பள்ளி, கோவில் , ஊர் அருகே கூட வேகம் குறையாமல் முடுக்கிவிடப் பட்டதற்கு அதன் தயாரிப்பு மாடல் காரணமா? ஒட்டி வந்த இளைஞர் காரணமா? அரசு நடத்தி வரும் அரசாங்க மது பானக் கடை விற்பனை காரணமா? அதை வாங்கி குடித்து விட்டு வண்டி ஓட்டி வந்த அந்த இளைஞர் காரணமா என்றெல்லாம் மக்கள் சிந்தித்தித்துக் கொண்டே இருக்கிறார்கள்.

எல்லாத் தவறுகளும் மனிதர்கள் செய்வது தாமே?....

மறுபடியும் பூக்கும் வரை

கவிஞர் தணிகை.

மனிதர்கள் செய்வது தானே?

பி.கு. : இது ஒரு உண்மைச் சம்பவத்தால் எழுந்த நினைவு அலைப் பதிவு

         யாரையும் எதையும் குற்றம் காண எழுதப்பட்டதல்ல...எச்சரிக்கை         சாலைகளில் அவசியம் என்பதே இதன்                         முக்கியத்துவம்.

புற்று நோய்க்கான போலி மருந்து விற்பனை::கவிஞர் தணிகை

 அன்பர்களே, நண்பர்களே, தோழர்களே தோழியரே:கவிஞர் தணிகை

90 மருத்துவ மனைகள்,6 மாநிலங்கள்,5 வருடங்களாக, போலி புற்று நோய் மருந்து விநியோகச் செய்தி...

இந்தியாவில் இதெல்லாம் சகஜமப்பா...

இந்த செய்தியைக் கண்டவுடன் பலரிடமும் வாய் வழியே சொல்லி சொல்லி மாய்ந்து போனேன். ப்யூஸ் மானுஸ் காணொளியே வெளியிட்டிருக்கிறார்.

மலிவு விலையிலான மருந்து, காலாவதியான மருந்து, போலியான மருந்து இவற்றை எடுத்து மறு உறையில் இட்டு புற்று நோய்க்கான மருந்து என பாதிக்கு பாதி விலையில் அதாவது 50 சதவீத கட்டணச் சலுகையில் 90 பிரபல மருத்துவமனைகளுக்கு 6 மாநிலங்களில் விநியோகம் செய்த ஒரு வலைப்பின்னல் போலி மருந்துக்கம்பெனி பிடிபட்டதாகவும் அதன் தலைமையை இன்னும் தேடி வருவதாகவும் ஒரு செய்தியை ஆங்கில செய்தி ஒன்று தெரிவித்திருந்தது.

இதன் பாதிப்புகள் எவ்வளவு வீச்சில் இருந்திருக்கும் என்பதற்கான தரவுகள் தெரியவில்லை. எத்தனை குடும்பங்கள் நிர்மூலமாயின, பயன்படுத்திய‌ எத்தனை  உயிர்கள் போயின என்பதெல்லாம் நமக்கு செய்திகளாக வரவில்லை. ஆனால் எங்கு பார்த்தாலும் இப்போது புற்று நோயால் பாதிக்கும் நோயாளிகள் பெருகி வருகிறார்கள் என்னும் நிலையில் இது போன்ற ஒரு அட்டூழியம் 5 ஆண்டுகளாக நடந்து வந்திருக்கிறது என்பதுதான் ஏற்றுக் கொள்ள முடியாத ஒன்றாக இருக்கிறது.

இது பற்றி எங்கு எவ்வளவு சொன்னாலும், எனக்கு வலி தீரவே இல்லை, எனவே உங்களுடனும் ஒரு பதிவை வைத்து விட்டேன். தனி மனித தற்கொலை பற்றிய பதிவு ஒரு குடும்பத்தையே பாதிக்கிறது என்று இருக்கையில் இது எத்தனை குடும்பங்களை பாதித்திருக்குமோ....

கடவுளே...இந்த மனிதர்களை விட கேவலமான உயிர்கள் வேறு இல்லைதானே?

மறுபடியும் பூக்கும் வரை

கவிஞர் தணிகை.

மறுபடியும் ஒரு கறுப்புப் பக்கம்: கவிஞர் தணிகை

 மறுபடியும் ஒரு கறுப்புப் பக்கம்: கவிஞர் தணிகை

10 மாதப் பெண் குழந்தை, நல்லதொரு வாழ்வின் துணை, நல்ல பெற்றோர் தூரம் தொலையில், பணி நிமித்தம் மாநிலத்தின் தலைநகரில், கை நிறைய அல்ல அல்ல செல் நிறைய சம்பளம்,உதவி வேண்டிய நிலையில் சிறிது காலம் முன்னே விபத்துக்குள்ளான மூத்த சகோதரன்...ஏற்கெனவே வெளிநாட்டில் எல்லாம் பணி செய்த பெருமை

இப்படி இவற்றை அனைத்தையும் விட்டு விட்டு ஒரு இளைஞர் இரண்டு மூன்று பக்கங்களை எழுதி வைத்துவிட்டு தமது தோழர்களை எல்லாம் ஒரு முறை கடைசியாகப் பார்த்து விட்டு தமது இருப்பிடத்தில் தூக்கு மாட்டி தற்கொலை செய்து கொண்டதாக காலையில் ஒரு காது வழிச் செய்தி...

என்ன ஏது எப்படி எதற்கு என்பதெல்லாம் தெரியவில்லை, காவல் நிலைய வழக்குடன், மருத்துவமனை பிரேதப் பரிசோதனையுடன் 460 கி.மீ தொலைவிற்கு அந்த உடல் செல்ல வேண்டியதாகிறது. செத்தும் கொடுத்தாண்டி சீதக்காதி என்ற பழமொழி உண்டு,ஆனால் இறந்தும் இருப்பார்க்கு இப்படி எல்லாம் இந்த இளைஞர்கள் தொல்லை கொடுக்குமளவு என்ன துன்பம் இவர்களை எல்லாம் வாட்டுகிறது?

எல்லா தரப்புக்குமே இவர் போன்றோரால் எத்தனை துன்பம்? சொந்தக் குழந்தை இனி யாரை அப்பா என்றழைக்க முடியும்? அப்பா இல்லாக் குறையை அந்தக் குழந்தைக்கு கொடுக்க இவருக்கு என்ன உரிமை இருக்கிறது. அந்த இளம் பெண்ணுக்கு விதவை என்ற ஒரு வேண்டாத துக்கத்தை தர என்ன தார்மீகப் பொறுப்பு இருக்கிறது? என்ன ஒரு மன நிலை இது? காவல் துறைக்கு வேறு வேலைகளே இல்லையா? நாட்டையும், வீட்டையும் அவர்களும் காக்க வேண்டுமே...இப்படி எல்லாம் செய்வாரோடு அவர்கள் அவலப்பட வேண்டியதெல்லாம் இல்லாமல் போக வேண்டும் இந்த நாட்டில்...

நிறைய நேரங்களில், நிறைய இடங்களில் நாம் குறிப்பிட்டதுண்டு, பிரபஞ்சத்தில் இந்த நீலக்கிரகத்தில் தவிர‌ உயிர்கள் இன்னும் வேறெங்கும் இருப்பதாக உறுதியாக கண்டறியப்படவில்லை...

இது போன்று மன நிலை குன்றும் போதெல்லாம் எங்களைப் போன்றோரை எவர் வேண்டுமானாலும் எப்போது வேண்டுமானாலும் தொடர்பு கொள்ளலாம் வாழ்வில் நிலைக்க...வாழ்வு நிலைக்க...

நமது உலகு எங்கே போய்க் கொண்டிருக்கிறது? நமக்கான உலகை நாம் செய்வோம் சலனப்படாதீர்கள் அன்பர்களே...வாழ்க வளர்க...வாருங்கள் பேசுவோம் குழப்பமான எண்ணங்கள் தெளிவடைய...

தெய்வா மக்கள் நல ஆலோசனை மையம்

தொடர்புக்கு: 8015584566