ஆர்.கே நகர் தேர்தலை நிறுத்து தமிழக அரசை கலை என்னும் பி.ஜே.பி கட்சி ஆட்சியின் மத்திய‌ நிலை? கவிஞர் தணிகை.

ஆர்.கே நகர் தேர்தலை நிறுத்து தமிழக அரசை கலை என்னும் பி.ஜே.பி கட்சி ஆட்சியின் மத்திய‌ நிலை? கவிஞர் தணிகை.



4000 ரூபாய் கொடுப்பதை வீடியோவில் பார்த்தோம், வாக்காளர் பட்டியலுடன் அடுத்து ஜானகி என பல பேர்களும் சொல்வது காதில் ஒலிக்கின்றன. இதை செய்தது ஆளும் கட்சி, கசிந்த பட்டியலில் 85 கோடி சப்ளை செய்யவும் எடப்பாடி முதல்வர் பேர் முதற்கொண்டு 7 மந்திரிகளின் பேர் இருக்கிறது என்றும் தேர்தல் ஆணையம் தலைமைத் தேர்தல் ஆணையத்திடம் நிலை விளக்கி திங்கள் கிழமை 10.04.17ல் முடிவெடுக்க முடிவு என்றும் செய்திகள் அல்லோகலப்பட்டுக் கொண்டிருக்கிறது.

ஏற்கெனவே தஞ்சை, அரவக்குறிச்சியின் இடைத்தேர்தல்கள் இது போன்ற காரணங்களுக்காக நிறுத்தப்பட்டிருப்பதாகவும் செய்திகள். தி.மு.கவும் ரூபாய் இரண்டாயிரம் கொடுத்து வருவதாகவும் செய்திகள்.

மொத்தத்தில் உலகின் மாபெரும் இந்திய ஜனநாயகம் ஒரு வாக்கின் மார்க்கெட் ரேட்டை ரூ.10000 பத்தாயிரம் வரை உயர்த்தி விட்டது. இந்த ரூபாய் கிடைக்கும் நகர் என்னும் இராதா கிருஷ்ணன் நகரில்.

இந்த இடைத்தேர்தல் மிக முக்கியமாக ஏன் விளங்குகிறது:
1. தி.மு.கவுக்கு ஒரு திருப்பு முனையாகலாம்
2. இருக்கும் எடப்பாடி முதல்வருக்கு கல்தா கிடைக்கலாம்
3. சில எம்.எல்.ஏக்கள் எடப்பாடி அணியிலிருந்து தினகரன் தோற்றால் அணி மாறலாம் அதனாலும் ஆட்சி கலையலாம்.

4. அல்லது மத்திய அரசே தேர்தல் ஆணையத்திடம் அணை போட்டு தேர்தலை நிறுத்தலாம்
5.ஆட்சியைக் கலைக்கலாம்
6. ஆட்சியைக் கலைத்து விட்டு குடியரசுத் தலைவர் ஆட்சியும் பிரகடனப்படுத்தலாம் இப்படி பல் வேறு சவால்களுடன் எதிர்காலத்தில் தமிழக நிலை.





இத்தனையிலும் ஏக கொடுமையான கோடை , குடி நீரின்றி காவிரி எல்லாம் வறண்டு போக, கர்நாடகா உச்ச நீதிமன்ற தீர்ப்பை ஏற்காமல் துணிந்து நிற்க அதெல்லாம் சட்ட ஒழுங்கை மீறுவதாகாது...ஆனால் எனக்குத் தெரிந்த நாள்முதல் எல்லாத் தேர்தலிலுமே பணம் வாக்குக்கு அளிக்கப்படாத தேர்தல் என்று எதுவுமே நடந்ததாக சரித்திரம் இல்லை.

என்ன அன்று ஒரு ரூபாய் தாள், இரண்டு ரூபாய் தாள்கள் கருக்கழியாமல் கைமாறும் இன்று மோடியின் கேடித் திட்டத்தால் அச்சடிக்கப்பட்ட பல இரண்டயிரம் ரூபாய் தாள்கள் ஒரு வாக்குக்கு கைமாற்றப் படுகின்றன அவ்வளவுதான் வேறுபாடும். காலம் மாற மாற அதற்கும் விலை ஏறத்தானே வேண்டும், பால் விலை இந்த மாதம் முதல் தனியாரில் எங்கள் வீடுகளில் 4 ரூ ஏறி இருக்க, காய்கறி விலை சொல்லவே வேண்டாம், வெங்காயம் கிலோ 60 என்கிறார்கள் என சேலம் சந்திப்பில் உள்ள கடையில் 55க்கு வாங்கி 45 கி.மீ பயணம் செய்து எடுத்து வந்தேன் கடந்த வெள்ளியில். எந்த காய்கறியும் விலை குறைவாக இல்லை. வாரம் 200க்கு காய்கறி வாங்கியது இப்போது இரண்டு மடங்கு கூடியுள்ளது.இடைத்தேர்தல் வாக்கின் விலையும் கூடி உள்ளது இதில் என்ன என்கிறீரா>?இறந்த நிரந்தர முதல்வர் அம்மா ஜெவின் தொகுதியாயிற்றே....பேய் பிசாசுகள் சும்மாவா இருக்கும் நான் பணப்பேயை தேர்தல் பிசாசுகளைச் சொன்னேங்க...இரவு பகலாய் பகல் இரவாய், வெயிலா அதற்கு இருந்தால் தான் என்ன....

இப்போதுதான் விஜய்பாஸ்கர் மந்திரி, மற்றும் அவர் உறவினர், சகோதரர், சரத்குமார் இருப்பிடங்களில் வருவாய்த்துறை சோதனை நடந்தது இது மேலும் பல மந்திரி வீடுகளில் தொடரும் என்ற செய்திகள்.

ஆக 12 ஆம் தேதி தேர்தல் ஆர்.கே நகரில் நடத்துவதற்குள் மத்திய பி.ஜே.பி ஆட்சி தமிழக ஆட்சிக்கு கொடுக்கும் இனிமா இவ்வளவு அவ்வளவு இல்லை...எப்படியோ தமிழிசை,நிர்மலா சீதாராமன், பொன் இராதாகிருஷ்ணன், எச்.உச்.இராஜா, போன்ற மாபெரும் மக்கள் செல்வாக்கு பெற்ற இந்த  மக்கள் தலைவர்கள் இன்னும் துணிச்சலாக பேசுமளவு தமிழக அரசியல் நிலை இருக்கிறது. இல கணேசன் கூட ஜென்டிலான அரசியல்வாதி என்று பேர் எடுத்தவர் ஆட்சி அவர்கள் தலைமைக்கு போனதால் தலைக்கனத்தோடு பேச ஆரம்பித்திருப்பதாகவும் செய்திகள் உலவ..

இப்போதுதான் எல்லாமே இவர்களுக்குத் தெரிவதாக நமக்கும் தெரிவதாக ஊடகத்துக்கும் தெரிவதாக..

ஒருபக்கம் அம்மா டிவி, அம்மா நாளிதழ்  அம்மா சவப்பெட்டி என பன்னீர் நாடகம் அரங்கேற்றி ஸ்டாலினின் கனவுத் திட்டமான எதிர்கால முதலவர் பதவிக்கு வேட்டு வைக்கப் பார்க்க...தமிழக விவசாயிகளை எடப்பாடி முதல்வர் பிரதமரிடம் அழைத்துப் போக வேண்டும் எனச் சொல்லும் ஸ்டாலின் எடப்பாடி அரசு தாங்காது 6 மாதத்துள் தேர்தல் என மறுபக்கம் ஓத‌

எல்லாம் வேடிக்கையாக அரங்கேறிடும் தமிழக அரசியல் நாடக காட்சிகள். இதில் மத்திய மோடி அரசு வேறு என்னவெல்லாமோ கணக்குகள்...உமா
பாரதி தூக்கில் தொங்கவும் தயார் என்கிறார் இராமர் கோயில் கட்ட,யோகி ஆதித்ய நாத் வந்தே மாதரம் பாடாதார் எல்லாம் இந்தியரா எனக் கேட்காமல் கேட்கிறார்.



ஆக பி.ஜேபி நாடகம் இப்படி, தேர்தல் நாடகம் அப்படி, தேர்தல் ஆணையம், வருவாய் வரித் துறை எல்லாம் எப்படி  நாளை மாலைக்குள்...

தவறு ருசிப்பிக்கப்பட்டால் வேட்பாளரையும் அந்தக் கட்சியையும் தேர்தலிலிருந்து நீக்குவது, தேர்தலை ஜூன் வரை தேதி இருப்பதால் ஒத்தி வைப்பது தேர்தலை நடத்த விடாமல் நிறுத்தி வைப்பது , ஆட்சியைக் கலைப்பது இப்படி பல வழிகள் இருக்கின்றன. ஏன் எனில் முதல்வரிலிருந்தே பல  மந்திரிகள் இந்த புகாரில் சிக்கி உள்ளனர்.

இந்தியாவின் இந்த ஜனநாயக முறைத் தேர்தல் மேல் மக்களின் கவனம் திருப்பப் பட்டு தேர்தல் சீர்திருத்த முறைகள் கொண்டு வர நல்ல தருணம் அரசுக்கும் ஆணையத்துக்கும், ஊடகங்களுக்கும், பாராளுமன்றத்துக்கும், நீதிமன்றங்களுக்கும் ஆனால் புகார் கொடுத்தாலும் எ.ஐ.ஆர் போட மாட்டோம் என்று பணி செய்யும் காவல் துறை போன்ற அமைப்புகளாயிற்றே இவை எல்லாம் ஆம் இவை எல்லாம் இவை எல்லாம் செய்யுமா என்ன?

மறுபடியும் பூக்கும் வரை
கவிஞர் தணிகை.

அலோக் சாகர்: கவிஞர் தணிகை

அலோக் சாகர்: கவிஞர் தணிகை




இந்த அலோக் சாகர் பற்றி ஒரு நண்பர் அனுப்பிய மின்னஞ்சல் மூலம் அறிய நேர்ந்தது. இது போன்ற மனிதர்கள் இன்னும் இந்தியாவில் இருக்கிறார்கள் என்னும்போதே மாதவம் செய்தவராய் இருக்க வேண்டும் இவர் என்னும் ஞானம் எழுகிறது .இந்தியாவில் இப்படிப்பட்ட நபர்களும் இன்னும் இருக்கிறார்களே என்ற வியப்புடன்.

இவர் ரகுராம் ராஜன் நமது முன்னால் ரிசர்வ் வங்கியின் ஆளுநராக இருந்தவரின் பேராசிரியர், ஐ.ஐ.டியின் பேராசிரியர்,இவரும் ஐ.ஐ.டியில் படித்துவிட்டு தமது முதுகலைப் பட்டத்தையும் முனைவர் பட்டத்தையும் ஹூஸ்டனில் படித்தவர்.




இதெல்லாம் இவரை அடையாளப்படுத்தவில்லை. ஆனால் ஒரு காந்திய சிந்தனையாளராக மத்தியப்பிரதேச மலைவாழ் மக்களுக்காக அவர்களுடன் தங்கி வெறும் உடம்புடன் ஒரு மிதிவண்டியில் விதைகளை எடுத்துக் கொண்டு தேவையான இடங்களில் தேவையனவர்க்கு வழங்கி மரங்களை உற்பத்தி செய்யும் ஆர்வலராக இருந்தார் என்னும் செய்தி நெஞ்சை நெகிழச் செய்வதாக இருந்தது.



மேலும் இந்த பக்கிரி யார் என காவல்துறை விசாரித்துப் பார்த்து தமது வணக்கத்தையும் இவருக்கு செலுத்தியதாக செய்திகள் இருக்கின்றன. அவருக்கு நாம் செய்யும் காரியம் நம்மால் முடிந்த அவரைப்பற்றிய ஒரு பதிவு அவ்வளவுதான்.




மறுபடியும் பூக்கும் வரை

கவிஞர் தணிகை.

மறைக்கப் பட்ட சாதனைகளும் தியாகங்களும் எத்தனையோ? கவிஞர் தணிகை.

நினைவிருக்கிறதா..?
1984-டிசம்பர் 3-ம் தேதி...!!!

போபால் ரயில்வே ஸ்டேஷனில் 'துருவே' என்ற ஸ்டேஷன் மாஸ்டருக்கு இரவு நேரப் பணி.

போபால் ஸ்டேஷன் வழியாக லக்னோ வில் இருந்து மும்பை செல்லும் ரயிலுக்கு சிக்னல்
கிளியரன்ஸ் கொடுத்துவிட்டு
வெளியே வந்தார்.
அவரால் காற்றில் ஏதோ வித்தியாசத்தை உணர முடிந்தது. அவசர அவசரமாக சிக்னல்
அறைக்கு ஓடினார்.

எப்படியாவது லக்னோ டு
மும்பை ரயிலைத் தடுத்து விடுவதுதான் அவரது
நோக்கம்.

ஆனால், அந்த ரயில்
ஏற்கெனவே கிளம்பிவிட்டது. துருவேயால் ஒன்றும் செய்ய முடியவில்லை. லக்னோ-மும்பை
ரயில் வந்தது.

அதில் இருந்து இறங்கிய
பயணிகள் எல்லாம் விஷ வாயுவைத் தாங்க முடியாமல் சுருண்டு விழுந்தார்கள்.
ஓடியவர்கள் இன்னும் சீக்கிரம்
இறந்தார்கள்.

கொஞ்ச நேரத்தில் போபால் ரயில்
நிலையத்தில் 191 பிணங்கள் கிடந்தன. அந்தக்
காட்சி துருவேயை நிலை குலைய வைத்தது.

பதற்றத்தோடு சிக்னல் அறைக்கு ஓடினார். அங்கு அவருக்குக்
கீழ் பணிபுரியும் சிக்னல் மேன் வாயில் ரத்தம் வழிய செத்துக் கிடந்தார். அவரை
ஓரமாக நகர்த்திப்போட்டுவிட்டு, எந்த ரயிலும்
போபால் வழியே வந்துவிட வேண்டாம்' என்று
தகவல் அனுப்பத் தொடங்கினார்.

அதையும் மீறி வரும் ரயில்கள் ஜன்னலை மூடிக் கொண்டு போபால் ஸ்டேஷனில் நிற்காமல் வேகமாகப் போய் விடுமாறு
அறிவுறுத்தினார்.

மூக்கிலும் வாயிலும் வழிந்த ரத்தத்தைத் துடைத்துக் கொண்டு, இரவு முழுவதும்
விழித்திருந்து வேலை பார்த்தார். அந்த இரவு விடிந்தது.

அடுத்த நாள் சிக்னல் அறையைத்
திறந்தபோது, ஸ்டேஷன் மாஸ்டர் துருவே வாயில்
ரத்தம் வழிந்த நிலையில் சிக்னல் அனுப்பும் கருவியை ஒரு கையால் பிடித்தபடி செத்துக் கிடந்தார்.

துருவே மட்டும் இல்லை எனில், போபால் விஷ வாயுக் கசிவின் மரண எண்ணிக்கை இன்னும்
சில ஆயிரங்கள் கூடியிருக்கும்.

ஆனால்,
போபால் நகரத்தில் விஷவாயு கசிந்த அந்த இரவில் மாநில முதல்வர் அர்ஜுன் சிங்,
நகரில் இருந்து 14 கி.மீ ஓடோடிச் சென்று தப்பித்தார்.

’துருவே’ போன்ற தேச வீரர்களின் தியாகம் ஏனோ அங்கீகரிக்கப் படுவதும் இல்லை.

மக்களுக்கு ஞாபகம் இருப்பதும்
இல்லை.

பகிரவாவது செய்வோம்.

மறுபடியும் பூக்கும் வரை

கவிஞர் தணிகை.

thanks: mail from Lakshmanan Marimuthu

காதல் விஷம்:கவிஞர் தணிகை

காதல் விஷம்:கவிஞர் தணிகை

விஷமாயிருந்தாலும் அதையும் ருசித்து பார்த்து விடுவதுதான் நமது வழக்கம், பழக்கம்.அது எப்படிப்பட்ட உணவாயிருந்த போதும் அதை ருசித்துப் பார்க்கும் ஒரு சமையல்காரன் போல...

தீவிரவாதத்தால் இழக்கும் உயிர்களை விட காதலால் நடக்கும் தீவிரவாதம் இந்தியாவில் நாளுக்கு ஒரு கொலை, 14 தற்கொலை, 47 கடத்தல் என தற்போதுதான் படித்தேன், இது இராதாகிருஷ்ணன் நகர் தேர்தலை விட எடப்பாடி பழனிசாமியின் ஆதரவுடன் தமிழரான சதாசிவம் முன்னால் உச்ச நீதிமன்ற தலைமை நீதிபதியும், தற்போதைய கேரள ஆளுனருமான இவர் துணைக் குடியரசுத் தலைவர் தேர்தல் போட்டியில் ஈடுபடுகிறார் என்பதையும் விட பெரிய செய்தியாக, விஷால் திரைப்பட தயாரிப்பாளர் தேர்தலில் வெற்றி பெற்றதை விட சமூக அக்கறை அதிகம் காட்ட வேண்டிய செய்தியாக எனக்கு இருப்பதால் எனது கவலையை இங்கு பதிவு செய்வது அவசியமாகிறது.   

செய்தி :    TNN

                      

இந்தியாவில் தீவிரவாதத்தை காட்டிலும் அதிக உயிரிழப்புகள் காதல் விவகாரங்களால் ஏற்படுவதாக அதிர்ச்சியளிக்கும் புள்ளிவிவரங்கள் வெளியாகியுள்ளன.

2001 முதல் 2015 வரையான உயிரிழப்புகள் பற்றிய மத்திய அரசின் புள்ளிவிவர அறிக்கையில் அதிர்ச்சியளிக்கும் பல தகவல்கள் வெளியாகியுள்ளன. அந்த குறிப்பிட்ட காலகட்டத்தில், 38,585 கொலைகள், 79,189 2.6 லட்சம் காதல் விவகாரம் தொடர்பான கடத்தல் வழக்குகள் பதிவாகியுள்ளன. இந்த விவரங்களின் அடிப்படையில், நாள் ஒன்றுக்கு ஒரு கொலை, 14 தற்கொலை, 47 கடத்தல் காதல் விவகாரம் தொடர்பாக நடப்பதாக தெரியவந்துள்ளது.

காதல் தொடர்பான வழக்குகளில் ஏற்படும் உயிரிழப்பு எண்ணிக்கையின் அடிப்படையில் ஆந்திரப் பிரதேசம் முதல் இடத்தில் உள்ளது. உத்தரப்பிரதேசம், மகாராஷ்டிரா, தமிழ்நாடு, மத்தியப் பிரதேசம் ஆகிய மாநிலங்கள் அடுத்ததடுத்த இடங்களில் உள்ளன. இந்த மாநிலங்கள் அனைத்திலுமே 2001-2015 வரை 3 ஆயிரத்திற்கும் அதிகமான மரணங்கள் காதல் விவகாரங்களால் நிகழ்ந்துள்ளன.

காதல் விவகாரத்தில் அதிக தற்கொலைகள் பதிவான மாநிலம் மேற்கு வங்கம். அங்கு 2001-2015 வரை 15 ஆயிரம் தற்கொலைகள் காதலின் காரணமாக நடந்துள்ளன. இரண்டாவதாக, தமிழகத்தில் 9,405 தற்கொலைகள் காதல் விவகரத்தினால் நிகழ்ந்துள்ளன. அடுத்தடுத்த இடங்களில் உள்ள அசாம், ஆந்திரப் பிரதேசம், ஒரிசா மற்றும் மத்தியப் பிரதேசம் ஆகிய மாநிலங்களில் 5 ஆயிரத்திற்கும் அதிகமான தற்கொலைகள் பதிவாகியுள்ளன.

19 மாநிலங்களில், காதல் பிரச்னைக்காக தற்கொலை செய்துகொண்ட பெண்களின் எண்ணிக்கை ஆண்களைக் காட்டிலும் அதிகமாக உள்ளது.தற்கொலைகள் நடந்திருக்கின்றன.
courtesy: samayam

மறுபடியும் பூக்கும் வரை

கவிஞர் தணிகை

                      

3400 தமிழக டாஸ்மாக் மதுக்கடைகளை மூட வழி செய்த வழக்கறிஞர் பாலு மற்றும் உச்ச நீதிமன்றத்திற்கு நன்றி: கவிஞர் தணிகை

3400 தமிழக டாஸ்மாக் மதுக்கடைகளை மூட வழி செய்த வழக்கறிஞர் பாலு மற்றும் உச்ச நீதிமன்றத்திற்கு நன்றி: கவிஞர் தணிகை

குடி மிருகமே குடி
உன் மனைவி மக்களை
கிழித்தெறிந்து
வழிந்தோடும்
இரத்தத்தை
நக்கி நக்கிக் குடி..
   ‍‍‍==கவிஞர் தணிகை.





அரசால், அரசியல்வாதிகளால், சசிபெருமாள் போன்ற மதுவிலக்குப் போராளிகளால் செய்ய முடியாத இந்த நல்ல விஷயத்தை முன்னால் நீதியரசர் இந்நாள் சமூக சேவகர் சந்துரு சொன்னபடி சட்டத்தால் பொது நல வழக்கால் உச்ச நீதிமன்றத்தில் ஆணை பெற்று ஒரே நாளில் தமிழகத்தின் மதுக்கடைகளில் சுமார் 3400 கடைகளை மூடிய வழக்கறிஞர் கே.பாலு  and Arrive Safe voluntary organisation அவர்களுக்கு இந்த தமிழக மக்களின் சார்பாக கோடான கோடி நன்றியை இந்தப் பதிவின் மூலம் தெரிவித்துக் கொள்கிறேன்.

போதனையால் பிரச்சாரத்தால் ஏன் தேர்தல் வாக்குறுதியால் கூட மாறாத இந்தியக் குடிமகன்கள் இந்த மாற்றத்தை ஆணையாகக் கொண்டு வந்து பிறகு என்ன செய்ய முடியும்? 500 மீட்டர் தொலைவுக்கு அப்புறப் படுத்தச் சொல்லி இருக்கிறார்கள் சாலையிலிருந்து, தொழுகைக் கூடங்களிலிருந்து, பள்ளிகளிலிருந்து ஏன் இதை பொது இடத்தில் இருந்தே அப்புறப்படுத்தி புதைகுழிக்கருகே கொண்டு சென்று வைத்து குடித்து விட்டு வருவாரை அப்படியே புதை குழிக்குள் படுத்து மண்ணை மூடிப் போட்டு விட வேண்டும்..என்னும் வசதியுடன் செய்யப் பட வேண்டும்.




இத்தனை ஆண்டுகளில் வேறு எந்த வடிவத்திலும் எதிர்த்தாலும் சளைக்காத அரக்கர்கள் இப்போது செவி சாய்த்திருக்கிறார் வேறு வழியின்றி. அதுவும் தள்ளி வைக்கச் சொன்னதற்கே இவ்வளவு நீலிக்கண்ணீர். புறநகர் பகுதிகளில் 200 மீட்டர் தள்ளி இருக்கலாமாம்...சுமார் 10 இலட்சம் ஊழியர்கள் பணி இழப்பார்களாம், மாற்றி வைக்கையில் அங்கேயும் இவர்களுக்கு வேலை கிடைக்கும் தானே...அப்புறம் ஏன் இந்தக் கவலை இவர்களுக்கு...நினைத்த இடத்தில் வேலை கிடைக்காதே...மறுபடியும் அரசியல் குறுக்கீடு, மாறுதல் செலவு இலஞ்சங்கள்...இப்படி எல்லாம் போகுமே.. இதனால் இப்போது சரக்கு எக்கச் சக்க விலையாம், எக்ஸ்ட்ரா விலையாம்

கள்ள மது பெருகும் என்ற வாதம் ஒன்று இருக்கிறது , அரசு என்ற ஒன்று நல்லபடியாக இயங்கினால் காவல்துறை சரியாக இருந்தால் அதெல்லாம் வரமுடியாது.



முக்கியமாக தேர்தல் முறைகளில் நாடு ஈடுபடும்போது எல்லாக் கடைகளுமே மூடப்பட வேண்டும். இதையெல்லாம் விட்டு விட்டு இராதா கிருஷ்ணன் நகர் தேர்தலில் எப்படி எல்லாமோ பிரச்சாரம்...வேடிக்கை...வியாபரம்

இது நிரந்தர முதல்வர் ஜெவின் அரசாட்சிக்கு, அவர்கள் சார்பான ஆட்சியாளர்க்கு மேலும் ஒரு பின்னடைவு. நமக்கெல்லாம் பெரு மகிழ்வு.

இனியாவது தாய்மார்கள் நல்லபடியாக உறங்கட்டும்...பொது இடத்தில் குடிக்காத நல்ல மக்கள் அமைதியாக போக்குவரவு செய்யட்டும்.

என்ன இதை எல்லாம் நிரந்தரமாக மூட வில்லை எனினும், இது எல்லாம் தற்காலிக வெற்றிதான்.என்றாலும் இதை செய்யவே இந்த நாட்டில் ஆள் இல்லாதபோது பாலு வழக்கறிஞருக்கு நாம் நன்றி செலுத்தக் கடமைப்பட்டுள்ளோம் .இவர் மாதிரி எல்லாம் நானும் நாமும் இருக்க வேண்டும் என ஆசைப்பட்டதுண்டு. புலைத்தனத்துக்கு எதிராக சட்டபூர்வமாக போர்க்கோலம் ஏந்தவேண்டுமென்று...
Harban Sithu 47.He is also a reason to close down the highway liquor shops in TN and India.


மறுபடியும் பூக்கும் வரை

கவிஞர் தணிகை.

கவண்:‍ கவிஞர் தணிகை

கவண்:‍ கவிஞர் தணிகை







விஜய் சேதுபதி என்னும் நடிகர் இயக்குனர் என்னும் குயவன் கைகளில் எப்படி வேண்டுமானாலும் வனைந்து கொள்ளும் களி மண் பாத்திரமாய் நடித்து அழகு செய்கிறார் எனவேதான் அவரை இயக்குனர் நடிகர் என்றே சொல்லும்படி இந்தப் படத்திலும்...அனைவரும் விரயமாகிடுமோ பொருள் நேரம் என எண்ணாமல் துணிச்சலுடன் சென்று பார்க்கலாம் இந்த கவண் படத்தை.

எனக்கே சிறிது காலமாக தாவீது என்னும் ஆட்டிடையச் சிறுவன் கோலியாது என்னும் மாமலையை கவண் கல் கொண்டு வீழ்த்தியது பற்றிய ஒரு நினைவு நிழாலாடியபடியே இருந்தது சொந்த வாழ்வில்.

கடுகு: மஹாபாரதக் கதையில் திரௌபதியை வீதியில் முடியைப் பிடித்து துச்சாதனன் இழுத்துச் செல்லும் கதைக்கரு. கவண் பைபிள் படி தாவீது என்னும் ஆடு மேய்க்கும் இளைஞர் ஒருவர் கோலியாது என்னும் சதைமலையை எவராலும் வீழ்த்த முடியாது என எல்லாம் நினைத்திருக்கும் போது தமது பறவையை விரட்டப் பயன்படும், மிருகங்களை விரட்டப் பயன்படும் கவணில் கல்லை வைத்து இருவருக்கும் சண்டை அரம்பிக்கும் முன்பே நெற்றிப் பொட்டில் குறி வைத்து அடித்து அந்த சதைமலையை சதைப்பிணமாக பிண்டமாக மாற்றி விடுகிறான் என்கிற கதை. வள்ளி முருகன் கதையில் வள்ளி கவண் கல் விசிறி பறவைகளை துரத்துவாள்...இப்படி பல சமயங்களில் கவண் பற்றி நாம் அறியலாம். ஏன் சிலர் சிறுவயதில் கேட்வில் வரும் முன் கவைக்குச்சியில் லெதர் வைத்து கல் வைத்து பறவையை குறி வைத்து அடிக்கும் முன் இந்த கவண் தாம் பயன்படுத்தினர்

இப்படிப் பார்த்தால் எல்லாக் கதையும் எப்போதாவது சொல்லப்பட்டிருப்பதுதான், எல்லா சொல்லும் பேசப்பட்டிருப்பதுதான், கேட்டிருப்பதுதான். ஆனாலும் இந்தப் படத்தில் ஊடகத்தின் நாரசத்தை தோலுரித்துக் காட்டியிருப்பதால் கே.வி. ஆனந்த் இயக்குனருக்கு வெற்றி என்றே சொல்ல வேண்டும், கொஞ்சம் கோ, கொஞ்சம் முதல்வன், கொஞ்சம் நண்பன், கொஞ்சம் ஊமை விழிகள், இப்படி நாம் பார்த்த படங்களை நினைவூட்டினாலும் படம் நல்ல முயற்சியுடன் ஆக்கப் பட்டிருக்கிறது. பொதுவாகவே ஒரு திரைக்கதை ஆக்கபூர்வமாக சமூக பிரச்சனை அல்லது ப்ரக்ஞையுடன் சொல்ல்ப்படும்போது அது வெற்றியடைகிறது. இது கடுகுக்கு அடுத்த ஒரு வெற்றிப் பட வரவு.

ட்டி. ராஜேந்திருக்கு இது ஒரு மறுப் பிரவேசம். நல்லாதான் இருக்கு, அதிலும் பாண்டியராஜ் போன்றோரும் அடக்கி வாசித்துள்ளனர். நன்றாக அந்த பழைய நடிகர்களுக்கு எல்லாம் பங்கம் வராமல் செய்திருக்கிறார்கள்.

மலர் என்னும் மடோன்னா செபாஸ்டியன் தமிழுக்கு தமிழ் சினிமாவுக்கு மற்றும் ஒரு இயல்பான நல்ல‌ நடிகை.மற்றும் எல்லா நடிகர் நடிகைகளுமே அவரவர் பாத்திரத்தில் நன்றாகவே கிடைத்திருப்பதும் செய்திருப்பதும் இந்தப் படத்திற்கு ஒரு மெருகு.




ஊடகத்தின் புலைத்தனத்தை நன்றாக காட்டியிருக்கிறார்கள்...வில்லன் பாத்திரம் நன்றாக பொருத்தமாக இருக்கிறது. டி.ஆர்.பிதான் வசூல்தான் பணம்தான் பிரதானம் அதற்காக எதை வேண்டுமானாலும் செய்வோம் என்பது நடப்பு உண்மை.இப்போது நமது டி.விக்களில் வரும் ஷோ டைம்களில் நடத்தப்படும் தில்லுமுல்லுகளை அந்த டி.வியின் இரண்டாம் நிலையில் உள்ள பெண் அந்த நன்றாக ஆடிய சிறுவனை கன்னத்தில் அறைந்து அழவைத்து காமிரா முன் காட்டும் வரை, காமிரா முன் இருப்பாரை பின் இருந்து இயர் போன் கொண்டு இயக்குவது எல்லாம் நன்றாக மீடியாவின் வேஷத்தை புலப்படுத்துவதாக உள்ளது.

நல்ல லொகேஷன், கடைசியில் காட்டில் நடக்கும் கதையாக, தீவிரவாதம் என்கவுண்டர் போலீஸ் ஸ்டோரியாக, இரசாயனக் கழிவின் கேடாக இப்படி நிறைய பின்னப்பட்டிருந்தாலும் கதை விரைவாக நகர்வதால் 160 நிமிடம் போவதே தெரியவில்லை...நாம் பார்த்தது 155 நிமிடம் அதாவது 2 மணி 35 நிமிடத்தில்

பொதுவாக பாஸிடிவ் அப்ரோச்சில் எடுக்கப்படும் எல்லாமே நன்றாகவே மக்களால் பார்வையாளர்களால், இரசிகர்களால் எடுத்துக் கொள்ளப்படும் இதுவும் நன்றாக எடுத்துக் கொள்ளப்படும் என்பதில் ஐயமில்லை. எனக்கு நன்றாக இருக்கிறது என்றே சொல்லத் தோன்றுகிறது பிரமாதம் என்ற சொல்லை விமர்சனக் குறிப்பாய் சொல்ல முடியாவிட்டாலும்.

நூற்றுக்கு 50 மதிப்பெண் தாராளமாகத் தரலாம். பெறலாம் , பார்க்கலாம், பிறரையும் பார்க்கச் சொல்லலாம்.நன்றி கேவி ஆனந்த் அகோரம் தயாரிப்பு, ஹிப் ஹாப் தமிழனின் ஹேப்பி நியூ இயர் பாடல் கமலின் சகலகலா வல்லவன் ஹேப்பி நியூ இயர் பாடலை பின்னுக்குத் தள்ளும் என நம்பலாம்.

ஜெகனும் நண்பர்கள் குழுவும் வழக்கம்போல நண்பர்கள் படம் போல ...பைவ் ஸ்டார் கிருஷ்ணா நன்றாக குறிப்பிடும்படி செய்திருக்கிறார். பயன்படுத்தி இருக்கிறார்கள் வில்லனாகவே நடிக்க தகுதி இருப்பது போலத் தெரிகிறது.




மறுபடியும் பூக்கும் வரை

கவிஞர் தணிகை.

10 ரூபாய் காசு செல்லுமா செல்லாதாடா?: கவிஞர் தணிகை.

10 ரூபாய் காசு செல்லுமா செல்லாதாடா?: கவிஞர் தணிகை.



இந்திய ரிசர்வ் வங்கி இரண்டு முறை இந்த 10 ரூபாய் நாணயம் செல்லும் புழக்கத்திற்கு பெற்றுக் கொண்டு பரிவர்த்தனை செய்து கொள்ளவும் என்று அரசு ஆணையாய் அறிவிப்பு செய்த போதும் இந்தப் புல்லுருவிப் பதர்கள் அதை ஏற்க மறுத்து வாங்கவே மறுப்பதால் இந்திய ரிலையன்ஸ் குழுமத்திற்கு ஒரு பாதிப்பும் வரப்போவதில்லை...ஆனால் என்னிடம் ஒரு காசும், என் மகனிடம் ஒரு காசும் வந்து மாட்டிக் கொண்டுள்ளது. அதை கோவிலுக்கு காணிக்கையாகக் கூட கொடுக்க எங்களுக்கு மனமில்லை. அரசு சொல்வதை எந்த சாமி கேட்கிறது? அல்லது எந்த அம்மா சாமிகள் சொல்வதை அரசு கேட்கிறது? இயலாதார்க்கு கொடுத்தாலும் ஊ ஹூம் வேண்டாம் சாமி செல்லாத காசை எங்கிட்ட கொடுக்கலான்னு பார்க்கிறீரா என சர்வ ஜாக்கிரதையுடன் இருக்கிறார்கள் பிச்சைக்காரர்கள்,அட நம்ம மோடி அரசு வித்தை இதுதான்...காய் கறிகளும் , சமையல் எரிவாயு விலையும் எக்கச்சக்கமாக ஏறி எட்ட முடியாமல் போக‌,

அட இப்போ கோதுமைக்கும் துவரம்பருப்புக்கும் 10 வரியாம், நுகர்வோருக்கு அடி, விவசாயிகளுக்கு நல்லதாம், டில்லியில் உண்ணா நோன்பிருக்கும் போராட்டம் நடத்தும் விவசாயிகளுக்கும் நல்லதுதான் டில்லையை என்ன்னைக்கு அவர்கள் சுற்றிப் பார்ப்பது, சோறில்லாமல் செத்தாலும் டில்லியில் சாவது நல்லதுதானே? மோடி மஸ்தான் பாபு கீரிக்கும் பாம்புக்கும் சண்டை விடறார் பார்க்கலாம் வாங்கோ வாங்கோ...அட நம்ம ஆதித்யநாத் இன்னும் எம்.எல்.சி,எம்.எல்.ஏ ஆகாமலே உ.பி முதல்வர் காதலரை சூத்தா மட்டையில் குண்டாந்தடியால் போலீஸை விட்டு அடிப்பதென்ன, கசாப்புக்கடைக்காரர்கள் பொல்லாப்பை பெற்று இப்போது டில்லியில் கூட மாமிசக் கறி விலை ஏறிப்போச்சாம்...

உப்பு விலை கிலோ 750க்கு கல் உப்புதான், ஏறிய புதிர் உங்களுக்குத் தெரியும்தானே? இனி உப்பே கிடைக்காது என்ற புரளியை நம்பி அனைவரும் மூட்டை மூட்டையாக வாங்கி இருப்பு வைத்துக் கொண்டார்கள் ...ரிலையன்ஸில் அதை அடுத்த சில மாதங்கள் வரை டாட்டா லோ சோடியம்  லைட் சால்ட் கூட கிடைக்கவில்லை.

அதெல்லாம் போகட்டும் நம்ம கதைக்கு வாரோமுங்க: இரயிலில் போகலாமா பஸ்ஸில் போலாமா ஒரு பெரிய போராட்டம் எனக்கு 5 ரோடு சேலத்தில் இருந்தபடி...சரி ட்ரெயின் பாஸ் இப்படியே வீணாகப் போகிறதே என  பஸ்ஸில் வந்திருந்தா நேரத்தில் வந்து ஒரு 4+4 கி.மீ வாக்கிங்க் அடித்திருக்கலாம். ஆனால் அந்த வாக்கிங்க்குக்கான விலை 25 கொடுக்க வேண்டியதிருக்கிறது எனக்கு.நேரம் நிறைய இருந்தது டெஸ்க் டாப் யு.பி.எஸ் பாட்டரியை வாங்கிக் கொண்டு மணி பார்த்தால் 4.15 மாலை...சரி வேண்டாம் என யோசித்தபோது நமது போராட்டத்தை தீர்க்க ஒரு ஜங்ஷன் பஸ்...உடனே ஏறிக் கொண்டேன் மனப்போராட்டத்திற்கு முற்றுப்புள்ளி. 4.25க்கு  ஜங்ஷன் போனேன் அது வேறு. அந்த பிளாட்பார்மில் நடை 5.40க்கு ட்ரெயின் எடுத்து 7 மணிக்கு வீடு வந்து சேர்ந்தது வேறு வேறு கதை.

ஆனால் அந்த பேருந்தில் நல்ல நடத்துனர்,மேட்டூருக்கு செல்ல எடுத்து வைத்திருந்த 20 ரூபாய் நோட்டுக்கு சலித்துக் கொள்ளாமல் சில்லறை கொடுத்தார் 16 ரூபாய் எல்லாமே நாணயங்கள். அதில் ஒன்று 10 ரூபாய் நாணயம். மற்றவை 3 இரண்டு ரூபாய் நாணயஙகள். டிக்கட். 4 ரூபாய்.

என்னைப் பார்த்தால் சில சமயம் இளிச்ச வாயனைப் பார்ப்பது போன்று இருக்குமோ என்னவோ, சில சமயம், பழம் வாங்க சென்றால் அழுகிய பழத்தை தலையில் கட்டி விடுவார்கள், காய் கறி வாங்க சென்றால் காய்ந்து போனதை முற்றியதை போட்டு விடுவார்கள், தேங்காய் வாங்கினால் கூட ஏமாந்து விடுவேன் இப்படி எதை எடுத்தாலும் சொதப்புவதால் வாயை கையை  கட்டிக் கொண்டு விடு விட்டா வேலை வேலை விட்டா வீடு என வாலை சுருட்டிக் கொண்டு வந்து விடுவதுண்டு..

அந்த 10 ரூபாய்க்கு நாணயத்துக்கு வேறு நோட்டு கேட்டுப் பார்க்கலாமா அந்த நடத்துனரிடம் வாங்கலாமா என யோசித்தபடியே வாங்காமலே வந்து விட்டேன்.

இங்கு எனது டெஸ்க் டாப்பிற்கு  யு.பி.எஸ்  பேட்டரி மாற்ற‌ வந்த எமது வீட்டு ஆஸ்தான சர்வீஸ் மேன் சதீஸ் அண்ணா, ஒரு க்விக் பிக்ஸ் வாங்கி வாருங்கள், 5 ரூபாய் தான் இருக்கும் என்றார், சாந்தா மளிகை கடைக்கு ஓடினேன், வீட்டில் யாரும் இல்லை...அங்கே மாலைக் கூட்டம், அருகில் உள்ள கடை அதுதான்.என்னைப் பார்த்தவுடன் அந்த க்விக் பிக்ஸை எடுத்து கொடுத்தார் அந்த 10 ரூபாய் நாணயத்தைக் கொடுத்தேன் , என்னிடம் யாரும் வாங்குவதில்லை அது வேண்டாம் என்று கண்ணியமாக மறுத்தார், எனக்கு இப்போதுதான் டவுன் பஸ்ஸில் கொடுத்தார்கள், நான் வாங்கிக் கொண்டேனே என்றேன்,இங்கு யாரும் வாங்குவதில்லை என்றார், இது இப்படி நடக்கும் என்று  தெரிந்தே சில்லறை 2 இரண்டு ரூபாய் நாணயமும் ஒரு ஒரு ரூபாய் நாணயமும் கொண்டு சென்றதக் க்கொடுத்து விட்டு வந்து  நாணயமாக வந்து சேர்ந்தேன்...

யோவ் மோடி வெளி நாட்டில் இருக்கும் இந்தியப்பணத்தைக் கொண்டு வந்து எங்களது கணக்குக்கு ஓவ்வொரு வங்கிக் கணக்கும் 15 இலட்சம் போடுவதாக வாக்களித்து வாக்களித்த மக்களை ஏமாற்றி விட்டு நல்லாட்சி நடத்துகிறீர்? நினைவிருக்கிறதா? நாணயமே இல்லையே....அந்த ஒரு ரூபாய் செல்லுகிறது இந்த 10 ரூபாய் செல்லாக்காசாகி பள பள என்று புத்தம் புதிதாய் சிரிக்கிறதே.... இதுதாய்யா ஒங்க ஆட்சி...

யோவ் சுப்ரீம் கோர்ட் தண்ணீ விடச் சொன்னதை கர்நாடகா அரசு பின்னால ஒட்டிய மண்ணைப் போல  தட்டி விட்டுக் கொண்டிருக்கிறதே, அவர்களுக்கே கிருஷ்ணராஜ சாகரில் தண்ணீ இல்லையாமே என்ன செய்யப் போகிறாய் ஈஷா ஜக்கியுடன் வந்து சேர்ந்து மழை வேண்டி யாகம் நடத்து...பிரார்த்தனை செய் யாவும் நடந்து விடும் எங்க அம்மா நிரந்தர முதல்வரானது போல....

மறுபடியும் பூக்கும் வரை
கவிஞர் தணிகை..



   ஒன்று ஜனங்க அரசு, சட்டம், நீதி, நிர்வாகம் சொல்வதை கேட்க வேண்டும் அல்லது அரசு ஜனங்க சொல்லும், நினைக்கும் கருத்துக்கு மதிப்பளித்து ஆள வேண்டும்..இங்கு இரண்டுமே இல்லை...நாங்கதான்யா நடுவில கிடந் து
அல்லாடறோம் இந்த 10 ரூபாயை செலுத்தவும் முடியாமல் வாங்காமல் இருக்கவும் முடியாமல்....