தியானம் தரும் மனிதர்க்கு உன்னத ஆற்றல் கவிஞர் தணிகை

கடந்த 14.10.2018 அன்று வெளியிடப்பட்ட கலைடிஸ்கோப் என்னும் விநாயகா மிஷன் சங்கராச்சாரியார் பல் மருத்துவக் கல்லூரியின் 2018‍..19 ஆண்டு விழா மலரில் எனது கீழ் வரும் கட்டுரை வெளியிடப்பட்டது பெருமைக்குரியதாகவும் நன்றிக்குரியதாகவும் அமைந்துள்ளது. 76 பக்க மலரில்  இரண்டே முக்கால் பக்கம் இந்தக் கட்டுரை இடம் பெற்றுள்ளது.

நன்றி

விழா மலர் வெளியீட்டுக் குழுவினர்க்கு.

தியானம் தரும் மனிதர்க்கு உன்னத ஆற்றல்

கவிஞர் தணிகை

 தலையாய‌ மனிதர்க்கு ஆயகலைகள் 64  என்பர் அதில் தலையானது யோகப்பயிற்சி ஆகும்.

யோகப் பயிற்சிகள்: மந்திர யோகம், இலய யோகம், ஹட யோகம் , ராஜ யோகம் அல்லது ராஜாங்க யோகம்  என  இருக்கின்றன.

 பகவத் கீதையில் கர்ம யோகம், பக்தி யோகம், ஞானயோகம் இப்படி  18 அத்தியாயங்கள் சொல்லப்பட்டிருக்கின்றன. அவற்றுக்கு பலரும் பல வகையான விளக்கங்களை அவரவரது அனுபவங்களுடன் புரிதலுடன் பகிர்ந்து கொண்டுள்ளனர். நாம் அவற்றைப் பற்றி இங்கு சொல்லப் புகவில்லை.

மந்திர யோகம்: மந்திரங்கள், பஜனைகள், கீர்த்தனைகள் மூலம் இறைநிலையை நெருங்கவும் இயற்கையில் மனிதம் சிறு துகள் என்ற உணர்தலும் இதில் அடங்கும்

இலய யோகம்: அதாவது இலயித்திருத்தல், எல்லா செயல்களையும் இறைக்கர்ப்பணித்தல்.

ஹட யோகம்: 108 நிலையில் உள்ள யோகாசனங்களின் வகையும்,ஆசனம், பிரணாயாமம், முத்திரைகள், கிரியையகள் பற்றியும் சொல்கின்றன.

ராஜயோகம்: அஷ்டாங்க யோகம்... இருக்கும் கலைகள் எல்லாவற்றுள்ளும் இதுவே தலைமையிடம் பெற்றிருப்பதால் ராஜயோகம் என்றும், இதில் 8 உட்பிரிவுகள் இருப்பதால் அஷ்டாங்க யோகம் என்றும் வழங்கப் பெறுகிறது.

பொதுவாகவே தியானம் என்பது கற்றுக் கொடுக்க முடியாத கலை. ஆனால் ஆர்வமுடையவர்கள் தாமாக கற்றுக் கொள்ளும் கலை.தனியிடத்தில் அமர்ந்தவனாகி என ஒரு சொல் இதில் இடம்பெறும் இதை தனியான ஒரு இடத்தை தேர்வு செய்து கொண்டு கற்று வருவதுதான் சிறந்தது. அதை எப்படி கற்க வேண்டும் என முழுமையாகச் இந்த சிறு வாய்ப்பில்  சொல்ல வழியில்லை. ஆனால் அது பற்றி ஒரு சிறு அறிமுகம் தருவதே இங்கு எனது நோக்கம்.

புறக் கண்களை மூடி அமர் உனது அகக் கண் திறந்து உலகை கவனிக்க,

புறக்கண்கள் திறந்து பார்க்கும்போது உலகைப் பற்றிய கவலையை மறந்து விடு.

அஷ்டாங்க யோகத்தின் எட்டு நிலைகள்: யமம், நியமம், ஆசனம், ப்ரணாயமம், பிரத்தியாஹாரம், தாரணை, தியானம், சமாதி நிலை.. இந்த எட்டு நிலைகளையும் ஒவ்வொரு நிலையாக ஒவ்வொரு படியாக விவேகானந்தர் சொல்வது போல லீச் என்னும் ஒருஅட்டைப் புழு எப்படி தான் நகரும்போது முன்னால் உள்ள உடலின் பகுதியை பின்னால் உள்ள பகுதியைத் தூக்கி வைத்து  நகர்த்தி முன் செல்லுமோ அது போல முன்னேறிச் செல்ல வேண்டும் என்பார். ஒரு புல்லை உறுதியாகப் பற்றும் வரை ஏற்கெனவே  பற்றிய புல்லை விடாது அது போல ஒரு நிலையை மறு நிலையை உறுதியாகப் பற்றும் வரை விடக்கூடாது.

பொதுவாக எல்லா மதங்களிலுமே சில ஒத்த கருத்துகள் உள்ளன அவை:

யமம்: இது மனிதர்களின் ஒழுக்கம் பற்றி பேசுவது.

1. நினைவாலும் சொல்லாலும் செயலாலும் பிற உயிர்களை துன்புறுத்தாதிருத்தல்

2. நினைவாலும் சொல்லாலும் செயலாலும் பிறர் பொருள் மேல் ஆசைப்படாதிருத்தல்

3.நினைவாலும் சொல்லாலும் செயலாலும் பூரணமான‌ பிரமசாரிய விரதம் காத்தல்

4.  நினைவாலும் சொல்லாலும் செயலாலும் பூரணமான உண்மையைக் கடைப்பிடித்தல்

5. பிறரிடமிருந்து எதையும் ஏற்றுக் கொள்ளாதிருத்தல்...

பொதுவான இந்த 5 அம்சங்கள் தியானம் கற்க வேண்டியவர்க்கு அடிப்படைக் குணங்களாக சொல்லப்படுகின்றன. இதில் பிரமசாரிய விரதத்தை கடைப்பிடிப்பது மிகவும் கடினமானது எனவேதான் தவசீலர்களும் ஞானிகளும், சித்தர்களும், யோகிகளும், புத்தர்கள், சித்தர்கள் ஆகிய மாமனிதர்கள் தனிமையைத் தேர்ந்தெடுத்து கானகம், அடவி, போன்ற காடுகளில் பழம் காய் கறிகள் உண்டு வாழ்ந்து அதில் 12 ஆண்டுகள் இருந்த பிறகு நாட்டிற்குள் வாழ, துணிந்து வந்து மனிதகுலத்துக்கு சேவை செய்தது.இந்தக் காலக் கட்டமே இவர்களின் தயாரிப்புக் காலமாக இவர்கள் ஒதுக்கிக் கொண்டது.

இந்த  5 குணங்களில் சில குணங்களாவது அவசியம் இருந்தால் ஒழிய தியானம் சித்திக்காது.

நியமம்: இதில் உடல் ஓம்பும் முறைகள் சொல்லப்பட்டிருக்கின்றன. அளவான உறக்கம், அளவான உணவு, உடல் தூய்மை ஆகியவை அவசியம் தியானம் கற்க அவசியம் என்பது பற்றி சொல்கிறது.

ஆசனம்: நாம் அமர்ந்து இருக்க வேண்டிய இடம், உடலை அமர்த்தும் நிலை, இடுப்பும் தோளும் தலையும் நேராகவும் முதுகு தளர்வாகவும் இருக்க அமர வேண்டும். ஆசனம் என்பது அந்தக் காலத்தில் புலித் தோலில் அமர்ந்தால் அவர் ராஜரிஷி என்றும் மான் தோல் மேல் அமர்வார் துறவி என்றும் உண்டு. புல்லால் ஆன ஒரு பாய், அதன் மேல் இது போன்ற தோல் ஆனால் இந்தக் காலத்தில் தோலை நீங்கள் சேகரித்து அதன் மேல் ஆசைப்பாட்டால் விலங்கு தடுப்பு வதை சட்டத்தின் மூலம் பிணையில் வெளிவர முடியா தண்டனைக்கு உள்ளாகி சிறையில் கொசுக்கடியில் தியானமே அமர முடியாது போகலாம்...எனவே காலத்துக்கேற்ப ஒரு புல்லாலன பாய் அதன் மேல் ஒரு வெண்ணிறமான தூய்மையான வேட்டி போன்றவற்றை விரித்து அதன் மேல் அமர்ந்து பயில்வது உகந்தது. இது மட்டுமல்ல இந்த ஆசனத்தில் நாம் பத்மாசன முறையில் சின் முத்திரையுடன் அமர்வதும் நல்லது. தியானம் செய்துவிட்டு கடைசியில் புற உலகில் புகு முன் சாந்தி ஆசனம் அல்லது சவ ஆசனம் செய்து நிறைவு செய்து கொள்ளலாம்.

பிராணாயாமம்: மூச்சை அடக்குதல்...இந்தப் பயிற்சியில் சிறந்து விளங்குவார்க்கு தியானம் எளிதில் கைவசப்படும். ஆனால் இதற்கு நல்ல உடல் தேக உறுதியான நிலை வேண்டும். எரிவாயு கொள்கலத்துக்கு எப்படி ஒரு இரும்பாலன காப்பு மேலுறை இருக்கிறதோ அப்படி காற்றை அழுத்தமான காற்றை தேக்கி வைக்குமளவு உடல் திறம் வேண்டும்.

பூரகம்: மூச்சை உள்ளிழுத்தல்

கும்பகம்:மூச்சை உள்ளிருத்தி வைத்தல்

ரேசகம்: மூச்சை வெளிவிடுதல்

பொதுவாக தியான செய்ய ஏற்ற நேரம் என்பது இரவும் பகலும் ஒன்று கூடும் அந்திப் பொழுதே என்பார்கள்.ஆனால் காலை அல்லது மாலை உங்களுக்கு உகந்த நேரத்தை அல்லது இரவு படுக்கைக்குச் செல்லும் முன் வைத்துக் கொள்வது சிறந்தது.

சுவாசம் இடது நாசி வழியாக ஓடும் நேரம் இளைப்பாறும் நேரம், வலது நாசி வழியாக செல்லும்போது அது செயல்புரிவதற்கு உரிய நேரம், இரு நாசிகள் வழியாக போகும்போதே தியானம் செய்வதற்குரிய நேரமாகும்.

பிரத்யாஹாரம்: மனதை உள்முகமாகத் திருப்பி அதை வெளிச் செல்வதை தடுப்பது அல்லது நிறைய எண்ண அலைகள் தோன்றுவதைக் கட்டுப்படுத்த முனைதல்.

தாரணை: ஒரு பொருள் பற்றி சிந்தித்து மனதை ஒருமைப்படுத்துதல்.

தியானம்:

சமாதி: நமது முயற்சிகள் அனைத்திற்கும் முடிவு உள்ளொளி பெறுதல். ஆன்மாவோடு இலயித்திருத்தல்.

இது போல முயற்சி செய்யும்போது  உங்களுக்கு பிறர் கருத்தறிதல்,  தூர தேசத்தில் நடப்பன அறிதல், முக்காலமுணர்தல் போன்ற பக்க விளைவுகள் தோன்றும்... ஆனால் எக்காரணம் கொண்டும் பில்லி, சூனியம், மந்திரம், மாந்திரிகம் செய்யும் போலிச் சாமியார்கள் பக்கமே திரும்பிப் பார்க்கவே கூடாது என்பார் ரமணர். இப்படி ராமகிருஷ்ணர், விவேகாநந்தர், நிவேதிதா,பாரதி, பாரதிதாசன், சுரதா போன்ற குரு பாரம்பரியம், அரவிந்தர், அன்னை, ரமண மஹரிசி போன்றோரும்  சொல்வதெல்லாம் நினைவு என்ற ஒன்றை நீக்கிப் பார்க்கின்ற போது மனம் என்ற ஒன்று இல்லை என்பதும்,அளவற்ற நூல்களைப் படிப்பதால் பலனில்லை எல்லா நூல்களிலுமே மனோநிக்ரஹம் (மனதை அடக்குதல், எண்ணங்களை இல்லாது செய்தல், மனம் என்பதே இல்லை என்பதுமே.

 மனஸ் என்றால் சமஸ்கிருதத்தில் அசைந்து கொண்டிருப்பது என்ற பொருள் ...மனம் ஒரு குரங்கு மனித மனம் ஒரு குரங்கு என்கிறது வீ.சீத்தாராமன் என்பார் எழுதிய தமிழ்ப் பாடல். அந்த மனக்குரங்கை சரி செய்யும், அந்த அடர்ந்து வளரும் குரோட்டன்ஸ் செடியை அழகுபடுத்தும், வாழ்வில் தேவையில்லாத பகுதிகளை வெட்டி நல் உருவமாக்கி வாழ்வை அழகுபடுத்துவது தியானமே..

சு. தணிகாசலம்

பொது மக்கள் தொடர்பு அலுவலர்

விநாயகா மிஷன்ஸ் சங்கராச்சாரியார் பல் மருத்துவக் கல்லூரி.

சேலம்.

வைரமுத்து தாமாகவே முன் வந்து மான நஷ்ட ஈடு வழக்கு போடலாமே: கவிஞர் தணிகை

வைரமுத்து தாமாகவே முன் வந்து  மான நஷ்ட ஈடு வழக்கு போடலாமே: கவிஞர் தணிகை



வைரமுத்து பற்றிய ஊடகச் சூடு பறந்து வருகிற நிலையில் வைரமுத்து அவரின் வழக்கறிஞரை கலந்துகொண்டு கடந்த சில நாட்களாக ஆதாரங்களைத் திரட்டி சேகரித்து வைத்துள்ளதாகவும் சின்மயி வழக்கு தொடர்ந்தால் அதைச் சந்தித்து வெற்றி அடையத் தயாராகவுள்ளதாகவும் இன்று அறிவித்துள்ளார். அதற்கு பதிலாக அவரே தூயவர் என்ற நிலையில் பிரபலாமனவரான என் மேல் அவதூறு பரப்புகிறார் என்று மான நஷ்ட வழக்கு ஒன்றை கௌரவப் பிரச்ச்னையாகத் தொடர்ந்து அவரை மன்னிப்பு கேட்க வைக்கலாம் அல்லது ஒரு ரூபாய் மான நஷ்ட ஈடாக கேட்கலாம், அல்லது இது போல பொய் அவதூறு செய்வாருக்கு பாடமாக தண்டனை வாங்கித் தரலாமே...அவரது பிரபலமான மகன்கள் மதன் கார்கி, கபிலன் ஆகியோரும் பேராசிரியை பொன்மணி வைரமுத்துவும் அவருக்கு எடுத்துச் சொல்வாராக..

மேலும் சின்மயி தமது திருமணத்துக்கு தமது பொது உறவு மேலாளர் மூலம்  மட்டுமே திருமண அழைப்பு அனுப்ப நேர்ந்தது அவரிடம் இதைப்பற்றி ஒன்றும் சொல்ல முடியாதே என்றவர் இப்போது மிகவும் தெளிவாகச் சொல்லியவர், சொல்லி வருபவர் அன்றே அவரது காலில் எல்லாம் விழாமல் அவரிடம் தம் திருமணத்துக்கு ஆசி வாங்க அவரி காலில் விழாமல் தவிர்த்திருக்கலாம் ...எல்லாம் ஆம் தான் இல்லைதான். இனி...சொல்லி ஆகப்போவது ஒன்றுமில்லை... ஆனால் இவை எல்லாம் ஏன் இப்போது எழுப்பப் பட்டு மீ டூ அலைகள் காற்றில் இவ்வளவு கனத்த அலைகளைக் கிளப்ப வேண்டும் என்பதன் காரணங்கள் பின்னணியில் இருக்கும் அந்த பூனைகளும் ஒரு நாள் ஊடகப் பானையிலிருந்து குதித்து மேல் ஏறி வந்து தானே ஆக வேண்டும்...

ஜெ வை விடவா பீப்பை விடவா, இளையராஜாவை விடவா...அல்லது வைரமுத்து ராஜாவை விடவா இதெல்லாம் பெரிதாகிவிடும் அல்லது கர்ணாஸ் விடவா, அல்லது எடப்பாடீ சிபிஐ விசாரணையை விடவா எஸ்.வி. சேகரை விடவா
நிர்மலா தேவியை விடவா
ஆளுனரை விடவா
எச். இராஜாவை விடவா...  போகப் போகப் பார்க்கலாம்...

மறுபடியும் பூக்கும் வரை
கவிஞர் தணிகை.

கமல் ஹாசனும் தந்தி டிவி பாண்டேவும்: கவிஞர் தணிகை

கமல் ஹாசனும் தந்தி டிவி பாண்டேவும்: கவிஞர் தணிகை




கமல் சேலம் மாவட்டத்தில் 12, 13 அக்டோபர் 2018 ல் சுற்றுப் பயணம் மக்கள் நீதி மையம் கட்சிக்காக செய்து வருகிறார். அதில் ஒரு பகுதியாக சேலம் ஐந்து ரோட்டில் உள்ள ஜெயகுமார் திருமண மண்டபத்தில் தந்தி தொலைக்காட்சியின் சார்பாக அதன் செய்தி ஆசிரியர் பாண்டே 12 அக்டோபர் அன்று சுமார் ஒன்னரை மணி நேரம் கேள்விக்கென்ன பதில் நிகழ்ச்சிக்காக கேள்விகள் கேட்டு பதில் பெற்றார்

மாலை 6 மணிக்கு ஆரம்பிக்கப்படும் என அறிவிக்கப்பட்டிருந்த நிகழ்ச்சி சுமார் 7.15 மணி அளவில் ஆரம்பிக்கப்பட்டது. தாமதத்திற்கு கமல் மன்னிப்பு கேட்டுக் கொண்டார். முன்னதாக ஸ்ரீபிரியா, தமிழ் தாய் வாழ்த்து யார் எழுதியது எனத் தெரியாதிருந்த கவிஞர் சினேகன் போன்றோ வந்து முன் வரிசையில் அமர்ந்திருந்தனர். Kamal came with very simple look.

நிகழ்ச்சி ஏற்பாடு நல்ல முறையில் செய்யப்பட்டிருந்தது...என்றாலும் இலட்சுமி விலாஸ் வங்கி, ஏ.ஆர்.ஆர்.எஸ்  நகைக் கடை, இன்னும் சில நிறுவனங்கள் ஸ்பான்சர் என்ற பேரில் முன்னால் சில வரிசைகளை ஒதுக்கி வைத்துக் கொண்டு முன்னுரிமை செய்து கொண்டன.

கேள்விகள் நிகழ் கால நடப்புகள் என்ற வரிசையில், ஓரினப்புணர்ச்சி, திருமண ஆண் பெண் மாற்று உறவுகள், போன்ற தற்கால உச்ச நீதிமன்ற தீர்ப்புகளை சுற்றியது. அதில் கேரளத்து அய்யப்பன் கோவிலில் பெண்கள் பிரவேசமும் அடங்கும்.

எந்த கேள்விக்கும் சளைக்காமல் சலிக்காமல், இப்படி கேள்விகள் கேட்டால்தாம் என்னால் கொக்கி போட்டு மேல் ஏற முடியும் , எத்தனை கொக்கிகள் பார்த்தீர்களா என மேடையில் வரையப்பட்டிருந்த கேள்விக்குறிகளைப் பற்றிக் குறிப்பிட்டார் கமல்.

சென்டரிசம் என்பது இன்று பல மேலை நாடுகளிலும் வளர்ந்து வரும் கொள்கைதான் இந்தியாவில் அதை நாமே முன்னெடுத்திருக்கிறோம் என்று குறிப்பிட்டார். அதாவது முதலாளித்துவம் சாரத கம்யூனிசமும் இணைந்து செயல்படும் கொள்கை, அது தான் சோசலிசம் என்று ஏற்கெனவே இருந்ததுதானே என்ற ரங்கராஜ் பாண்டேவின் கேள்விக்கு இது சோசலிசத்தை விட ஒரு படி முன்னதாக முன்னெடுத்துச் செல்வதாகும் எனக் குறிப்பிட்டார்.

வைரமுத்து, ஆளுனர் புரோகித் பெண் சார்பியலான கேள்விகளும் முன் வைக்கப்பட்டன...அதற்கு ஆளுநர் அரசு பதவி வகிக்கும் சமுதாயத்துக்கு வழிகாட்ட வேண்டிய மனிதர், வைரமுத்து கவிஞர் பிரபலம் எனவே இரண்டுக்கும் வேறுபாடு உண்டு என பதில் வரும் என்று பார்த்தேன். ஆனால் அதற்கு அப்படிப்பட்ட பதில் சொல்லாமல் ஆளுனர் விஷயத்தில் ஊடகத்தை அடிப்படையாக வைத்து ஆளுநர் நடந்து கொண்டதையே குறிப்பிட்டேன் என்றார்.

விஜய் பற்றிய கேள்விக்கு தம்பி எங்களது கட்சிக்கு வருமாறு அழைக்கிறோம் . வந்தால் ஏற்றுக் கொள்வோம் என்றார்.

ஆனால் அதே விஜய் கோக் விளம்பரத்தில் நடித்துக் கொண்டும் நீர்க்கொடுமை பற்றி சினிமாவில் சவடால் விடுவதைப் பற்றியும் மறந்து விட்டார் போலும்.

ரஜினி நண்பர்தாம், ஆனால் கொள்கை அளவில் நாங்கள் வேறு என்று பதில் தெளிவாக வந்தது. கூட்டணி அமைக்கக் கூடிய அளவில்தாம் தற்போது கட்சி உள்ளது ஆனால் தனியாக நிற்குமளவு வளரும் என்றார்.

தமது தந்தை சீனிவாசன் ஒரு காங்கிரஸ்காரர் . அப்போது உங்கள் உடம்பில் காங்கிரஸ் இரத்தம் தான் ஓடுகிறது என்று சொல்லுங்கள் என்ற கேள்விக்கு இல்லை சீனிவாசன் என்னும் எனது தந்தையின் இரத்தம் தாம் ஓடுகிறது என்றார்

கட்சியை தேர்தல் ஆணையத்திடம் பதிவு செய்ய செல்லும்போது டில்லி வந்தால் அவசியம் என்னை வந்து பார்க்கவும் என நட்பு முறையில் இராகுல் காந்தி அழைத்ததால் சென்று பார்த்தேன், அதை பெரிய செய்தியாக்கிவிட்டார்கள் என்றார்.

தமிழகத்துக்கு விவசாயிகளுக்கு துரோகம் செய்யும் பி.ஜே.பி அரசு அனைத்துத் திட்டங்களையும் தங்கள் ஆளும் உ.பி போன்ற மாநிலத்துக்கு நிறைய செய்து வருகிறது. அண்ணா சொன்னது போல வடக்கு வாழ்கிறது தெற்கு தேய்வது சரியா?

எடப்பாடி பழனிசாமி அரசு தம்மி கல்லூரி மாணவர்களிடையே பேசுவதை தடை செய்துவிட்டு, அவர் சென்று கல்லூரியில் பேசிக் கொண்டிருக்கிறார்,

தன்னை விட வேறு ஒருவரும் தமிழக முதல்வராக தகுதி பெற்றிருப்பின் அவரை முதல்வராக்கவும் பணியாற்றத் தயார்தாம் எனக் குறிப்பிட்டார்

ஏன் கடவுள் மறுப்பு சிந்தனி, பெரியார் கொள்கையுடன் மட்டும் இருந்து விடலாமே ஏன் அரசியலுக்கு வருகிறீர் என்ற கேள்விக்கு நடக்க வேண்டும் என்று இருக்கிறது... நடக்கிறது என்றார்.

காந்தி என்னும் மகானின் தத்துவம் உலகு முழுதும் பரவியது, மார்ட்டின் லூதர்கிங், நெல்சன் மாண்டேலா போன்றவர் கூட காந்தியின் சீடர்தாம் எனக் குறிப்பிட்டார்

அரவிந்த் கெஜ்ரிவால் நல்ல நண்பர் ,அதற்காக அவர் செய்வதை எல்லாம் நாம் ஏற்றுக் கொள்ள வேண்டும், அப்படியே செய்ய வேண்டும் என்பதல்லாம் தேவையில்லை என்றார்.

இன்னும் அவருக்கு என்போன்றோரின் உறவு தேவைப்படுகிறது அதாவது கிராமிய முன்னேற்றம் , காந்திய சிந்தனை, போன்றவை அதிகம் கற்றோரின் வழிகாட்டுதல் ஏன் எனில் அவரை தற்போது சார்ந்திருப்போர் எல்லாம் ஒன்று இரசிகர் மன்றக் கூட்டம், அல்லது அவரது சினிமா நண்பர்களே அருகாமையில் இருப்பது தெரிகிறது. சில இரசிகர்கள் அடித்த விசில் இன்னும் காது கிழியாமல் வந்தது பெரிய அதிர்ஷ்டம்தாம்.

மதுவிலக்கு அமல்படுத்தப்பட வேண்டும் , அல்லது யார் யாருக்கு விற்பது, எங்கு கடை வைப்பது, எவர் நடத்துவது போன்ற தெளிவு வேண்டும்...அள்ளிக் குடிக்க வேண்டிய குடிநீர் இப்படி பாட்டிலில் அடைத்து விற்பனை செய்வது ஏன் என்றும் கேள்வி எழுப்பினார்.
மொத்தத்தில் இது பாண்டேவின் கேள்விக்கு கமலின் சரியான பதில் தோரணமாக இருந்தது...கட்சி,  வளரும்...

ஒரு பார்வையாளர் சொல்லிக் கொண்டே திரும்பினார் கூட்டம் முடிந்ததும்: என்ன இருந்தாலும் இவர் ஒரு அரசியல் வாதியைப் போல கையை எல்லாம் காட்டி பந்தா செய்ய இன்னும் கற்க வேண்டுமே...என...ஒரு அரசியல் வாதியைப் போல அல்லாமல் அவர் அவராகவே இருப்பதில் தாம் அவருடைய வெற்றி இருக்கிறது...

அவர்களிடம் இல்லாத நேர்மை தம்முள் இருக்கிறது என்றும், சம்பாதித்த பணத்துக்கு சரியாக வரி கட்டி இருக்கிறேன் என்றார்.

ஆம், சிறு வயதில் நிறைய நேரம் சாமிகும்பிட்டு பாடியது எல்லாம் உண்டு என்றார் அடுத்து தேவர் மகன்..2, இந்தியன் ..2 என்ற படங்கள் வரும் என்றார்.

நல்ல தேவையான நிகழ்வு. நாட்டு நடப்பை மாற்ற முயலும் சமூகப்பற்றுடனான நிகழ்வு. எம்.ஜி.ஆர் போல எல்லாத் தடைகளையும் தாண்டி எல்லா எதிர்ப்பையும் மீறி இலக்கை சென்று தொடுவாரா என்பதை காலம் சொல்லும் என்றாலும் நல்ல முயற்சி. பாரட்டத்தான் வேண்டும்.

மறுபடியும் பூக்கும் வரை
கவிஞர் தணிகை.

4 மீன்கள் இறந்துவிட்டன. கவிஞர் தணிகை

ஸ்டீபன் ஹாக்கிங் சொன்னது சரியாகலாம்: கவிஞர் தணிகை




2050 ஆம் ஆண்டில் பல டிகிரி சேர்ந்து பூமி வெப்பமடையும் என்றும், ஒரு நூற்றாண்டில் உலகு உயிர்கள் வாழத் தகுதியற்ற இடமாகாலாம் என்பதெல்லாம் சரியாகவே இருக்கும் என்ற எண்ண அலைகள் நம்முள்ளும் தோன்றுவதை தடுத்து நிறுத்த முடியாத அளவு சில நிகழ்வுகள்

இன்று காலை காவிரி நீரை அன்றாட பயன்பாட்டுக்கு என பிடித்து வைத்திருந்த எங்கள் நீர்த் தொட்டியில் வளர்ந்து கொண்டிருந்த 4 மீன்கள் இறந்துவிட்டன. காரணம்: நீர் மிகவும் கலங்கிய நிலை இருக்கிற காரணம் பற்றி அளவுக்கதிகமாக குளோரின் கலந்ததே.  ஒரு ரசாயனம் படித்த பட்டதாரி செய்ய வேண்டிய வேலையை துப்புரவு பணியாளர்களும், நீர் வால்வைத் திறந்து விடும் பணியாளர்களும் ஊராட்சிப் பணிகளில் செய்தால் எப்படி இருக்கும் அது இப்படித்தான் இருக்கும், முடியும்....

தேசிய அளவில் இரண்டாம் பரிசைப் பெற  புது டில்லி சென்ற எமது கல்லூரிப் பெண் உடல் நலம் சீர் கெட்டு, தொண்டை எல்லாம் மங்கிப் போய், சளி எல்லாம் சேர குன்றிய நிலையில் ரயில் பயணம் மேற்கொண்டு சென்றிருந்தவர் விட்டால் போதும் என ஆகாய விமானப் பயணத்தில் வந்து சேர்ந்து விட்டார்.

1990களில் நானும் ஒரு முறை ரயிலில் சென்று விட்டு புது டில்லியின் வெப்பம் தாங்காமல் ஆகாய விமானப் பயணத்தின் மூலம் வீடு வந்து சேர்ந்தது நினைவுக்கு வந்தது தாஜ் மஹால் கூடப் பார்க்காமல்...

அதே நிலைதான் இந்தப் பெண்ணுக்கும் நடந்திருக்கிறது.
தாஜ் மஹால் ஏகப்பட்ட ஏராளமான மாசடைந்துள்ளதாக ஏற்கெனவே நமக்கு ஊடகச் செய்தி யாவும் வந்ததும், அதற்கு வரையறுக்கப்பட்ட எண்ணிக்கையில் அடையாள அட்டை வழங்கி பார்க்க அனுமதித்துக் கொண்டிருப்பதாகவும் செய்திகள் கண்டது நினைவாடுகிறது.

இதில் இன்னொரு ரஷியாவின் அணு உலையும் இந்தியாவுக்கு வரும் என அண்மைய புடின் மோடி சந்திப்பு சொல்லி இருக்கிறது.

ஏற்கெனவே நிலத்தடி நீர் , நிலம் காற்றும் யாவுமே மாசடைந்து கெட்டுவிட்டது   இந்தியா போன்ற‌ அகண்ட பெரு பூமியிலேயே ஏற்பட்டு விட்டது...

சீனா, அமெரிக்கா, ஐரோப்பா போன்ற நாடுகள் பற்றி சொல்லவே வேண்டாம்.

கால நிலை, பருவ நிலை மாறுதல்கள் எல்லாமே தாறுமாறாகிவிட்டன...பயிர்வளம், உயிர்களின் நலம் யாவுமே  புவி மற்றும் நீர் காற்று மாசடைதலால் முற்றிலும் பாதிக்கப்பட்டு மீட்க முடியா அளவு கெட்டு விட்டது...

மனிதா உன் வாலைச் சுருட்டு இல்லையேல் இயற்கை உனது மனித குல வரலாற்றை அடையாளமின்றி அழிக்கும்

மறுபடியும் பூக்கும் வரை
கவிஞர் தணிகை.

வரலாறு காணா சமையல் எரிவாயு விலை ஏற்றம்: கவிஞர் தணிகை

வரலாறு காணா சமையல் எரிவாயு விலை ஏற்றம்: கவிஞர் தணிகை




வாழப்பாடி கேஸ், மோடி கேஸ் என காட்டுச் சுள்ளி பொறுக்கி சமையல் செய்த அத்தனை கிராமத்துக் குடும்பங்களையும் சமையல் எரிவாயுத் திட்டத்துக்கு மாற்றிய பெருமை இந்த காங்கிரஸ் மற்றும் பாரதீய ஜனதாக் கட்சி ஆட்சிகளுக்கு உண்டு.

நாங்க ஒங்க காசை வாங்கி மானியமாய் காசை வங்கியில் இடுகிறோம் என்ற பெருமை மோடி அரசைச் சாரும்.

ஏழைங்க தலையிலேயே கை வைக்கும் இந்த மத்திய ஏன் மாநில அரசுகள் யாவும் பணமுதலைகளை பிரமிட் உச்சியில் அமர்ந்து வெள்ளித் தட்டில் சாப்பிட்டு காலுக்கு தங்க செயின் அணியும் குடும்பத்தாரை ஏதுமே செய்வதுமில்லை, செய்ததுமில்லை...

இந்நிலையில் எதிலிருந்து சுலபமாக காசு பிடுங்கலாம் என்னும் அரசுகள்: பெட்ரோலியப் பொருட்கள், சமையல் எரிவாயு, பேருந்து கட்டணம், சரக்கு கட்டணம் ஆகியவற்றில் கை வைத்து ஆள்வதாக ஆணவம் பேசிக் கொண்டு வேடிக்கை காட்டி காட்டு தர்பார் செய்து கொண்டிருக்கின்றன.

அதன் உச்ச பச்சம் இந்த மாதத்தில் சமையல் எரிவாயு வீட்டுக்கு கொடுக்கும் விலை 918ரூபாய் அந்த வீட்டுக்கு கொடுக்கும் டெலிவரி பாய் டிப்ஸ் உடன் சேர்த்தால் 970 ரூபாய். அதிலும் வீட்டின் அரசாணி ராணிகள் ஆயிரம் ரூபாயாக வாங்கி கொள்கிறார்கள்...என்னும் போது நாட்டின் நிலையை நீங்களே பார்த்துக் கொள்ளுங்கள்..

இது கிராமத்தில் இருக்கும் சுப்பன், குப்பன் ஆகியோர் வீடுகளுக்கும், நகரத்தில் இருக்கும் ரமேஷ் தினேஷ் ஆகிய அனைவரது குடும்பத்தார்க்கும், ஏழை பணக்காரன், இல்லாதவன், இருப்பவன், குறைந்த சம்பளக்காரன், அதிக சம்பளக்காரன் அனைவர்க்கும் பொருந்தும்...

ஒரு ஏழைக் கிராமத்தான் விவசாயி இதற்கே மாதம்  ஒன்றுக்கே ஆயிரம் ரூபாய் செலவு செய்ய எங்கே போவார்?

என்னையே எடுத்துக் கொள்ளுங்கள்...அதற்கு ஒரு ஆயிரம், போக்குவரத்துக்கு என இராயிரம் எனப் போய் விட்டால் எப்படி உண்பது உடுப்பது படிக்க வைப்பது இப்படி எல்லா செல‌வுகளையும் எப்படி செய்ய முடியும்

இதைப்பற்றி எல்லாம் பேசி விடுவார்களோ என்றுதான் மதுவும், புகையும், போதையுமாய் மனிதரை நிறம் மாற்றி, குலம் மாற்றி, நிலை மாற்றி அரசுகள் வேடிக்கை செய்துவருகின்றன...

உணரா மக்கள் பேடிகள்...

உண்மை மக்கள் கோடிகளில் இல்லை....

மறுபடியும் பூக்கும் வரை
கவிஞர் தணிகை.

பெட்ரோலியப் பொருட்களின் விலை உயர்வு பிரச்சனையை திசை திருப்பத்தான் உச்ச நீதிமன்றத் தீர்ப்புகளா? கவிஞர் தணிகை

பெட்ரோலியப் பொருட்களின் விலை உயர்வு பிரச்சனையை திசை திருப்பத்தான் உச்ச நீதிமன்றத் தீர்ப்புகளா? கவிஞர் தணிகை



பெட்ரோல் , டீசல் , சமையல் எரிவாயு போன்றவற்றின் வரலாறு காணா விலை உயர்வால் போக்குவரத்து, சரக்கு கட்டணம் , காய்கறி உணவுப் பொருட்களின் விலை ஆகியவற்றின் உயர்வை மக்கள் பெரும் பிரச்சனையாகி அது தேர்தலில் எதிரொளித்து விடும் என்பதை அதன் கவனத்திலிருந்து  திசை திருப்பவே உச்ச நீதிமன்றத் தீர்ப்புகள் என கருதப்படுகிறதே அது உண்மையா? பிரதமரும் குடியரசுத் தலைவரும் ஏர் இந்தியா நிறுவனத்துக்கு இன்னும் 1146 கோடி ரூபாய் பயணச் செலவு பாக்கி வைத்துள்ளார்களாமே அதாவது இந்திய அரசு பாக்கி வைத்துள்ளதாமே அதெல்லாம் உண்மையா?


அய்யப்பன் கோவிலுக்கு பெண்கள் அனுமதி, ஓரினப்புணர்ச்சி அனுமதி, ராஜிவ் கொலை சார்ந்த 7 பேர் தீர்ப்பு மாநிலத்துக்கு மாற்றிவிடல், மணமான ஆணும் பெண்ணும் பரஸ்பரம் ஒத்துப்போனால் அவை சட்ட முரண்பாடு இல்லை...இப்படி உச்ச நீதிமன்றத் தீர்ப்புகளாய் பீப் பாடல் இளையராஜா வைரமுத்து மேட்டர் போல பொல பொல வென உச்சா நீதிமன்றத் தீர்ப்பாய் வெளிவந்து கொண்டிருக்க...சாலமன் பாப்பையா முதல் அய்யப்ப பக்தர்கள் வரை எல்லாமே வெகுண்டு பேசிக் கொண்டிருக்க ஒருபக்கம் விவசாயிகள் மறுபக்கம் டில்லியை முற்றுகை இட...

இப்படி தேர்தல் களை இப்போதிருந்தே கட்டிக் கொண்டிருக்கிறதாமே...மோடி ஆப்பில் நள்ளிரவில் காந்தியை நோட்டிலிருந்து கிளப்பியவர் இப்போது காந்தி காந்தி சாந்தி சாந்தி என எல்லா பாரதத் திட்டங்களிலும் பேசிக் கொண்டிருப்பது மக்களுக்குத் தெளிவாகத் தெரியாதா? குறைந்த பட்ச நோட்டு என்றவர்கள் எதற்காக ஆயிரம் ரூபாய் நோட்டை வீழ்த்தி விட்டு இரண்டாயிரம் ரூபாய் நோட்டைக் கொண்டு வந்தார்கள்? 50 புது ரூபாய் நோட்டு பத்து ரூபாய், இருபது ரூபாய் நோட்டைவிட, 5 ரூபாய் போல இருக்கிறதே அதெல்லாம் சரிதானா? பழைய அம்பது ரூபாய் அப்படியே இருக்கலாம் என்பது எல்லாம் எதனால்...

இப்படி நிறைய பதில் சொல்ல மத்திய மோடி அரசு கடமைப்பட்டுள்ளது..

மாநில அரசு தம்மைத் தக்கவைக்க மோடி அரசு தான் பெட்ரோல் விலையை எல்லாம் குறைக்க வேண்டும், எம்.எல்.ஏ பதவி நீக்கம், கருணாஸ் என இதுவும் 15 அண்டுக்கும் பின் ஓடிய தமிழ் ஈழப் படுகொலைகள் பற்றி எல்லாம் பேச ஆரம்பித்த எல்லாமே தேர்தல் ஜுரம் என்று தான் சொல்லப்படுகிறது...




மறுபடியும் பூக்கும் வரை
கவிஞர் தணிகை.

முடியுமா முடியாதா? : ‍ கவிஞர் தணிகை

முடியுமா முடியாதா? : ‍ கவிஞர் தணிகை




 நல்லது;இணையத்தில் தமிழ் சினிமாப் படங்களை வரவிடாமல் தடை விதிக்க பெருமுயற்சி எடுத்து பெருமளவு அதில் வெற்றியும் பெற்றுள்ள அரசால் பிஞ்சிலேயே வெம்பிப் போகும் எமது இளந்தளிர்களை காக்க‌ நீலப்படங்களை வராமல் தடுக்க முடியுமா முடியாதா?

நள்ளிரவில் இருந்து ஐநூறும் ஆயிரமும் செல்லாது என அறிவித்து பொதுமக்களை சித்ரவதைக்குள்ளாக்கிய அரசால் அதிக மதிப்புடைய பணத் தாள்களை நீக்க முடியுமா முடியாதா?

விவசாயிகளுக்கு நோ சொல்லிக் கொண்டு மாபெரும் தொழிலதிபர்களுக்கு, பன்னாட்டு கம்பெனிகளுக்கு எஸ் சொல்லிக் கொண்டு சலாம் போடும் அரசுகளால் ஏழை எளியார்க்கு வசதி வாய்ப்புகளை கொண்டு வர திட்டங்கள் சட்டங்கள் போட்டு சிக்கெடுக்க முடியுமா முடியாதா?

நதிகளை இணைத்து நாட்டு வறுமையை வெள்ளத்தை கட்டுக்கு கொண்டுவந்து இந்தியா என்னும் பூமியை வளப்படுத்த முடியுமா முடியாதா?

ஒரு முறை பயன்படுத்தும் பிளாஸ்டிக்கை தடை செய்வோம் என்னும் அரசால் அதைத் தயாரிக்கும் கம்பெனிகளை இழுத்து மூட முடியுமா முடியாதா?

அது போன்ற கம்பெனிகளுக்கு உரிமம் வழங்காதிருக்க முடியுமா முடியாதா?

எவருக்குமே வேலைக்கு உத்தரவாதம் உரிய ஊதியம் கொடுக்க முடியாமல் தடுமாறிக் கொண்டிருக்கிற அரசுகளால் மதுக்கடைக்கு விநியோகம் செய்யும் கம்பெனிகளுக்கு தயாரிக்கத் தடை செய்யும் ஆணை வழங்கி மதுவை நிறுத்த முடியுமா முடியாதா? மது பான கம்பெனிகளுக்கு கல்தா கொடுக்க முடியுமா முடியாதா?

 பீடி சிகரெட் புகைப்பது, கஞ்சா , போதைப்பொருள், பான் பராக், குத்கா போன்ற வாய்ப்புற்று நோய் மற்றும் புற்று நோயை உண்டு பண்ணும் மனிதர்களை இழி நிலைக்குத் தள்ளும் உற்பத்தியை அரசுகளால் நிறுத்த முடியுமா முடியாதா அதிரடி நடவடிக்கை எடுத்தால்...

மதுவிற்பனையை விட பேராபத்தான குடி நீர் விற்பனையை அதை சுத்தம்பண்ணி விற்பதாக வேடிக்கை பண்ணி பேரை வைத்து பெரும்பணம் சம்பாதிக்கும் ஆலைகளுக்கு உரிமம் ரத்து
 பண்ணி குடி நீர் விற்பனையை தடுத்து நிறுத்த முடியுமா முடியாதா? அரசு நினைத்தால்...

ஓரினப்புணர்ச்சி செல்லும், ஜெ குற்றவாளி அல்ல, குற்றவாளி எனச் சொல்லி குற்றம் சாட்டப்பட்டு முதல் தகவல் அறிக்கை அதாங்க எப் ஐ ஆர் போட்ட பின்னும் தேர்தலில் நிற்கலாம் எனச் சொல்லும், தற்கொலைக்கு செல்லாவிட்டால் போதும் யார் வேண்டுமானாலும் யாரை வேண்டுமானாலும் பாலுறவு கொள்ளலாம்  சுமுகமாக கமுக்கமாக ஒருவர்க்கொருவர் பிடித்துக் கொண்டால் போதும் என்னும் சட்டம் நீதியால் சரியான சட்டம் நீதி எல்லாம் செய்து நாட்டு மக்களை நல்வழிப்படுத்த முடியுமா  முடியாதா:?

மக்கள் எங்கு ஒருங்கிணைந்து விடுவார்களோ என்று துப்பாக்கியால் சுட்டுக் கொன்று, அதையும் சரி எனச் சொல்லிக் கொண்டு அவர்களை பிரித்து ஆள நடிப்பு, சீரியல், சினிமா என போதைக்குள்ளாக்கி விடும் மக்களை இந்த ஊடகத்தை எல்லாம் சரி செய்து மேன்மைப்படுத்தி நல் வழிக்கு கொண்டு செல்ல முடியுமா முடியாதா?

இப்படி நாடெங்கும் சாலையெங்கும் வீதியெங்கும் கொடி படம் தோரணம் எனச் சொல்லீ நட்டுக் கொண்டும், நாளிதழ்களில் வேறு எந்த நல்ல செய்திகளுக்கும் இடம் தராமல் அரசியல் தேர்தல் நடத்த முடியுமா முடியாதா?

இப்படி ஆயிரம் கேள்விகளும் பதில்களும்...

ஏன் இலஞ்சம் இல்லா பாரதத்தை உருவாக்க முடியுமா முடியாதா?

இப்படி மிகவும் சிக்கலான கேள்விகளும் உண்டு...

மகாத்மா, லால்பகதூர் சாஸ்திரி, காமராசர்  போன்றோரை இருந்தாரை நினைக்க ஒரு நாள் விடுமுறை...சரி அவர் சரி இல்லை...இவர் சரி இல்லை...என்பதை எல்லாம் சொல்லுமளவு இருப்பவர்க்கு தகுதி இருக்கிறதா அப்படி தகுதியுடன் இருந்து அவர்களை எல்லாம் மீறி அவர்கள் சாதிக்காத ஒரு நன்மக்கள் சமுதாயத்தை சாதிக்க எது தடையாயிருக்கிறது? அந்த தடையை உடைத்து சாதிக்க ஏன்  நம்மால் முடியவேயில்லை...

மகாத்மா பற்றி அவர் பகத்தை நினைத்திருந்தால் காப்பாற்றி இருக்கலாம் எனவும், கப்பலோட்டிய தமிழனுக்கு தென்னிந்தைய தமிழ் மக்கள் கொடுத்த நிவாரணப்பணத்தை அபேஸ் செய்து கொண்டார், அவர் முதல் மகன் ஒரு வீதியில் படுத்துக் கிடந்த குடிகாரன் என்றெல்லாம் செய்திகள் உண்டு...அதை எல்லாம் மீறி அவரது நாளை இன்று கொண்டாடி வருகிற இந்தியாவில் எனைப்பொறுத்த வரை இன்று எனக்கு ஒரு நாள் விடுமுறை. இன்று நடைபெறும் கிராமசபையில் கலந்து கொண்டு வாரப்படாத சாக்கடை, பல மாதங்களாகியும் எரியாத தெருவின் மின் விளக்கு, நீர் சரியாக வராமை, குடிநீர்க்கட்டணம் ஏன் ஏற்ற வேண்டும்? ஏன் இங்கேயும் நவப்பட்டியில் இருப்பது போல ஒரு மின்மயானம் ஒன்றை உருவாக்க்க் கூடாது? இப்படி பல கோரிக்கையை அளிக்க எண்ணம் உருப்பெறாமலே...

ஏன் ஒரு முறை சென்று கலந்து கொண்டதன் அனுபவம்...எல்லாவற்றையும் மீற சுய நலம், குடும்ப நலம் எல்லாவற்றையும் மீற வேண்டும்...சுய நலம் என்ற சொல்லின் பொருள்: இங்கு தவறு செய்வதல்ல, இலஞ்சம் பெறுவதல்ல, அடுத்தவர் பொருளை அபகரிப்பதல்ல, தவறான பொதுவாழ்வல்ல, தனது  வாழ்வில் இன்னும் செய்ய வேண்டிய கடமையில் கொஞ்சம் எஞ்சியிருப்பதால்...அதுவும் நிறைவடையும்போது...முதுமையும் உடற்பிணியும் வந்து நிற்கப்போகிறது அதனுடன் சேர்ந்து நின்றுத்தான் போராடியாக வேண்டும்...இளமையில் செய்ததைக் கூட குடும்பம் பொறுப்பு என்பவற்றில் இருந்து கொண்டு செய்ய முடியாத நிலையை இந்திய அரசியல் இந்த அரசியல் உருவாக்கி விட்டது...

காந்தி இதைப்பற்றி இந்த அரசைப்பற்றி, இது போன்ற அரசைப்பற்றி கருதவே இல்லை...




முடிந்தால் படித்துப் பாருங்கள்...காந்தியை தேசப்பிதா என்று சொல்லிக் கொண்டு காந்தியை தூய்மை பாரதம், அதற்கு இதற்கு என்று பேரை பயன்படுத்தி வரும் அரசு அவர் வழிச் செல்வதாக இருந்திருந்தால்...ஓரினப்புணர்ச்சி, மணமானவர்களும் எவரும் எவர் வேண்டுமானாலும் ஒருவர்க்கொருவர் விருப்பமிருப்பின், ராஜிவ் காந்தி கொலையில் தொடர்புடைய 7 பேர் ,ஜெ குற்றமற்றவர், முதல் தகவல் அறிக்கையில் இடம்பெற்ற குற்றவாளிகளும் அரசை நிர்வகிக்கும் பதவி பெற தேர்தலில் நிற்கலாம்...போன்ற தீர்ப்பை எல்லாம் வழங்கி இருக்கவே முடியாது...இதை எல்லாம் மாற்ற முடியுமா முடியாதா?

மறுபடியும் பூக்கும் வரை
கவிஞர் தணிகை.