உடலில் வைத்துப் பார்க்காத‌ தெர்மோ மீட்டர் அளவு சரியாக இருக்காதாமே: கவிஞர் தணிகை

உடலில் வைத்துப் பார்க்காத‌ தெர்மோ மீட்டர் அளவு சரியாக இருக்காதாமே: கவிஞர் தணிகை



1. சோதிப்பவர்கள் சோதிக்க வேண்டியவர்களின் வாயில் நாக்கின் அடியில் வைத்து பார்க்கும் பழைய முறையிலான தெர்மாமீட்டரை 3 நிமிடம் வைத்து பார்ப்பதும்

2. கம்மக் கட்டையில் அதாவது கைக்கும் உடலுக்கும் இடையே அந்தப் பகுதியை இணைக்கும் இடத்தில் வைத்து 4 நிமிடம் கழித்து எடுத்துப் பார்ப்பதும்

3. குதத்தில் வைத்தாலும் 3 நிமிடம் வைத்து எடுக்கும் வெப்பநிலையே அந்த உடலைப் பற்றிய உண்மையான வெப்ப  நிலையை சொல்லும் என்றும்

மற்றபடி இப்போது பெரும்பாலும் சீனாவிலிருந்து தருவித்து உடலைத் தொடாமல் நெற்றி முன் காற்றில் வைத்து எடுத்துப் பார்க்கும் வெப்ப நிலை அதுவும் ஒரு வினாடி ஒரு பொத்தானை அமுக்கிப் பார்க்கும் முறை மூலம் அந்த உடலின் வெப்பநிலையின் அளவு சரியானதாக அதாவது துல்லியமானதாக இருக்காது என்பதை மருத்துவர்களும் மருத்துவ அறிவியலும் சொல்கிறது தெளிவாக...

அப்படி இருக்கும் போது சுற்றுச் சூழல் இருக்கும் வெப்பநிலை பற்றியே இந்த நான் கான்டக்ட் தெர்மோ துப்பாக்கி சுட்டு மனித உடல் வெப்பநிலையை அறிவது சரியானதாக இல்லை என்பதை அறிந்தபோதும் ஏன் இப்படி நடந்து வருகிறது?

எல்லாமே வியாபார யுக்தியோ? இறந்து கொண்டிருக்கும் மனிதரிடம் இருந்து பிடுங்கும் முயற்சியோ என்று கேட்பதில் நியாயம் இருப்பதாகவேத் தோன்றுகிறது

இதற்கு பெரும்பாலும் சீனாவின் கருவிகளே பயன்படுகின்றன. அதையும் பார்த்து சரியாகத் தேர்வு செய்து வாங்கி இருக்கா விட்டால் அடிக்கடி ஒர் முறை பயன்படுத்தி தூக்கி எறியும் பொருள்களாகவே போய் வாங்கியோர்க்கு தலைவலியை ஏற்படுத்தி வருகிறது என்பதை குறிப்பிடத்தான் வேண்டும்.

இது போல கொசு அடிக்க வாங்கிய வலை பேட்கள் மின்னூட்டம் செய்து திரும்பத் திரும்ப பயன்படுத்தலாம் என்றது சிறிது நாட்களிலேயே அதன் பயன்பாடு இழந்து செயல்படாத நிலையை அடைந்து விடுவதை பல முறை வாங்கி ஏமாந்த அனுபவித்ததும் பொருள் விரயமானதும் எனக்கு நினைவுக்கு வருகிறது.

மறுபடியும் பூக்கும் வரை
கவிஞர் தணிகை.