அட அப்படியா மறுபடியுமா மத்தியில் பி.ஜே.பி ஆட்சியா? கவிஞர் தணிகை

அட அப்படியா மறுபடியுமா மத்தியில் பி.ஜே.பி ஆட்சியா? கவிஞர் தணிகை




அட அப்படியா மறுபடியுமா? மத்தியில் பி.ஜே.பி ஆட்சியா?

ஏழைகள் மட்டும் நள்ளிரவிலும் நோட்டு மாற்ற வங்கி முன் நிற்க வேண்டுமா மறுபடியுமா?

அந்நிய நாட்டு முதலீட்டை தருவித்து இந்தியர்க்கு அள்ளி வழங்கப் போவதான வாக்குறுதி மறுபடியுமா?

இந்திய நதிகளை மறுபடியும் இணைப்பு செய்யப் போவதாக அறிவிப்பு வரவேண்டுமா?

எட்டு வழிச் சாலை போட்டு தீர்வோம் என்ற நிதின் கட்காரியின் உரை நிகழ வேண்டியா? உயர் நீதிமன்றத் தீர்ப்பை மதிக்க அவசியமில்லையா>?

கெயில் குழாய்கள் தஞ்சையின் நெற்களஞ்சியத்தில் இடை புக வேண்டியா?

அம்பானி அதானி போன்ற உலகின் மாபெரும் இந்தியப் பணக்காரர்கள் தழைக்க வேண்டியா?

புயலுக்கு நிவராணத்துக்கு எட்டிப் பார்க்காத பிரதமர்
கமலுக்கு பதில் சொல்லிய அக்கறை வேண்டியா?

மேலும் சுற்றுப் பயணம் செல்ல வேண்டிய நாடுகள் எத்தனை அதையும் பார்க்க வேண்டியா?

5 ஆண்டுக்கும் பிறகு தேர்தல் முடிவின் கட்டத்தில் பத்திரிகையாளரை சந்தித்த பிரதமர் மறுபடியும்  5 ஆண்டு கழித்து சந்திக்க வேண்டியா?

வடக்கு வாழட்டும் தெற்கு தேயட்டும்

நிர்மலா சீதாராமன் போன்றோர் கொடி பறக்கட்டும்
தமிழிசை பரவாதிருக்கட்டும்

மேலும் டோல்கேட்கள் அப்படியே மறு ஐந்தாண்டுகளிலும் கணக்கின்றி வசூல் செய்தபடியே இருக்கட்டும் இன்னும் அவர்கள் கஜானா நிறைய வில்லை என்றே சொல்லிக் கொண்டிருக்க...

குடி நீரும், மருத்துவமும், கல்வியும் சொல்லில் அடங்காமல் நாசமாகப் போகட்டும் என்றா...என்றா...

என்றா அப்படியா அட அதற்காக மறுபடியும் பி.ஜே.பி ஆட்சி...தனிப்பெரும் கட்சியாக வரும் என்று நினைத்திருந்தேன்...ஆனால் இந்தியாவை ஆள மறுபடியும் அவர்களை விட்டால் ஆள் இல்லை என்ற முடிவை கருத்து கணிப்புகள் சொல்லி இருப்பதைப் பார்த்தால்

அட அப்படியா மறுபடியும் பி.ஜே.பி. ஆட்சியா?....என்றே கேட்கத் தோன்றுகிறது.

கமலுக்கு முன் ஜாமீன் கிடைத்திருப்பது வரவேற்கத் தக்கதே...

மறுபடியும் பூக்கும் வரை
கவிஞர் தணிகை.