கங்கையும் காவிரியும் பாவிகளால் பொய்த்துப் போனது: கவிஞர் தணிகை.

கங்கையும் காவிரியும் பாவிகளால் பொய்த்துப் போனது: கவிஞர் தணிகை.



தங்கள் பாவங்கள் எல்லாம் கங்கையிலும் காவிரியிலும் காசியிலும் பவானி கூடுதுறையிலும் மூழ்கி எழுந்தால் காணாமல் போய்விடும் என்று அனைவரும் சென்று காலங்காலமாக தலை மூழ்கி வந்ததால் கங்கையும் காவிரியும் நீரின்றி காணாமலே போய்விட்டன...அதுவும் எவ்வளவு பாவத்தைத்தான் தாங்க முடியும் பாவம்?

அனேகமாக இந்த ஆண்டு ஆடி 18க்கு எனது 55 ஆண்டு கால வாழ்க்கையில் முதன் முறையாக காவிரி ஆற்றுக்கு அணையோரத்துக்கு போக மாட்டேன் என எண்ணுகிறேன்.காரணம்..இன்று ஆடி ஒன்று நீர் அளவைப் பார்த்தால் வெறும் 24 அடி. 128 அடி அணைக்கு. எங்கு பார்த்தாலும் நிலப் பரப்பு, நீர்பரப்பே இல்லை. எனவே அந்த பொட்டிழந்த நெற்றியை, நீரிழந்த பூமியைப் பார்க்க எனக்கு வேதனைப் பற்றிக் கொள்ளும் எனவே இந்த முறை ஆடி 18க்கு நான் முதன் முறையாக செல்லப் போவதில்லை என நினைக்கிறேன்.

ஜக்கி சொல்கிறார், கர்நாடகா 50 சதம் விவசாயத்தை இழந்திருக்கிறது, தமிழகம் 65 சதம் இழந்திருக்கிறது என தமிழ் நாட்டில் இருந்து கொண்டு தாம் பிறந்த பூமிக்கு சமரசப் போக்கை கடைப் பிடித்து இது நாட்டுக்கே வந்த கேடு இதை சரி செய்ய 16 மாநிலங்களில் பேரணி செய்ய இருப்பதாக...

மரங்கள் நடுவது, தலையாயப் பணியாக செய்து 10 ஆண்டுகள்  கழித்து நிலையை சரி செய்து விடலாம் என்கிறார்

மேலும் இந்த ஏ.சி காமராஜ் இருக்கும் வரை தேசிய நீர்வழிச்சாலைத் திட்டம் இருக்கும் என நினைக்கிறேன் அதன் பிறகு அது நமது அரசியல் வாதிகளால் மறக்கடிக்கப்படும்.


மேலும் அஸ்ஸாமில் வெள்ளம், தமிழகத்தில் வறட்சி,...மறுபடியும் நல்லகண்ணு டெல்லியில் போராட்டம், மோடி குடியரசுத் தேர்தல் எல்லாம் மறைமுகமாகவே...


கொஞ்சமான பாவமா அங்கு அந்த நதிகளிலும் நதிக்கரைகளிலும் கரைக்கப்பட்டது? எனவே வற்றி விட்டதில் கவலைப் பட காரணமில்லை, பொருளுமில்லை...




மறுபடியும் பூக்கும் வரை
கவிஞர் தணிகை.

கண்ணால் காண்பதும் காதால் கேட்பதும் பொய், தீர விசாரிப்பதே மெய்: கவிஞர் தணிகை

கண்ணால் காண்பதும் காதால் கேட்பதும் பொய், தீர விசாரிப்பதே மெய்: கவிஞர் தணிகை



மோடி 73 சதவீதம் மக்களால் விரும்பப்படும் பிரதமராமே? விவசாயிகள் தலைவர் அய்யாக் கண்ணுவைத்தான் இது பற்றிக் கேட்கலாம் என நினைக்கிறேன்.

மனிதர்கள் ஒவ்வொரு செய்திக்கும் தங்கள் விருப்பப்படி கண் , காது, மூக்கு முகம் எல்லாம் ஒரு நிகழ்வுக்கு, ஒரு விடயத்துக்கு கொடுத்து விடுகிறார்,எனவே அந்த செய்தி அப்படி எப்படி இப்படி எல்லாம் திரிக்கப்படும்போது உண்மை என்ன என்பதே தெரியாமல் உறங்கி விடுகிறது காலம் அதன் மேல் ஏறிப் போய்விடுகிறது. நேதாஜி இறப்பு போல,...இன்று வரை பேசப்பட்டாலும் எவருக்குமே உண்மை தெரியாது என்பது போல சாஸ்திரி இறப்பில் ரகசியங்கள் என்பது போல, புரூஸ்லீ எப்படிக் கொல்லப்பட்டார், அவர் மகன் பிராண்டன் லீ எப்படி டம்மி துப்பாக்கி ரவைகளுக்கு மாறாக உண்மையான குண்டு கொண்டு திரைப்படம் எடுக்கும் இடத்தில் வைத்து எப்படி சுட்டுக் கொள்ளப்பட்டார், மைக்கேல் ஜாக்ஸன் சிறிது சிறிதாக விஷம் வைத்து கொல்லப்பட்டாரா, குழந்தைகளுடன் அவருக்கு  காம உறவு இருந்ததா?? டயானா மரணம் விபத்தா இல்லை திட்டமிடப்பட்ட கொலையா?

ஜெவின் மரணம் சசியின் சதியா, இயற்கை மரணமா இப்படி நிறைய கேள்விகள் அத்துடன் கார்த்திகேயன் விசாரிப்பில் இராஜிவ்காந்தி புலன் விசாரணை வீரப்பன் மரணம்...இப்படியே நிறைய விடை தெரியா முடிவுக்கு வர முடியா கேள்விகள்...

எல்லாம் அவசர கதியில் ஓடிக் கொண்டிருப்பதால் இப்போது எதை நம்புவது எதை நம்ப மறுப்பது என்றெல்லாம் சொல்வதற்கில்லை, ஏன் செய்திகள் வருவது எல்லாமே உண்மை நிகழ்வை அஞ்சலிடுபவை தானா என்ற கேள்விகளுக்கான கால ஓட்டத்துடன் நாம்...

ஊடகத்தின் நிருபர்கள் கூட ஓடும் நதி வற்றிய நதியாய் ஆகிவிட்டது போல எதையாவது இட்டு ஊற்றி மழுப்பி நிரப்புகிறார்கள்...எதையாவது திகிலூட்டும்படி ஆச்சரியப்படும்படி எழுதி படிக்க வைக்க வேண்டும் என எழுத வேண்டிய கட்டாயம்...

கமல் இந்து முன்னணிக்கு எதிராக, தம் வீட்டு முன் கூடிய கூட்டத்தினர்க்கு பதிலளிப்பது போல ஒரு பேச்சை சஸ்பென்சாக சொல்லி விட்டு இன்றைய தொடரில் பாருங்கள் என சொல்லிவிட்டு அந்த தொடரில் ஏதும் இல்லாமல் வழக்கமாக எப்போதும் போல பிக் பாஸை நடத்தி வருகிறார். எல்லாமே சுயநலப் பொருளாதாரத்தில் முடிந்து விட்டது..

ஜி.எஸ்.டி...பெரும்பணக்கார ஏமாற்றை ஏழை இந்தியக் குடிமகன்கள் ஏற்று வரி கட்டுவது போல...

ஒரு சின்ன செய்தி: தி இந்து தமிழ் மற்றும் சில நாளிதழ்கள் வெளியிட்டன: சேலம் மேக்னசைட் அருகே பால வேலைகள் நடைபெறுவதால் மேட்டூர் சேலம் பயணிகள் ரயில் இந்த ஜூலை 15,16,18 ஆகிய நாட்களில் இயங்காது எனப் பார்த்தோம் செய்தியாக. மாதா மாதம் மாதாந்திர அனுமதிச் சீட்டு பெறுபவன் என்ற முறையில் அது எந்த வகையில் என்னை பாதிக்கப் போகிறது என அறிந்து கொள்ள விழைந்தேன். நண்பர்கள் மூன்று பேர் எனக்கு முன்பே விசாரித்தறிந்தனர். மாலையில் நாங்கள் செல்லும் வேளையில் சேலம் மேட்டூர் பயணிகல் ரயில் எப்போதும் போல வழக்கப்படி இயங்கும் எனச் சொல்கிறார்கள் என்றனர்

நானும் சென்று சேலம் சந்திப்பின் விசாரணை அலுவலரிடம் விசாரித்தேன் அவரும் அதை உறுதிப் படுத்தினார். செய்தி சேகரிக்கும் நம் நிருபர்களும், செய்தி ஊடகங்களும் சந்தேகத்துக்கும் ஊகத்துக்கும் இடமின்றி உறுதியாக செய்தி அளிக்கும் காலம் போய் விட்டது.

செய்தி ஏடுகளை இனி நம்புவது எல்லாம் வீண்தாம் ... இல்லை எனில் இன்னும் ஜெவுக்கு கால் இருந்ததா சசிக்கு சமையல் செய்த அடுப்பு இருந்ததா மோடி 73% மக்களால் விரும்பப் படும் தலைவர் இப்படி எல்லாம் செய்திகள் வருகின்றன...உண்மையில் நாடு முழுதும் 73 சதம் அளவுக்கு தேர்தலில் மக்கள் வாக்களிப்பதே இல்லை என்பது தான் உண்மை...

மறுபடியும் பூக்கும் வரை
கவிஞர் தணிகை.

சரவணன் மீனாட்சி ராஜா ராணி,மாப்பிள்ளை,நீலி,பகல் நிலவு: கவிஞர் தணிகை.

சரவணன் மீனாட்சி ராஜா ராணி,மாப்பிள்ளை,நீலி,பகல் நிலவு: கவிஞர் தணிகை.



பயணிகள் ரயில் விட்டு இறங்கி நடக்கிறேன் முன்னால் 3 பெண் பிள்ளைகள், அனேகமாக 10 ஆம் வகுப்பு முதல் ப்ளஸ் 2 படிப்பவராக இருக்கலாம், சரவணன் மீனாட்சியில் வருகிற மாதிரியா என்று பேசிக் கொண்டார்கள், காதில் விழுந்தது காய்ச்சி ஊற்றிய ஈயமாக....

அந்தக் காலத்தில் செருப்பால் அடித்து விட்டால் அது பெரிய மானபங்கம் சிலர் உயிரையே மாய்த்துக் கொள்வார்களாம். இந்த தொ(ல்)லைக்காட்சித் தொடர்கள் மூலம் இந்த தொலைக்காட்சியினர் யாவரும் தமிழ் கூறும் நல்லுலகத்தையே செருப்பால் அடித்து வருகிறார்கள் சரவணன் மீனாட்சி, மாப்பிள்ளை, நீலி,பகல் நிலவு, இராஜா இராணி  என....மாபெரும் அழிவு சக்தி...அணுகுண்டு வீசித்தான் அழிக்க வேண்டுமென்பதில்லை. இது உயிரோடு வாழவிட்டு பெரும் கலாச்சாரச் சீரழிவையே செய்து வருகிறார்கள்.

மக்களை எல்லாம் முட்டாள்களாக, கிரிமினல்களாக ...குற்றவாளிகளாக மாற்ற முயன்று வருகிற பாத்திரங்கள் இவற்றில் எல்லாம். ஒருவர் மூக்கில் பேசுகிறார் , ஒருவர் பேசும் முன்பே கண்களில் பார்த்தே கால் மணி நேரம் ஓட்டி விடுகிறார். ஒருவர் திருடராய் இருந்து கொண்டே நகைச் சுவை செய்வாராம் ஒரு மாமியார் மருமகனை வீட்டு மருமகனாக மாற்றிக் கொண்டு அவருக்கு உணவு கூட கொடுக்காமல் பழி வாங்க தன் மகளை மணந்து கொண்டதற்காக அவன் பணிக்கு செல்வதை கூட தடுத்து தேங்காய் வாங்கி வா சட்னி ஆட்ட, முட்டை வாங்கி வா, காய்கறி வாங்கி வா சமைக்க என எல்லாம் ஆட்டி வைத்து வீட்டுக்கு வெளியே படுக்கச் சொல்லி விடுவாளாம், கதவைத் திறக்க மாட்டாளாம், மற்றவரையும் திறக்க வாய்ப்பின்றி செய்துவிடுவார்களாம்...


இன்னொரு தொடரில் எப்போது பார்த்தாலும் செம்பாவை நொறுக்கித் தள்ளுவதே வேலையாக வைத்துக் கொண்டு அவளை வீட்டை விட்டு கழுத்தைப் பிடித்து வெளியே தள்ளி விடுவாராம், சாப்பாட்டில் காரப்பொடியை அப்படியே கொட்டி விட்டு சாப்பிடச் சொல்வாராம், கையை விரலைப் பிடித்து ஒடித்து முறுக்கி எடுப்பாரம்,  இப்படியே....




எனது வீட்டில் இது போன்ற சீரியல்களைப் பார்க்க வேண்டாம், அதுவும் என் முன்னிலையில் பார்க்கவே வேண்டாம் என கேட்டுக் கொண்டுள்ளேன். என்னால் சிறிதளவு கூட இதை எல்லாம் காதில் விழச் செய்வதில் கூட விருப்பமில்லை. நாம் முன்பே சொன்னபடி பெண்களை எல்லாம் கிரிமினல்களாக மாற்றி விடும் அவை. பெரும்பாலும் பெண்களே இதை எல்லாம் பார்க்கிறார்கள் எனத் தெரியவருகிறது.

தனிமையைத் தவிர்க்க சிலர் பார்ப்பதாகச் சொல்கிறார்கள்,சிலர் அவர்கள் பார்க்கிறார்கள் எனவே தாமும் பார்க்க வேண்டும் எனப் பார்க்கிறார்கள் மொத்தத்தில் இந்த விஷ சிலந்தி வலையில் தமிழகப் பெண்கள் மாட்டிக் கொண்டு சீரழிந்து வருகிறார்கள்.

நல்லதை சொல்லி நாட்டு மக்களிடையே நல்ல புகழடைய வேண்டிய ஊடகத்தின் பணியைப் பார்த்தால் துர் நாற்றம் எடுக்கும் புலைத்தனம்....யாரோ இரு பெண்கள் கல்லூரி மாணவரிடை போராட வாருங்கள் என புதுக்கோட்டைக்கு அழைத்ததாகவும், ஹைட்ரோ கார்பன் , மேட்டர் கதிராமங்கலம் ஹைட்ரோ கார்பன் எனப் பேசி நோட்டீஸ் அளித்த பெண்கள் ஜெயந்தி, வளர்மதி ஆகியோரை மாவோயிஸ்ட் தொடர்பாளர்கள் என காவல் துறை கைது செய்திருக்கும் நாட்டில் ஊடகத்தின் வாயிலாக நச்சை வாயிலே அல்ல நெஞ்சிலே கொணர்ந்து ஊட்டும் ஊடகத்தை பற்றி எல்லாம் கண்டு கொள்வதாகத் தெரியவில்லை...




நல்ல அரசு, நல்ல மக்கள், நல்ல ஊடகங்கள்

மறுபடியும் பூக்கும் வரை
கவிஞர் தணிகை.

பிக் பாஸ் என நினைத்துக் கொண்டிருக்கும் பதர்கள்: கவிஞர் தணிகை

பிக் பாஸ் என நினைத்துக் கொண்டிருக்கும் பதர்கள்: கவிஞர் தணிகை




தானுண்டு தன் வேலையுண்டு என சேலம் ஜங்ஷன் பிளாட்பாரத்தில் மேட்டூர் ரயில் புறப்பட நேரம் நிறைய இருக்கிறது என நடந்து கொண்டிருந்த என்னை நோக்கி "உள்ளே அமர்ந்து கொண்டிருந்த ஒரு பதர், "எங்கேடா போறே? என்று ஒரு கெட்ட வார்த்தையும் சேர்ந்து திட்டியது பிக் பாஸில் தானுண்டு தன் வேலையுண்டு என எவர் வம்புக்கும் போகாமல் நடந்து கொண்டிருந்த பரணியை மீதமுள்ள 11 பதர்களும் திட்டி வசை பாடி, அவன் பொல்லாப்பை வாங்கிக் கட்டிக் கொண்டு வெளியே அனுப்பியது போல...

பரணி சும்மா விட்டு விட்டார், நானும் சும்மா விட்டு விட்டேன். கடைசியில் அந்த பதர் சுமார் மாலை 5.50 மணிக்கு எங்கள் மேட்டூர் ரயில் புறப்பட்ட உடன் உள் ஏறிக் கொண்டிருந்த என்னிடம், வெளியே இறங்கி ,சார், இந்த ட்ரெயின் எங்கே போகுது? என என்னிடம் கேட்க, நான் மேட்டூர் எனச் சொல்ல, அப்ப கரூர் ட்ரெயின்  அது கேட்க நான், அது போய் ரொம்ப நேரம் ஆகிவிட்டதே என சொல்லிக் கொண்டே எனதிடம் அமர்ந்தேன்.

கரூர் செல்ல வேண்டிய இந்த மது போதைப் பதர் அமைதியாக நடந்து கொண்டிருந்த என்னிடம் வம்பு இழுத்த போதே ஏதோ தவறாகப் பட புத்தர் சொல்லியபடி அது பேசிய பேச்சை அப்படியே எனை நோக்கி பேசிய பேச்சில்லை என வேறு பக்கம் திருப்பி விட்டு, இயற்கையே இவனுக்கு எல்லாம் என்ன பதில் செய்யப்போகிறாய் எனக் கேட்டேன் ஒரு மணி நேரத்துக்குள்ளாகவே பதில் கிடைத்து விட்டது....

அப்படித்தான் அன்று ஒரு நாள் எனது சக பயணிகளுடன் நான் ரயிலில் வந்து கொண்டிருந்த போது ஒரு குடிகார நாய் தேவைக்கதிகமாகவே கெட்ட வார்த்தைகளால் வசவு மொழிகளால் சொல்லத் தகாத மொழிகளால் எனது சக பயணிகளிடம் பேசி அதன் பின் வாங்கிக் கட்டிக் கொண்டு வாலை சுருட்டிக் கொண்ட நாயாக படுத்தே மேட்டூர் வந்து சேர்ந்தது கண்ணை கூட முழித்து உலகைப் பார்க்க முடியாமல்...

இப்படித்தான் இந்த கமலின் பிக் பாஸ் சுமார் 4 கோடி பேர் பார்க்கிறார்கள் என்ற பெருமை வேறு. கமலுக்கு இந்த சீரியல் வாழ்வில் பெரும் சறுக்கு, நடிப்பு என்ற கலையில் ஏற்பட்ட சுளுக்கு.

முதலில் வெளியேறிய இளைஞர் நல்ல முடிவை எடுத்திருக்கிறார். அதன் பின் இந்தப் பதர்களில் ஜூலியானா என்னும் பதர் இருக்கும் பதர்களுடன் சேர்ந்து கொண்டு  பன்றியுடன் சேர்ந்தால் பசுவும் என்பது போல ஒரு பழமொழி உண்டே அது போலாகிவிட்டது... முதலில் ஜூலியானாவை இந்த    காயத்ரி       ரகுராம் என்னும் பதர் , இந்த எச்சங்களோட எல்லாம்(எச்சில்களோடு எல்லாம்) நான் இருக்க வேண்டிய அவசியமில்லை என்றதும், நேற்று நான் அப்படித்தான் இருப்பேன், நீ அப்படி எல்லாம் இருக்கக்கூடாது என்றதும் பார்க்க சகிக்கலை, முடியலை. ஏன் பார்க்கிறேன் என்கிறீர்களா?

இதைப் பற்றி எல்லாம் எழுதி நம்மை தாழ்வு செய்து கொள்ளக் கூடாது என நிறைய விடயங்கள் பற்றி நான் எழுதுவதில்லை, மோடி, ஜி.எஸ்.டி, பன்னீர், எடப்பாடி, குடியரசுத் தலைவர் தேர்தல், கரு.பழனியப்பன், பிக்பாஸ் இப்படி எதைப்பற்றியுமே எழுதாமல் இருந்தேன் இப்போது எழுதும்படியாகிவிட்டது.\

அந்த கஞ்சா கருப்பு என்னும் காட்டுமிராண்டி எப்படி ஒரு டாக்டர் கட்டிக் கொண்டாரோ? இந்த சினேகன், ஆர்த்தி, காயத்ரி ரகுராம், நமீதா போன்ற பதர்கள் எப்படி வேண்டுமானாலும் பேசுகின்றன அயோக்யத்தனமாய், இந்த சக்திவேல் வாசுவும் வையாபுரியும் கூட,,, அந்த ஓவியா, ரைசா, கணேஷ் வெங்கட்ராம், ஆரார் ஆகியவரிடம் கொஞ்சம் மனிதத் தன்மைகள் இருப்பதாக இதுவரை வந்த நாட்கள் மூலம் அறிய முடிந்தது.

இந்தப் பதர்களுடன் கூட சேர்ந்த ஜூலியானா என்ற பதரும் தன்னிலை தன் குணம் விலக்கி அவர்களைப் போலவே பதராய்ப் போய்விட்டதுதான் உண்மை.

மொத்தத்தில் இந்தப் பதர்களை எல்லாம் உண்மையான பதர்கள் என இந்த சீரியல் மூலம் வெளிக் கொணர்ந்ததற்காகத் தான் கமலுக்கு நன்றி சொல்ல வேண்டும் விஜய் டிவிக்கு நன்றி சொல்லக் கூடாது...எல்லாம் வியாபாரம். பார்க்காலாம் இந்த நாதியத்த  தொலைக்காட்சியின் தொடர் எந்தளவு போகிறாது என...

பிக்பாஸ் என கமல் பல்வேறுபட்ட சமூகத்தில் முன்னேறிய பிரபலங்களை வெளிப்படுத்தி நாட்டின் அரசை மாற்ற, அரசியலை மாற்ற ஏதாவது செய்யக் கூடும் அல்லது அந்த பிரபலங்களால் நாட்டின் நல்ல மாதிரிகள் உருவாகும் வண்ணம் நிறைய மாற்றங்கள் உருவாக அந்த தொடர் காரணமாகும் என்றெல்லாம் எதிர்பார்த்தோம், நல்ல தலமை என்றால் அது இப்படிப் பட்டதாக நாட்டுக்கு இருக்கும் இருக்க வேண்டும் என்ற கருத்து எல்லாம் வெளிப்படும் என்றெல்லாம் தப்புக் கணக்குப் போட்டுப் பார்த்தேன். அங்கு அந்த  கணேஷ் வெங்கட் ராம் பரவாயில்லை. அவர் கூட பரணி விடயத்தில் ஏதோ ஒரு முறை அவதூறாக பேசியது போல காட்சி பார்த்த நினைவு.

இவளுங்க எல்லாம் மாபெரும் தனி மனிதக் குணாம்சமுடைய அன்னை தெராசா போலவும் பரணி இனி அங்கு இருந்தால் ஒரு இரவில் கூட என்ன என்னவெல்லாம் நடக்குமோ எனப் பேத்தியதுகள்...அதுவும் அந்த குண்டு ஆர்த்தி பேசிடும் விஷத்திற்கு அளவே இல்லை. கணேஷ் போன்ற கணவன் அந்தப் பெண்ணோடு எல்லாம் எப்படி காலம் கழிக்கிறாரோ?

மேலும் இவர்களுக்கு எல்லாம் ரேட் எவ்வளவு? எல்லாமே காசுக்கு  மலம் தின்னும் பன்றிகளாகவே இருப்பதுதான் இந்த தொடரின் வெளிப்பாடு....

இவற்றை பார்க்காமல் இருப்பது  மிக நல்லதே. ஆனால் தமிழகமே இந்த தொடரில் மூழ்கிக் கிடக்கிறதே... கஞ்சா கருப்பு ஆடியபோதே நான் செய்தி ஒளிபரப்புத் துறையில் காயத்ரி ரகுராம் பற்றிய்யும் கஞ்சா கருப்பு பற்றியும் சொல்லி உடனே இந்த தொடரை தடை செய்ய வேண்டும் என எனது பதிவை செய்து விட்டேன்.



இது போன்று அவ்வப்போது எனது வாழ்வில் நிறைய பதர்களை பார்த்து இருக்கிறேன். பார்த்து வருகிறேன். இதெல்லாம் பூமிக்கு பாரம். அழிந்து பட வேண்டியதுதான்

தோன்றின் புகழொடு தோன்றுக அஃதிலார்
தோன்றலின் தோன்றாமை நன்று.

மறுபடியும் பூக்கும் வரை
கவிஞர் தணிகை.

பிஸியோதெரபி செய்த பேருதவி: கவிஞர் தணிகை.

பிஸியோதெரபி செய்த பேருதவி: கவிஞர் தணிகை.





கடந்த வாரத்தில் கழுத்து சுளுக்கு, கழுத்தை திருப்பவே முடியவில்லை, வலது பக்கம். ஒரே பக்கம் குக்கிப் போய் கழுத்தை புதைத்துக் கொண்டு அலுப்பில் உறங்கியதன் பரிசாக படுக்கையிலிருந்து எழுந்து புதிய நாளை ஆரம்பிக்கும்போதே தோன்றி இருந்தது.

ஒரிரு நாள் அப்படியே கழிந்தது. உடன் உடல் வலி, சளி பிடிக்கும் அறிகுறியுடன் தொண்டை எரிச்சல், சற்று உள் காய்ச்சல், காய்ச்சல் வருவதன் அறிகுறி எல்லாம் தோன்றியது.

செவ்வாய் கிழமை அன்று கொஞ்சம் வேம்படிதாளம் அரசு மருத்துவமனையில் கொஞ்சம் நிலவேம்புக் குடிநீர்  ஒரு டம்ளர் குடித்ததாலோ, அல்லது என்னிடம் இருக்கும் கழுத்து வலிக்கான நேட்மர் ஹோமியோபதி  மாத்திரை எடுத்துக் கொண்டதாலோ அல்லது நண்பர் ஒருவர் எப்போதோ விலைக்கு வாங்கிக் கொடுத்த ரேபிட் ரெமிடி ஆர் ஆர் மாத்திரை போட்டுக் கொண்டதாலோ நிலை சுமாராகி இருக்க அப்படியே விட்டு விட்டேன்

ஆனால் அதிலிருந்து சில நாட்கள் கழித்து கழுத்து வலி அதிகமாகி பின் மண்டையிலிருந்து தோள் பட்டை வரை நன்றாக வலிக்க ஆரம்பித்து கழுத்தை திருப்ப முடியா வலி.

கல்லூரியின் உடற்கல்வி இயக்குனர் செந்தில் குமார் அக்கறை எடுத்துக் கொண்டு இந்த வயதில் எல்லாம் கழுத்தில் சடக்கு என்றெல்லாம் போட்டுக் கொண்டிருக்காதீர் உள்ளபடியே மற்றவர்க்கு நன்றாக கழுத்து சுளுக்கு எடுக்கும் எனக்கு யாரை வைத்து சுளுக்கு எடுக்கலாமா சரியாகிவிடுமா என்றெல்லாம் யோசித்து வந்த எனக்கு

விநாயகா மருத்துவக் கல்லூரியில் உள்ள பிஸியோதெரபி துறைக்கு அழைத்து சென்றார். அங்கே பெருமாள் என்னும் மருத்துவர் விசாரித்து விட்டு கவிழ்ந்து பெட்டில் படுக்க வைத்து சுமார் 20 நிமிடம் இருக்கலாம், வைப்ரேட்டர் வைத்து மசாஜ் செய்தார். அது மிகவும் நன்றாக கழுத்துப் பகுதியில் இருந்த சுளுக்கை ஒரே சிட்டிங்கில் சீர் செய்துவிட்டது. மறுபடியும் வலி இருந்தால் வாருங்கள் என்றார். ஆனால் போகுமளவு வலி எல்லாம் இல்லை.அது ஒரே முறையில் சரியாகிவிட்டது.

அந்த மருத்துவர் பெருமாளுக்கும், உடற்கல்வி இயக்குனர் செந்தில் அவர்களுக்கும் விநாயகா பிஸியோதெரபி துறைக்கும் நான் கடமைப்பட்டவனாகிவிட்டேன். அதற்கே இந்தப் பதிவு.

அதை அடுத்து உடல் வலி, காய்ச்சல், மூட்டு வலி ஆகியவை இருப்பதாக சொல்லி வேம்படிதாளம் அரசு மருத்துவ மனையில் மருத்துவர் ராஜேந்திரன் அவர்களிடம் சில வேளைக்கு மாத்திரைகளும் ஒரு ஊசியும் போட்டுக் கொண்டு காய்ச்சலையும் விரட்டி விட்டேன். உடற் வலிக்கு ஏதும் மாத்திரை வேண்டாம் ஏன் எனில் உங்களுக்கு அல்சர் இருக்கிறது. எனவே சளிக்கும் காய்ச்சலுக்கும் மருத்துவம் செய்து கொள்ளலாம், உடல் வலியை அப்படியே பொறுத்துக் கொள்ள வேண்டியதுதான் என அந்த மருத்துவர் பக்குவமாக எனக்கு வழி நடைப்படுத்தினார்.

பல் மருத்துவர்  ஒருவர் 3 வேளைக்கு நில வேம்புக் குடிநீர் குடித்திருந்தாலே காய்ச்சல் போயிருக்கும், மருத்துவ சிகிச்சை மேற்கொண்டாலும், இல்லாவிட்டாலும் 7 நாளுக்குள் உடலுக்கு ஏற்படும் இது போன்ற சில பிணிகள் எல்லாம் போய்விடும் என்றும் சொன்னது எனக்கு காந்திய சிந்தையை மறுபடியும் கிளறி விட்டது. சில நாட்களில் சில யோசனைகள் சில பயன்பாடுகள் சில உதவிகள். சிலர்க்கு நன்றிகள்.

ஒரு பைசா செலவின்றி வேம்படி தாளம் அரசு மருத்துவமனையும், விநாயகா பிஸியோதெரபியும் என் உடலுக்கு வந்த பிணிகளை போக்கியதற்கு நன்றிக் கடன் தீர்க்கவே இந்தப் பதிவு.




மறுபடியும் பூக்கும் வரை
கவிஞர் தணிகை.

பழைய நினைவுகளுடன் அதே சேலம் என்.ஜி.ஜி.ஓ கூடத்தில் மறுபடியும் நான்: கவிஞர் தணிகை

பழைய நினைவுகளுடன் அதே சேலம் என்.ஜி.ஜி.ஓ கூடத்தில் மறுபடியும் நான்: கவிஞர் தணிகை




நதிகளின் இணைப்பொன்றே இந்தியாவுக்கு விடிவு தரும் என்ற ஒரு 200 ஆண்டுக் கனவு, இல்லை இல்லை இணைக்கவே முடியாது, கூடாது என்ற சிலரின் கருத்து, இப்போது நதி நீர் இணைப்புக்கு பதிலாக நீர்வழிச் சாலை செய்யலாம் என்ற மற்றொரு கருத்து இப்படியாக காலம் கண்ணாடியாக நீர் இல்லா தேசத்துக்கு நீரின் மிகை தேசத்து நீரை பரிமாறுவது பற்றி பேசி வரும் காலம் நதி நீர் இணைப்பு நண்பர்கள் இயக்கம் சார்பாக கடந்த ஞாயிறு அதாவது 02.07.2017 அன்று சேலம் என்.ஜி.ஜி.ஓ கட்டடத்தின் கூட்ட அரங்கில் நதி நீர் இணைப்பு பற்றிய ஒரு கருத்தரங்கு நடந்தது. அது பற்றி இன்றுதான் என்னால் பதிவிட முடிந்திருக்கிறது. அப்படி ஒரு உடல் உழைப்பு. பிழைப்பு நமக்கு வாய்த்துள்ளது. எல்லாம் சேவைதான். எல்லாம் நல்லதுதான் ஆனாலும் சேவைக்கு என்றுமே முடிவில்லைதானே? நாம் முடிந்தபோதும்.

உடன் உடற்பிணி, அன்றாட நாளின் பயணத்துடன் பேருந்தின் இரயில் பயணங்களுடன் எனது நாட்கள்....

சுமார் 30 நபர்கள் மட்டுமே ஞாயிறு அன்று முகூர்த்த நாள் என்ற காரணத்தால் குழுமியிருந்தனர் எனச் சொல்லப்பட்டது. ஆனாலும் அத்தனை பேரும் மனித நல்மணிகள். உண்மையான நெல்மணிகள். நல்ல விதை மணிகள். எல்லாருமே கலந்துரையாடினோம். பல்வேறுபட்ட ஊர்களில் இருந்தும் நண்பர்கள் வந்திருந்தனர்.   ஆலோசனைக்கூட்டத்தை இளம் நண்பர் சந்திரகுமார் என்பவர் இதற்கு முன்னேற்பாடுகள் செய்திருந்தார். நாங்கள் அனைவருமே 3 மணிக்கு ஆரம்பித்த கூட்டத்திற்கு மதியம் 2 மணிக்கு மேல் தான் சென்று குழுமியிருந்தோம். அதிலும் சிலர் 4 மணி வாக்கில் வந்து கொண்டிருந்தனர். எனவே வரையறுக்கப்பட்ட வடிவில் கூட்டம் செல்வதற்கு மாறாக பின்னால் உள்ள கலந்துரையாடல் முன் வந்தும் துவக்க உரை மற்றும் அறிமுக கலந்துரையாடல் ஆரம்பித்தது அப்படியே தொடர்ந்தபடியும் நடந்தது.

இந்த கூட்டத்தின் ஒருங்கிணைப்பாளர் நண்பன் குகன் வெகு தொலைவிருந்து கலந்து கொண்டு சிறப்பு செய்தார். நண்பர் சேகர் திருச்செங்கோடு பணிகளை விட்டு வந்து கலந்து கொண்டிருந்தார். எல்லாம் அவரவர் கருத்துகளை அவை முன் சொன்னார்கள். அறிவியல் கழக இராமமூர்த்தி கங்காவிரி இணைப்பு செயலர், நீர் மேலாண்மை நூல் எழுதிய  பெருமாங்குப்பம் சா.சம்பத்து தனது நூல் பற்றியும் தமது அனுபவம் பற்றியும் பகிர்ந்துரைத்தார்.

ஒருங்கிணைப்பாளர் குகன் தமது துவக்க உரையை அனைவரும் வந்து சேர்ந்த பின்னால் நிகழ்த்தி என்னை இந்த இயக்க நிறுவனராக தோற்றப்படுத்தினார்

பெருமாங்குப்பம் சா.சம்பத்து எழுதிய நீர் மேலாண்மை என்ற புத்தகம் பற்றிய குறிப்புகளை வாசித்து அதை அவைக்கு அறிமுகப் படுத்தும் வாய்ப்பும் என்னயே சார்ந்தது.

இந்த நூலுக்காக 10 ஆண்டுகள் உழைத்ததாக சொன்னார் இந்த நூலை ஆக்கிய சா.சம்பத்து. இவர் வாணியம்பாடியில் இருந்து அப்துல் ரஹ்மான் நினவேந்தல் கூட்டத்தைக் கூட விட்டு விட்டு சேலம் வந்திருந்தார். இவரின் நூலை பலரும் வாங்கிக் கொண்டனர்.

எனது சிறப்புரையில் 2002ல் அக்டோபரில் சேலம் மாவட்ட ஆட்சியர் வளாகத்தின் முன் நிகழ்த்திய உரையின் சிறு குறிப்புகளையும் டிசம்பரில் இராமமூர்த்தி நகரில் மாநிலத் தலைமைப் பொறுப்பு பயிற்சி முகாமி நிகழ்த்திய நதி நீர் இணைப்பு பற்றிய கவிதையையும் வாசித்தேன். சேலம் இளைஞர் குழு என்ற மரம் நடுவோர் மற்றும் சிறு நீர் நிலைகளை ப்யூஸ் மானுஸ் போல சுத்தம் செய்யும் இளைஞர் குழுவின் சார்பாக 4 இளைஞர்கள் கலந்துகொண்டனர்.

கூட்டத்தின் நிறைவாக ஏ.சி.காமராஜ் அவர்களின் நதி நீர் வழிச் சாலை திட்டத்தை ஆதரிப்பதாகவும் அனைவரும் ஆதரிக்க வேண்டியும் ஒருங்கிணைப்பாளர் கூறி கூட்டம் இனிதே நிறைவுற்றது. இது ஒரு சிக்கனமான ,அதிகம் செலவுகளை அதிகம் யார் மேலும் திணிக்காத கூட்டமாக இருந்தது குறிப்பிடத்தக்கது.


இதை விட இதே என்.ஜி.ஜி.ஓ கூட்டத்தின் கூடத்தில் நான் பல ஆண்டுகளுக்கும் முன் பல முறை இதே இடத்தில் ஏற்கெனவே சந்தித்த மாறைந்த இன்குலாப்,கொ.வேலாயுதம் இவர் எனது சகோதர நண்பர் அப்போதய இயக்க நிறுவனத் தலைவர் மற்றும் ஒருங்கிணைப்பாளராகவும் இருந்தார் இன்று இயக்க முறைமைகளை கைவிட்டு ஓய்வு எடுக்க வேண்டிய நிலையில் உடல் நிலை தளர்ந்து இருக்கிறார், மறைந்த சசிபெருமாள் , மறைந்த சின்னபையன், போன்றோர் நினைவும் என்னுடன் கலந்தே கிடந்து எனது உரையில் அந்த சுவர்கள் எனைப்பார்த்து இப்போது வேறு ஒரு குழுவுடன் வ்ந்திருக்கிறாயா எனக் கேட்பது போல இருந்தது என்பதையும் குறிப்பிட்டேன்.

யார் எந்தக் குழுவினர் எப்படியாவது இந்த நீர் பிரச்சனைக்கு நாட்டில் முற்றுப் புள்ளி வைத்தாலும் அவருக்கு எங்கள் வணக்கங்கள் உரித்தாகும் அது காமராஜானாலும் மோடியானாலும், ஸ்டாலினானாலும், சந்திரபாபு நாயுடுவே ஆனாலும் ஸ்டாலினானாலும் எடப்பாடி ஆனாலும் ஆனால் யாரும் ஆகவே மாட்டேன் என்கிறார்களே அதுதான் எமது வருத்தம். நாங்களும் ஆக முடியாமல் , எங்களையும் ஆக விடாமால்... காலம் காலம் சென்று கொண்டே இருக்கிறது...

மறுபடியும் பூக்கும் வரை
கவிஞர் தணிகை.

சேலம் ரயில்வே கோட்டம், சேலம் சந்திப்புக் கொட்டம்: கவிஞர் தணிகை

சேலம் ரயில்வே கோட்டம், சேலம் சந்திப்புக் கொட்டம்: கவிஞர் தணிகை




எல்லாம் ஜி.எஸ்.டி கூட்ஸ் அன்ட் சர்வீஸ் டேக்ஸ் கோரஸ் பாட...நான் சில ரெயில் செய்திகளுடன் இன்று

நடை மேடை எண் இரண்டு மற்றும் மூன்றில் சரியாக பயணிகளுக்குப் புரியாத நிலையே என்றும், மேட்டூர் ரயில் தடம் எண் 2ல் மேற்கு நோக்கி நிற்கும் அதில் சேலம் ஈரோடு கரூர் மேட்டூர் என்று போட்டிருக்க கரூர் பயணிகள் அதிலும் ஏறி அமர்ந்து கொண்டு எவரும் சொல்ல வில்லை எனில் வெகு தொலைவு வந்த பின்னே ஏமாறுவதுண்டு....

அதே போல சில நாட்களில் கரூர் வண்டி தடம் எண் 3ல் நின்று கொண்டிருந்தது இப்போதெல்லாம் தடம் எண் 2 ல் மேட்டூர் ரயிலுக்கு எதிரில் பின் பக்கம் காண்பித்துக் கொண்டு நிற்கிறது. நிறைய பேருக்கு புரியாமல் இருக்க பயணிகளுக்கு எம் போன்றோர் சொல்லிப் புரியவைத்துக் கொண்டிருக்கிறோம், மல்லூர், இராசிபுரம், நாமக்கல் வழியே கரூர் செல்லும் வண்டி இது.

அதே போல விருத்தாசலம் ரயில், அதாங்க வாழப்பாடி, ஆத்தூர், தலைவாசல் வழியே விருத்தாசலம் செல்லும் வண்டி முன்பெல்லாம் தடம் எண் 2ல் மேட்டூர் வண்டிக்கு பின் புறம் காட்டிக் கொண்டு அதே தடத்தில் நிற்கும் இப்போது இது தடம் எண் 3க்கு மாற்றப்பட்டு நின்று வருகிறது.

இது அடிக்கடி நிகழும் மாற்றம் என்பதால் பயணிகளுக்கு ஒரே நிலையான அறிவிப்பு என்ற ஒன்றே இல்லை...

நல்ல வேளை நான் எல்லாம் ஒரு மணி நேரம் முன்பே சென்று அங்கே நடைமேடையில் நடந்தபடி இருந்து மேட்டூர் ரயிலில் வருவதால் நிறைய பேருக்கு வழிகாட்டியாகத் திகழ முடிகிறது. கரூர் வண்டி இப்போது ஒரு முறைதான் செல்கிறது . மிகச் சரியாக மாலை 5.30க்கு கிளம்பி விடுகிறது அது கிளம்பிய பின்னே சிலர் வந்து கேட்டு ஏமாந்து செல்வதுண்டு. ஆனால் அதுதான் ரெய்ல்வே டைம் மிகச் சரியாக பின் பற்றும் ரயிலாக இருக்கிறது.

மேட்டூர் வண்டி எப்போதுமே கோவை விரைவு வண்டி குறுக்கிடுவதால் குறுக்கிட்டால் ரெய்ல்வே நேரம் 17.30க்கு கிளம்புவதற்கு மாறாக கோவை வண்டியை அனுப்பி விட்டு 10 நிமிடம் தாமதித்து 17.40க்கும் மேல்தான் கிளம்புகிறது. அப்படியே நாம் நம்பிக் கொண்டு 17.40 என வந்து விடவும் முடியாது ஒரு வேளை கோவை விரைவு வண்டி கோவையிலிருந்து சென்னை செல்வது தாமதித்தாலோ, அல்லது குறித்த நேரத்தில் வந்து அதாவது 17.12க்கு வந்து சென்று விட்டால் குறித்த நேரத்தில் மேட்டூர் வண்டியும் கிளம்பி விடும்.

இதில் நிறைய பேர் அனுமதிச் சீட்டு இன்றியே பயணம். இப்போதெல்லாம் மேட்டூர் வண்டியிலும் நிறைய பயணிகள். ஆனால் எத்தனை பேர் அனுமதிச் சீட்டு வாங்கிச் செல்கிறார்கள் என்று கேட்பாரே இல்லை. எனவே அப்படித்தான்.சென்னை ரயிலுக்கு மேட்டூரிலிருந்து இணைப்புப் பெட்டிகள் உள்ளதால் மாலை நேர ரயில் மிகவும் முக்கியமாக சென்று கொண்டிருக்கிறது

தடம் எண் 1ல் எப்போதுமே கீழ் நோக்கி தெற்கு நோக்கி செல்லும் ரயில் வெஸ்ட் கோஸ்ட் போன்றவை வந்து கேரளா வரை செல்லும்...ஈரோடு மார்க்கமாக செல்லும் விரைவு வண்டிப் பயணமும் அதில் கிட்டும்.

தடம் எண் 1 அல்லது நடைமேடை 1 அதற்கு . தடம் எண் ஒன்.ஏ. என்பது பெரும்பாலும் கூட்ஸ் ரயில்கள், மிலிட்டரி, ஆயில், இரும்பு , சிமெண்ட் , செயற்கை மணல் லோடுகளுடன் செல்லும்.

நடை மேடை 4 அல்லது தடம் எண் 4 கீழிருந்து சென்னை செல்ல, மேல் இந்தியாவுக்கு செல்லவும் ...இணைப்புக்காகவும்...இதில் கோவை  விரைவு ரயில் , சதாப்தி, ரப்தி சாகர், மும்பை நாகர்கோவில் போன்றவை வந்து செல்கின்றன.

எண் 5 நடைமேடை அல்லது தடம்.: பெங்களூரு ரயில் மற்றும் சில சமயம் ஜோலார்பேட்டை ரயிலும் கூட ...இவ்வளவுதான் சேலம் சந்திப்பு பற்றி நாம் மற்றபடி ஜெயந்தி ஜனதா, மும்பை, டில்லி, கல்கத்தா ரயில்கள் எல்லாம் கூட அவ்வப்போது கடப்பதுண்டு...

ஹைதராபாத் இணைப்பு ரயில்கள் உண்டு . நானறிந்தவரை நேரடியாக ஹைதராபாத் ரயில் ஏதும் இல்லை.

திருப்பூர் ரயில் பற்றி கோவை செல்லும் ரயிலில் நிறைய பேர் வந்து கேட்பார்கள் ....

சேலம் கோட்டமும், சேலம் சந்திப்பும் தூய்மையான இந்திய ரயில் நிலையங்களில் 12 வது இடம் என்கிறார்கள்...ஆனால் எனக்கென்னவோ இன்னும் குப்பையும், மலம் மூத்திரம் துர்நாற்றத்திற்கு குறைவில்ல்லாமலே இருப்பதாகவே உணர்கிறேன். ஏன் எனில் மக்களை அவ்வளவு எளிதாக திருத்தி  விட முடியுமா என்ன,,நேற்று கூடப் பார்த்தேன் மேட்டூர் ரயிலில் கழிப்பிட வசதி நீர் ஊற்றாமல் காய்ந்து துர் நாற்றம் எடுத்துக் கிடந்தது..

அங்கு சில நண்பர்கள் மீனு என்னும் ரயிலுக்கு மின்சார ஸ்விட்ச் ஆன் செய்பவர் , கார்டுகள், பயணிகள் என்று நிறைய நண்பர்கள், ஆதம் செரீப் என்னும் நடைப்பயிற்சி நண்பர் இப்படியாக..ரயிலை ஓட்டும் ஓட்டுனர்களை பார்த்து ரயிலை இயக்குவது பற்றி சற்று அறிந்து கொள்ள வேண்டும்...

ரயிலை இஞ்சினிலிருந்து பிரிப்பது, பிரேக் இரும்பை எடுப்பது, லாஸ்ட் வெய்கிள் போர்ட் லேம்ப் மாட்டுவது ஏர் செக் செய்வது, ஏர் ரிலீஸ் செய்து பார்ப்பது, பிரேக் அப்பளை செய்து பார்ப்பது எல்லாம் உடன் எப்போதும் ரயில் துப்புரவு தொழிலாளர்களுடன் அழுக்கு மக்கள்....உடல் ஊனத்துடன், நமது ரயில்வே நிலையத்துக்கான மனநிலை மனவளர்ச்சி இல்லா அழுக்கு மனிதர்கள் எல்லாம்...



மறுபடியும் பூக்கும் வரை
கவிஞர் தணிகை.