Tuesday, December 12, 2017

ஆண்டு தோறும் மேட்டூரில் கார்த்திகைத் திருவிழா: கவிஞர் தணிகை

ஆண்டு தோறும் மேட்டூரில் கார்த்திகைத் திருவிழா: கவிஞர் தணிகை
Related image



பாஹு பலியைப் போல, கோமதீஸ்வரர் போல இரண்டும் ஒன்றுதானே? அது போல அண்ணாமலை திப்பு சுல்தான் கரட்டின் உச்சியில் நின்று எரிந்து கொண்டே நின்ற தினமான கார்த்திகைத் தீபத்தன்று ஆண்டுக்கு ஆண்டு தவறாமல் இலட்சக்கணக்கான கூட்டம் சென்று விளக்கேற்றி வழிபடுகிறது.

நினைத்த வேண்டுதல் அப்படியே அடுத்த ஆண்டுக்குள் நிறைவேறிவிடுவதாக திருமணமான ஆண்களும் பெண்களும் மகிழ்ந்து குலாவி இந்த செய்தியை பரப்பி வருகிறார்கள். கட்சிக்காரர்களும் பணக்காரர்களும் அங்கே ஒரு மண்டபம் எழுப்பத் திட்டமிட்டு மாபெரும் ஒரு மண்டபத்தை எழுப்பியும் விட்டார்கள். அதில் தங்கள் பெயர்களை விளம்பரப்படுத்திக் கொண்டார்கள். இதில் என்ன ஒரு வேடிக்கை எனில் அண்ணாமலை நன்கொடை கேட்டபோது இல்லை என மறுத்தவர்கள் எல்லாம் கூட அவனை கடவுளாக நினைத்து பேர்களை இணைத்துப் போட்டுக் கொண்டார்கள் அவன் சேவைக்கு இவர்கள் அடிமையாகி. இலவச‌ நீர் மோர், தண்ணீர்ப் பந்தல்கள், அன்ன தானக் கூடங்கள், குளிர்பான விற்பனைகள் என ஆண்டுக்கு ஆண்டு கடைகள் போட ஆரம்பித்து விட்டனர். மினி அண்ணாமலையாக சில ஆண்டுகளில் எழுந்த அது திருவண்ணாமலையின் கூட்டத்தை ஒரு நாள் மிஞ்சும் எனப் பேசிக்கொண்டார்கள்.

திருவண்ணாமலையில் கிரி வலம் போய் வருவது போல இங்கு அணையைச் சுற்றி ஒரு வலம் வந்து வேண்டுகோளை வைத்து இந்த அண்ணாமலை மறைந்து எரிந்த பாறையருகே வந்து பெரிதும் பிரார்த்தனை செய்தார்கள் ...அவர்களுக்கு இங்கு கேட்டதெல்லாம் கிடைத்தது என புகழ் பரவ ஆரம்பிக்க மாநில முதல்வர்கள், பிரதமர், குடியரசுத் தலைவர் உட்பட தனிப்பட்ட பயணம் வந்து செல்ல ஆரம்பித்தனர். இதை அரசு சார் விழாவாக மாற்றும் காலம் வெகு தொலைவில் இல்லை என இதற்காக அறக்கட்டளை ஒன்றை ஏற்படுத்திய மேட்டூர் தொகுதி உறுப்பினரும், பாராளுமன்ற உறுப்பினரும், மந்திரிகளும் கட்டியம் கூறினார்கள்.


Related image

ஆனால் இது ஆரம்பித்த கதை என்ன வென்றால் அண்ணாமலை எரிந்து நின்றுபோன மறு ஆண்டில் அவரது நண்பர்கள் கார்த்தி, பார்த்தி, பாரதி போன்ற விரல் விட்டு எண்ணக் கூடியவர்களே அங்கு வந்து ஒரு தீப்பந்தத்தை ஏற்றி விட்டு இரவு முழுதும் அங்கேயே தங்கி இருந்து அது என்ன காற்றடித்தாலும் அணையாமல் நிறைய எண்ணெய் விட்டு திகு திகு என எரிய பார்த்தபடி அந்த நாளை நினைத்தபடி அன்றைய இரவு முழுதும் அங்கேயே கழித்தனர்.

மறு ஆண்டில் ஒரு அண்டாவை எடுத்து வந்து அதில் நெய்விட்டு சீலைத் துணியை நினைத்து பற்ற வைக்க ஆரம்பித்தார்கள்...இவர்கள் ஏற்றிய தீபம் மேட்டூரைச் சுற்றி சுமார் 35 கி.மீ தெரிவதாக பேச்சுகள் பரவி பல மாவட்டஙக்ளில் இருந்தும் மக்கள் கூட ஆரம்பித்தனர், திருவண்ணாமலைக்கு அவ்வளவு தூரம் செல்ல முடியாதார் எல்லாம் இங்கு வர ஆரம்பித்துவிட்டு அதை விட இதே நன்றாக இருக்கிறது. கேட்டதெல்லாம் நிறைவேறுகிறது என வாய் ஓயாமல் பேசிக் கொண்டார்கள்.

Related image

அவர்களின் உறவு, நட்பு என வட்டம் மிகவும் குறைந்த காலத்தில் விரிவடைந்தது

அடுத்த வருடம் இந்தத் திருவிழா நடக்கும்போது வந்து பாருங்கள். உங்களுக்கும் தேனும் தினைமாவும் தவறாமல் கிடைக்கும். இந்த விழாவில் கலந்து கொள்ள வரும் அனைவர்க்கும் திருவிழாக்குழு தேனும் தினைமாவையும் தவறாமல் கொடுக்க ஏற்பாட்டை விரிவாக விரிவாக்கி ஆண்டுக்கு ஆண்டு செய்து வருகிறது. அது மட்டுமல்லாமல் நிறைய காடு தோட்டம் எல்லாம் வாங்கி தினையரிசி மட்டுமே பயிரிட்டு வருகிறது. தேன் மட்டும் இதற்கு கொல்லிம்லையிலிருந்து தவறாமல் வந்து சேர்ந்து கொள்கிறாது. பக்கத்திலேயே காவிரி நதி தீரம் இருப்பதால் இந்தக் கரையிலிருந்து அந்தக் கரைக்கு ஓடம், பரிசல் போக்குவரத்தும் பௌர்ணமி இரவு முழுதும் நிற்காமல் நடக்கிறது.

Image result for mettur karthigai deepam


கேரளாவுக்கு அய்யப்பான் , திருவனந்தபுரம், ஆந்திராவுக்கு திருப்பதி போல தமிழகத்துக்கு பழனியோ, திருவண்ணாமலையோ திருவரங்கமோ அல்லாமல் மேட்டூர் கார்த்திகை எல்லாவற்றையும் மிஞ்சத்தான் போகிறது...

அட நீங்களும் தாம் வந்து கலந்து கொண்டு வேண்டித்தான் பாருங்களேன்.

மறுபடியும் பூக்கும் வரை
கவிஞர் தணிகை.

Sunday, December 10, 2017

சத்யாவும் ரிச்சியும்: கவிஞர் தணிகை.

சத்யாவும் ரிச்சியும்: கவிஞர் தணிகை.

Image result for sathya movie


மஹேஸ்வரி சத்யராஜ் தயாரிப்பில் தமது மகனுக்காக தயாரித்தளித்திருக்கும் படம். நல்ல முயற்சிதான். நல்ல கதைதான் ஆனால் இவ்வளவு நேரம் பொறுமையாக அமர்ந்து பார்க்க முடியுமா என பிற்பகுதியில் தோன்றுகிறது.

ஒரு குழந்தை காணாமல் போய்விடுகிறது அது பற்றிய எந்த தடயங்களுமே இல்லை. முன்னால் காதலனை காதலி தற்போது இன்னொருவன் மனைவியானவர் அழைத்து தம் குழந்தையை தேடப் பணிக்கிறாள்.

தேடும்போது அவளுக்கு குழந்தையே இல்லை என்கிறார்கள் அனைவரும். காவல் துறை உட்பட. அவளுக்கு கோமா நிலைக்கு விபத்தின் காரணமாக சென்றது முதல் நினைவு இல்லை. மனநிலை சரி இல்லை என்கிறார் அவர் கணவரே. அக்கம் பக்கத்தில் உள்ளாரையும் அவர் வேண்டி அப்படியே சொல்ல வைக்கிறார்.

ரெம்யா வா ரம்யா நம்பீசனா அவருக்கு நல்ல வாய்ப்பு நன்றாக செய்திருக்கிறார். வரலட்சுமி சரத்குமார் போலீஸ் ஆபிசர். போலீஸ் ஆபிசராக இருந்தால் வாயைத் திறந்து கூட பேசமாட்டார்களா என்ன? இன்னும் நன்றாக செய்திருக்கும் வாய்ப்பை கோட்டை விட்டிருக்கிறார். அருமையான வில்லி வேடம். சொதப்பி விட்டார்.

ஆனந்த் ராஜ் நீண்ட நாளுக்கும் பின் கல கலக்க வைக்கிறார் அளவான நேரம்ம் தமக்கு கொடுக்கப்பட்டிருந்தும் கூட.

சதீஷ் பாபு கானாக வந்து பாதி வில்லனாகி மீத கதாநாயகனுக்கு துணையாகி இறந்தும் தமக்கு கொடுத்த பாத்திரத்தை நிறைவேற்றி இருக்கிறார். நிழல்கள் ரவியும் வழக்கமான  அப்பா ரோல்.

சிபிராஜ் ஒரே தாடி மீசை அதே கெட் அப். ஆனால் நன்றாக நடித்திருக்கிறார். இவருக்கு தந்தை நல்ல படங்களைக் கொடுத்து நிலை நிறுத்த முயல்கிறார். நல்ல முயற்சிதான். ஆனால் இன்னும் அதிக முயற்சி எடுத்துக் கொள்ள வேண்டும். இதற்கு முன் வந்த நாய் தோழனாயிருக்கும் படம் இதை விட இவருக்கு நன்கு பொருத்தமாகவும் நன்றாகவும் இருந்தது அந்தப்படம் ஆனாலும் இந்தப்படத்தை பார்க்கலாம்.

ரிச்சி:
Image result for richi.


வேறு ஆளே தமிழில் இல்லை நிவின் பாலி என்னும் பிரேமம் படத்தில் நடித்த  மலையாள நடிகர். ஒரே மாதிரியான முகமும் தோற்றமும். கிறிஸ்மஸ் வருகிறதை நினைவூட்ட. இந்தப் படம் கடற்கரை மீனவ சமுதாயம் சர்ச் பாதர். என்று வலம் வருகிறது.

சிறுவர்களாக இருக்கும்போது ஒரு சிறுவனை மற்றொரு சிறுவன் குத்தி விட்டு தப்பி விடுகிறான். இந்த சகாயம் என்னும் ரிச்சி மாட்டிக்கொள்கிறான். அதிலிருந்து தந்தை பாதார் பிரகாஷ் ராஜ் இவனை தம் மகனாக சொல்வதில்லை. ஆனால் இவன் சீர்திருத்தப்பள்ளியிலிருந்து தண்டனை முடிந்து வந்து அந்தக் கிராமத்தின் மீனவர்களை அடக்கி ஆளும் ஒருவருக்கு தலைமை அடியாளாக வேலை பார்த்து அனைவர்க்கும் அச்சத்தை ஏற்படுத்தி விடுகிறான் தமது முரட்டுக் குணத்தால் அடிதடியால் கொலை  போன்ற வன்முறைகளால்...

இவனது நண்பன் செய்த குற்றத்திற்கு இவன் அனுபவிக்கும் தண்டனையை மனதில் வைத்துக் கொண்டு அனைவரையும் தண்டிக்கிறான். கடைசியில் அப்படிஓடிய நண்பனையும் கொன்று, தாமும் செத்து இப்படி போகிறது படம்.

ஆனால் அதற்குள் பட ஆரம்பத்தில் இமாலய பில்ட் அப்... அப்படி இப்படி என பத்திரிகை வெளியீடு, உலகையே உலுக்கப் போவதாக..உலைகையே அழிக்கப்போவதாக உலகையே திரும்பிப் பார்க்க வைக்கப் போவதாக, பிரமிக்க வைக்கப் போவதாக எல்லாம் புஸ்....

தேவையில்லாத தோரணங்கள் ...ரிச்சி சாதாரண ஒரு சினிமாத் திரைக்குச்சி. ஒரு பூச்சி.

மறுபடியும் பூக்கும் வரை
கவிஞர் தணிகை.

கொடிவீரனா முடி வீரனா? சசிக்குமாரும் அசோக்குமாரும்: கவிஞர் தணிகை

கொடிவீரனா முடி வீரனா?
சசிக்குமாரும் அசோக்குமாரும்: கவிஞர் தணிகை

Related image


படம் வெளியீடான அன்றே இணையத்தில் வெளி வந்துவிட்டது இந்தப் படம்.
எடுத்த உடனே ஒரு பெண் புளியமரத்தில் தூக்குப் போட்டுக்கொள்ள அவளிடமிருந்த குழந்தை கீழே பிறந்து வீழ்கிறது.

ஒரு பெண் மொட்டை அடித்துக் கொள்கிறாள் அண்ணன் பழி வாங்க வேண்டி சூளுரைக்கிறாள்..அதுதான் பூர்ணா கேரக்டர்.

பழிக்குப் பழி இரத்தத்துக்கு இரத்தம்...சசிகுமார் அதே தாரை தப்பட்டை மூஞ்சி. அதே முடிவீரனாக சாரி கொடி வீர்னாக...இவர் யாருன்னு நினைச்சீங்க என்ற உடன் அடுத்தநாள் சாமியாடியாக வருகிறார்.

பசுபதிக்கு ஒரு வில்லன் சமமாக சசிக்குமாருக்கு இணையாக.

இந்த இயக்குனரின் கொம்பன் தேறி விட்ட படம். ஆனால் இந்த சசிக்குமார் தயாரிப்பில் அசோக்குமா நிதிப் பிரச்சனையில் மாட்டி உயிரை விடக் காரணமாக இருந்த படம். சசிக்குமார் மாபெரும் ஆளாக மதிக்கப்பட வேண்டும் என்ற  சினிமா கிளாமருக்கு பலியாகிக் கொண்டிருக்கிறார்.

படம் படுதோல்வி. இவர் எல்லாம் தாமெடுத்த படத்தை முதலில் தாம் பார்த்துவிட்டுத்தான் வெளியுலகுக்கு கொண்டு வருகிறாரா என்பது தெரியவில்லை.

வன்முறையும், கொடுமையும் எல்லையில்லாமல் காட்டிவிட்டு அதற்கு பழிவாங்குவது போல கதாநாயகர்கள் நடிப்பதை எத்தனை முறைதான் பார்ப்பது சசிக்குமாரிடம்...கிடாவும் இப்படித்தான்...

மஹிமா நம்பியார், விதார்த்,சனுசா, பால சரவணன், பூர்ணா என்ற ஒரு பட்டாளமே இருந்து கடன் பண்ணி அசோக்குமார் பைனான்சியரை டிஸ்ட்ரிப்யூட்டரை தற்கொலைக்கு கொண்டு சென்றிருக்கும் படம்.

அசோக்குமாரை சொந்த மாமன் மச்சானாக இருந்தும் ஏன் இந்த ஹீரோ சசிக்குமாரால் காப்பாற்ற முடியவில்லை என்பதுதான் நிதர்சனமான கேள்வி.

அண்ணன் தம்பி அண்ணன் தங்கை சென்டிமென்ட் எதிரும் புதிருமாக‌ படம் எல்லாம் அதுதான்.

அந்தக் காலத்தில் எந்தப் படமானாலும் எதிர்மறையான கருத்துகளை பக்குவமாக சொல்வார்கள் காட்சிகளை துக்கத்திலிருந்து ஆரம்பிக்கவே மாட்டார்கள். இந்தப்படத்தில் எல்லாம் பொணம், ஒரே பொணம், ஒப்பாரி அழுகை , என அசோக்குமாரை கொள்ளை கொண்டு போனது போல..

சுபம் என கடைசியிலும், முதலில் சுபமான காட்சிகளுடன் மட்டுமே ஆரம்பிப்பார்கள் இதில் எல்லாமே இறப்பு அதன் எல்லைக்கப்பால் சென்றுவிட்டது.

எம்.ஜி.ஆர் படங்கள் வென்றதும், அவர் நாட்டை ஆண்டதற்கும் கூட இந்த நேர்மறைக் காட்சி அமைப்புகளே காரணம்.

சிவாஜி என்னதான் நடிப்புலக மேதையான போதும் தோற்றது எதிரான சோகமயமான காட்சிகளைக் கொண்டதுதான்.

அதே போல ரஜினிக்கடுத்து கமலை சொல்வதும் கூட இதன் அடிப்படையில்தாம்

மக்கள் இருக்கும் பிரச்சனையை மறுபடியும் திரையிலும் பார்க்க சகிக்காமல் அதில் கொஞ்ச நேரம் கவலை மறந்து கலகலப்பாக இருப்பதற்குமே நகைச்சுவை காட்சி எல்லாம் வைப்பார்கள்...அப்படி எல்லாம் இதில் ஏதும் இல்லாதது பெரும் குறை.

இந்தப் படத்தை கணக்கு காண்பிக்க பெரும் செலவு எனக் காட்டி எடுத்திருக்கலாம் ஆனால் இப்படி கடன் வாங்கி உயிரை விட்டு எல்லாம் எடுக்க அவசியமே இல்லை. அதை நீங்கள் பார்க்க வேண்டிய  அளவு இதில் எதுவுமே இல்லை.

தம்மை திரையுலகில் நிலை நிறுத்திக் கொள்ள வேண்டும், தாமும் ஒரு ஹீரோதாம் என்றும் புகழ் ஆசையில் சறுக்கி விழுந்தார் நிறைய பேர் அதில் சசிக்குமார் பேரும் இப்படியே போனால் நிச்சயம் இடம்பெறும்.

மன்சூர் அலிகான் படத்தை ஆரம்பித்த கதை எல்லாம் அனைவரும் அறிவர்.அதே போல மிக நீண்ட டைட்டில் வைப்பதாகவும் அவர் பெருமப்பட்டுக் கொண்டார். ஆனால் அவர் எல்லாம் எங்கிருக்கிறார் என்பதை தேடித்தான் கண்டுபிடிக்க வேண்டி இருக்கும். புகழ் ஒரு போதை புதைகுழி.

மறுபடியும் பூக்கும் வரை

கவிஞர் தணிகை.

சுடர் விட்டு நின்றெரியும் விளக்கானாய்:= கவிஞர் தணிகை.

சுடர் விட்டு நின்றெரியும் விளக்கானாய்:= கவிஞர் தணிகை.

Image result for andhra pradesh cold in winter early morning


எழில் வேந்தனுக்கு அது 23 வயது . ஆந்திரப் பிரதேசம்  அப்போது தெலுங்கானாவாகவும் ஆந்திராவாகவும் பிரியவில்லை. 1985 ஜனவரிக் குளிர் காலை 4 அல்லது 5 மணிக்குள் நிலவொளியில் பெரும் பெரும் பானைகளில் இருக்கும் ஜில்லென்ற நீரை எடுத்து குளிக்க வேண்டும். சுறு சுறுப்பு உதடு பல் எல்லாம் உதற காலிலிருந்து தலைவரை பரவும்.

அதன் பின் தியான வகுப்பு, அங்கு தான் ஓம் பூர்புவஸ்ஸுவ‍ஹ் தத்ஸ விதுர் வ்ரேண்யம் பர்ஹோ தேவஸ்ய தீமஹு த்யோயந  ப்ரஸோயாதாயாத் என்ற பாடல் சொல்ல வருவது காயத்ரி ஜெபம் என்றும், ஓம் ஸகனாவவது ஸகனோபுனத்து சகவீரியம் கருவாவஹே.. என்ற பாடல்களையும் பொருள் தெரிந்து சொல்லக் கற்றுக் கொண்டான்.  ஆனால் சந்திரசேகரேந்திரர்  சங்கராச்சாரியார்தான் தமிழை நீச மொழி என்றதால் சமஸ்கிருதம் மட்டுமே கடவுளுக்குத் தெரிந்த மொழியாக ஒருபோதும் விளங்கமுடியும் என்பதை எப்போதுமே அவன் ஏற்றுக் கொண்டதே இல்லை.

முதலில் கம்யூனிச மேடைகளில் முழங்கித் திரிந்து இரவு நள்ளிரவில் எல்லாம் எழுதிக் கொண்டும் படித்துக் கொண்டும் இருந்த அவனுக்கு அது எட்டிக்காயாகவே தெரிந்தது.

கம்பயூனிசமும் காந்தியிசமும் ஒன்னுதான் என அங்கு அவனுக்கு ஒருவர் சொல்லிக் கொண்டிருந்தார் எல்லாமே எல்லா மனிதர்களுக்கு நன்மை செய்யத்தானே சொன்னது. அதில் மேல் இருக்கும் சிலர்தானே எல்லாவற்றையும் எல்லாருக்கும் செல்வதை தடுத்துக் கொண்டிருக்கிறார்கள். அவர்களை அப்புறப்படுத்த வேண்டும் என்றுதானே இரண்டும் சொல்கிறது ஆனால் ஒன்றில் அஹிம்சை மற்றொன்றில் நீ எந்த ஆய்தம் ஏந்த வேண்டுமென்பதை உன் எதிரிதான் தீர்மானிக்கிறான் என்றது.

இந்த சமஸ்கிரத ஸ்லோகங்களை எல்லாம் மனப்பாடம் பண்ணி ஒப்பிக்கிற பஜனை எல்லாம் வேண்டாம் என்று இருந்தான் . எதுவானாலும் பொருள் தெரிந்து மற்றவர்க்கும் தெரியும் வண்ணம் இருக்க வேண்டும் என்பதில் கவனமாக இருந்தான். பொருள் தெரியாமல் ஒரு பாடலை பாடவே கூடாது.  ஒரு நாள் இங்கு கடவுள் மறுப்பு சிந்தனையாளர் யாரெல்லாம் என சபையில் கேள்வி எழுப்பப் பட்டபோது இவன் ஒருவன் மட்டுமே எழுந்து நின்றான் அந்த எல்லா மாநிலங்களிலிருந்தும் வந்து கலந்து கொண்டிருந்த 150 பேரில்.

அவர்கள் மேற்கொண்டு வேறு ஏதும் கேட்கவில்லை. வகுப்புகள் சுமார் ஒன்னரை மாத காலம் அப்படியே சென்றது . நிலவொளிக்குளியல், தியான வகுப்பு, முடிந்ததும் எளிய உணவு நிலக்கடலை எல்லாம் போடப்பட்ட தாழித்த உணவு...மதியம் முழுச் சாப்பாடு, இரவு சில ரொட்டிகள் அல்லது சாப்பாடு எளிய உணவு. அரிஜன சமையல்காரர்கள் மூலம் செய்தது. சுவை எல்லாம் எதிர்பார்க்க முடியாது, சுகாதாரம் கூட சற்று குறைவாகவே இருப்பதுதான் ...அது அப்படி இப்படித்தான் இருக்கும்.

Related image

காலையும் மதியமும் வகுப்புகள் நடந்தன பல்வேறு நாட்டு முன்னேற்றம், கிராமிய முன்னேற்றம் பற்றி. பல்கலைக் கழக கோல்டு மெடல் வாங்கிய நபர்களிலிருந்து நிறைய பிரிவு பாடங்களைத் தேர்ந்து படித்தார் எல்லாம் அங்கே குழுமியிருந்தனர். பயிற்சிக்காகவும் பணிக்காகவும்.

எழில் வேந்தனுக்கு இரண்டாண்டு தேசிய அளவிலான பயிற்சி, இவனை போல 15 பேர்தாம் மாநிலத்துக்கு ஒருவராக. மற்றவர் யாவரும் ஒன்னரை மாதத்தில் பயிற்சி முடித்து சுமார் 20 கிராமங்களுக்கும் மேல் சென்று கிளஸ்டர் டெவலப்மென்ட் ஆபிசர் என்ற பணிப் பொறுப்பை ஏற்றாகவேண்டும்.

அதில் ஒரு மதுரைக்கார சௌராஸ்ட்ரா நண்பன் தமிழ் பேசியவன் கிடைத்தான் அவன் பேர் கணேஷ் சந்திரா. சரியாக கண் தெரியாது. கண்ணாடியைக் கழட்டி விட்டால். நல்ல மொத்தமான ப்ரேம் மற்றும் கண்ணாடி. அவன் முதுகலை பட்டம் பெற்றிருந்தான்.

அவன் ஒன்னரை மாதப் பயிற்சி முடித்து ஜங்காரெட்டி கூடம் என்ற பகுதிக்கு அலுவலராக நியமிக்கப்பட்டான். அந்தப் பகுதி யாவும் ஒன்று காடு அல்லது காட்டைச் சார்ந்த பகுதி, அல்லது மலை அல்லது மலை சார்ந்த பகுதி அல்லது சமவெளியாய் இருந்தால் அது ஹரிஜனப் பிரிவினர் அன்று அது அவர்கள் பேர் அதுதான் இன்று தலித் என்று சொல்லப்படுகிறார்கள்.அங்கே கூட்டத்தில் ஹரிஜன் கிரிஜன மஹிலா மண்டலாரா என்றெல்லாம் பேசுவார்கள்... அங்கே நக்ஸலைட்கள் எல்லாம் கூட பாடலைப் பாடிக்கொண்டு வந்து கொண்டும் போய்க்கொண்டும் இருந்தார்கள் என்பதை மறுக்கவும் முடியாது.

பயிற்சியின் போது ஆங்காங்கே களப்பயிற்சிக்கு செல்லும்போதே உணவு தயாராகும் வரை அங்குள்ள புதர் அல்லது காலி இடங்களில் கற்ற பயிற்சியை பயன்படுத்திப் பார்க்கலாம் என எழில் அமர்ந்து பார்த்து வந்தான்.அப்போது எல்லாம் நீண்ட நேரம் நாள் முழுதும் நடக்க வேண்டும் காடுகளிடை செல்லும் அடவிப் பகுதிகளில். மிகவும் தள்ளித் தள்ளித்தான் கிராமங்கள் இருக்கும் அதுவும் மரத்தில் மூங்கிலால் மட்டுமே கட்டப்பட்டு இருக்கும்.  எங்காவது சென்று தங்கும் இடத்தில் உணவு தயாரித்துக் கொடுக்க ஏற்பாடு செய்யப்பட்டிருக்கும்.

Related image

அப்படி செல்லும்போது உடன் அழைத்து வரும் ஆர்கனைசர் எனப்ப்படும்  அமைப்பாளர்கள் அவர்கள் விருப்பப்படி எல்லாம் செய்து வந்தார்கள். கொடுத்திருந்த பணத்தை என்ன செய்தார்கள் எப்படி செய்தார்கள் என்றே தெரியாது ஆனால் அந்தக் கிராமத்தாரின் வீடுகளில் உணவு தயாரிக்கப்பட்டு வழங்கப்படும். அது எந்நிலையிலிருந்தாலும் உண்ண வேண்டும். அப்படித்தான் குடல் புண் வந்திருக்கும். மாங்கா வடுவும் மிளகாய் சாரமும் அடங்கிய சாரத்தில் அரிசிச் சோற்றை கலந்து உண்ண வேண்டும். அது மிகவும் ருசியாக இருக்கும்.ஏன் எனில் நாளெல்லாம் பசியுடன் இருந்தால் எதுவுமே தின்னக் கிடைத்தால் ருசிக்கத்தானே செய்யும்.

கொர்ரய்யா என்ற அமைப்பாளர் ஒரு முறை கொர் கொர் என தூங்கிக் கொண்டே, எழில் வேந்தனுக்கு ஒரு கோரைப்பாய் கூட கொடுக்க விடாமல் கீழே படுக்க வைத்தான் கொஞ்சம் நகர்ந்து படுத்திருந்தாலும் கோழிகளின் எச்சம் தலை முழுதும் பூசிக் கொள்ள வேண்டியதுதான், கோழிகளுடன் உறக்கம்.அப்படி அங்கே அனுபவம் எல்லாம் கிடைத்ததால் தான் இவனுக்கு இவனேத் திட்ட அலுவலராகத் திட்டத்தை துவங்க ஆரம்பிக்கும்போது கிராம மக்கள் நம்பாமல் கொடுத்த ஆட்டுக் கொட்டிலும் மாட்டுக் கொட்டிலும் மலைக்கிராமங்களில் இவனுக்கு இரவு தங்க இடமானபோதும் அதைப்பற்றி எல்லாம் துளியும் கவலை ஏற்படவே இல்லை. வசதியாகவேத் தெரிந்தது.

இதை எல்லாம் விட ஒரிஸ்ஸாவின் மல்க்கங்கிரி, காளி மேளா கோராபுட் மாவட்டம் செல்லும்போது சாலையின் ஓரம் எல்லாம் படுத்துறங்கி ஓய்வெடுத்து அடுத்த பேருந்து வரும் வரை தூங்கவும் அதில் எல்லாம் ஒன்றும் இல்லை எல்லாம் நாடோடி வாழ்வில் சகஜமாகிப் போனது.

பாலமலை கழிப்பறைகளை சுத்தம் செய்து மக்களைப் பயன்படுத்த பழக்கப்படுத்திய கதையை தொலைக்காட்சி நிகழ்ச்சிக்காக தேர்வு நிலையில் இதைப் பற்றி எல்லாம் சொல்லும்போது பாஸ்கரராஜ் என்னும் தொலைக்காட்சி காட்சி இயக்குனர் அது ஏழரை சனியாக காலம் இருந்திருக்கும். இதை எல்லாம் சொல்லுங்கள் நமது பெண்கள் அதை எல்லாம் பெரிதாக‌ எண்ணாமல் அவரவர் வீட்டுக்கு கழிப்பறையைக் கழுவ கூப்பிட்டுவிடுவார்கள் என்றார். அவரே அவனது புத்தகம் ஒன்றைப் படித்து விட்டு தமது வாழ்விலும் அதைப் பயன்படுத்த வேண்டும் இவை எல்லாம் உண்மைதானா என பாலியல் விழிப்புணர்வு நூலை ஒன்றைப் படித்து விட்டு பயன்படுத்த அனுபவத்தை பகிர்ந்து கொண்டார்.

இப்படி எல்லாம் அவனுக்கு கிடைத்த அனுபவமே பிற்காலத்தில் எவ்வளவு விடியலில் 4 மணிக்கே எழுந்தாலும் அவனுக்கு அதெல்லாம் பயிற்சி கொடுத்த பாடமாகவே இருந்தது பயன்பட்டது.

இதையெல்லாம் விட பயிற்சியின் போது கற்ற தியான வகுப்பு பற்றி எல்லாம் தொடர்பை விட்டு விடலாம் என இருக்கும்போது ஒரு நாள் ஜங்காரெட்டி கூடம் சென்றான் அவனது நண்பர் கணேஷ் சந்திராவைக் காண. கதவைத் தட்டி காத்திருந்தான், கணேஷ் சந்திரா கதவைத் திறக்க அங்கே ஒரு வேட்டி விரிப்பு கிடந்தது, என்னடா கணேஷ் என்ன செய்றே,? தியானம்...

ஆக இவன் எல்லாம் செய்யும் போது நாம் எல்லாம் செய்ய முடியாதா என்ற உந்தல் ஏற்பட அந்த 1985 ஜனவரியில் ஏற்பட்ட வழக்கத்தை வாழ்வில் மனதை எரிக்க தியானத்தையும், அதற்கு முன்பே கைக்கொண்டிருந்த உடலுக்கான நடைப்பயிற்சியையும் வாழ்க்கையில் பின்னிப் பிணைய ஒன்றிணைய எடுத்துக்கொண்டு 33 வருடங்களாக பயணம் சென்று கொண்டே இருக்கிறான் சுடர் விட்டு நின்றெரியும் விளக்காக... பத்தாயிரம் மணி நேரம் ஈடுபட்டிருந்தால் எந்த செயலுமே அது அப்படி செய்தாரை மேதையாக்கி அவருக்கு புகழ் சேர்க்குமாம் அந்த அறிவியல் உண்மையை தாமும் மேடையெங்கும் சொல்வதும் பிறர்க்கும் சொல்வதும் வழக்கமான அவனுக்கு அப்போது அவை பற்றி ஏதும் தெரியாது...ஆனால் இப்போது கணக்கிட்டிருந்தால் அவை சுமார் 12000 மணி கூட வந்திருக்கும்...

Image result for andhra pradesh cold in winter early morning

ஆனால் அதற்குள் அவன் வாழ்வில் ஏற்பட்ட மாறுதல்கள் தாம் எத்தகையது? எப்படிப்பட்ட மாந்தர்கள் எல்லாம் அவனது வாழ்வுடன்? 20க்கும் மேற்பட்டோர் அவனிடமிருந்து அந்தப் பயிற்சியை கற்றுக் கொண்டார்களாக உலகெங்கும் பிரிந்து கிடந்து பயணம் செய்து கொண்டிருக்க...

தியானத்துக்கும் முன், தியானத்துக்கும் பின் என இரண்டு வாழ்வு இருக்கிறது என அவனுக்கு தெரிந்ததை அனைவர்க்கும் சொன்னான். ஆனாலும் யாவர்க்கும் நன்மை செய்தே தீரும் மார்க்கம் காணும் முயற்சியும் அவனை விட்டு சென்ற பாடில்லை. அது ஒரு தாகம். இது ஒரு வேகம் கட்டுப்படுத்தும் முயற்சி.

இவனுக்கு இப்போது கடவுள் இருப்பு பற்றி எல்லாம் கேள்வி எல்லாம் இல்லை அது தேவையுமில்லை. எங்கும் இருப்பான் ஏகாந்த மூர்த்தி என இந்து எல்லாவற்றிலும் கடவுளைப் பார்ப்பதாயிருக்கும் சிந்தனையும், அடுத்தவரை உன்னைப் போல் நேசி என்னும் கிறித்தவ சிந்தனையும், அல்லா கொடுப்பதை எவராலும் தடுக்க முடியாது என்னும் முகமதிய சிந்தனையும், ஒவ்வொரு செயலுக்கும் எதிர் செயல் உண்டு என்னும் புத்தம், ஆற்றல் மாறாக் கோட்பாடான : ஆற்றலை ஆக்கவோ அழிக்கவோ முடியாது அது ஒரு வகையில் மறையுமாயின் பிறிதொரு வகையில் வெளித்தோன்றும் என்ற அறிவியல் பார்வையுடன் இணைந்திருக்கிறது என்ற புரிதலுடன், வள்ளலாரின் வாடிய பயிரைக் கண்டபோதெலாம் மனம் மிக வாடினேன் என்ற காருண்யத்துடன், மஹாவீரர் காட்டிய பிற உயிர்க்கெலாம் தீங்கு செய்யா துன்புறுத்தல் இலா வாழ்வு பற்றிய ஜைன மதம் பற்றியும் இப்படி உலகுக்கு உவந்த எவைபற்றியுமே பெரிய மாறுபாடு இருப்பதாகவோ அல்லது எந்த ஒன்றில் மட்டுமே மிகவும் முழுமையடைந்த நிலை உள்ளதாகவோ எண்ணுகிற நிலை எல்லாம் போய் விட...

ஒரு வீட்டில் மொட்டை அடித்து குழந்தைக்கு காது குத்தும் நிகழ்வும், அடுத்த வீட்டிலேயே சவமாய் ஒரு மரணம் சடலம் எடுக்கும் நிகழ்வையும் ஒரு சேர பார்த்தபடியான ஞானம்... சித்தர் வழிப்பாடலாய் இறங்கியபடியே இருக்க...

எல்லா மனிதருமே வயது முதிர்ந்து மூப்படைந்து தாமாக உதிரும் வெள்ளரிப்பழமாகவே இருக்க வேண்டும் என்பதுவே அவனது விருப்பமும் பிரார்த்தனையாகவும் இருக்கிறது... ஆனால் அவை எல்லாம் சாத்தியமா"

உயிர் வழங்கும் மந்திரம் என்பது : ஓம் த்ரயம்பகம் யஜாமஹே ஸுகந்திம் புஷ்டிவர்த்தனம் உர்வாருஹ மிவபந்தனாத் ம்ருத்யுர் முச்ய மாம்ருதாத்...என்பது என்ன வெனில் எந்த ஒரு விபத்திலும், இடி,மின்னல், போன்ற இயற்கை அல்லது செயற்கை விபத்திலும் உயிர் போகாமல் ஒரு வெள்ளரிக் கொடியிலிருந்து பழுத்த வெள்ளரிப்பழமானது இயல்பாக உதிர்ந்து நிற்குமோ அது போல இயல்பாக போகவேண்டும் அதற்கு சிவபெருமானே அதற்கு நீ அருள் புரிய வேண்டும் என்பது அந்தப் பாடலின் பொருள்...ஆனால் அந்த சிவ பெருமானுக்கு பதிலாக எந்த இறைச் சக்தி அல்லது இயற்கைச் சக்தியின் பேரை வேண்டுமானாலும் போட்டுக் கொள்ளலாம். அதுபோலவே காயத்ரி ஜெபம் என்பதும் கூட பிரபஞ்சத்தைப் படைத்த பரம்பொருளான உங்களை தியானிக்கிறேன் என் உள்ளத்திலிருந்து என்னை ஒளிரச் செய்வீராக என்பதுதான்...

நிதமும் பத்மாசனத்தில் குதம் குய்யம் இரண்டிடையே இடது குதி காலை வைத்து அமர்ந்தபடி இருந்து சின் முத்திரை இட்டு  நெற்றிப் பொட்டில் நினைவை நிறுத்தி இமையும் விழி விளம்புகளும்  அசையாமல் கண்கள் பாதி திறந்த நிலையில்  மூக்கின் நுனியைப் பார்த்தபடி அமர்ந்து

சுடர் விட்டு நின்று எரியும் விளக்காக இருக்கிறான்.

மறுபடியும் பூக்கும் வரை

கவிஞர் தணிகை.


Wednesday, December 6, 2017

அண்ணாமலை நீ நின்றெரியும் விளக்கானாய்: கவிஞர் தணிகை

அண்ணாமலை நீ நின்றெரியும் விளக்கானாய்: கவிஞர் தணிகை

Image result for triangle hills


அண்ணாமலைன்னு பேரே வைக்கக் கூடாது, அப்படி வைச்சா அவனை சீக்கிரமா அந்த சிவனே எடுத்துக்குவான் என்பதை மீறி சுப்ரமணியம் அவனுக்கு அண்ணாமலை என்று பேர் வைத்தார். பையன் ஒரு தனிப்பிறவி. படு சுட்டி. எல்லாக் கல்வி கேள்விகளிலும் படித்து திளைத்து கரை சேர்ந்தான். அதன் விளைவு: இரமண மஹரிசி போல கையில் இருக்கிற காசை எல்லாம் முடியை மழித்துக் கொண்டு தூக்கி குளத்தில் எறிந்துவிட்டு பாதாள லிங்க அறையில் அண்ணாமலையில் அமர்ந்தது போல கோவில் கண்ட இடங்களில் குன்று கண்ட இடங்களில் எல்லாம் சென்று தனியே அமர்ந்து வந்தான்.

அபிராம பட்டர் பாடிய அந்தாதியில் உள்ள கோணாத கோல் பற்றி எல்லாம் தெரிந்து கொண்டான். அவனுக்கு வயது 30 ஆகும்போதெல்லாம் அந்த ஊரில் அவன் புகழ் வெகுவாக பரவியது அநியாயத்துக்கு எதிரான குரலாக அவனைத் தூண்டிவிட்டு பலரும் பயனடைந்து விட்டு அவனை துன்பத்துக்கு இரையாக்கினார்கள். பகடைகாயாக பலருக்கும் பயன்பட்ட அவன் ஒரு நாள் நான் எல்லாருக்கும் நல்லது செய்ய நினைக்கிறேன். கல்யாணம் பண்ண மாட்டேன்

இந்த நாட்டை ஆள எனக்கொரு வாய்ப்பு வந்தால் இந்தியாவின் தலைவிதியை மாற்றுவேன், நதிகள் இணைப்பெல்லாம் செய்வேன் என்று பேசித் திரியலானான். இவன் நல்லாதானே இருந்தான் என்ன ஆயிற்று இவனுக்கு என இவன் பற்றி தெரிந்தார் எல்லாம் இவன் மேல் அனுதாபப்பட ஆரம்பிக்க இவனோ குறைந்தபட்சம் நம்ம தமிழ்நாட்டை ஆள வாய்ப்பு கிடைத்தாலும் மக்கள் வாழ்வை வளமாக்குவேன். அனைவர்க்கும் குடிநீர், மருத்துவம், கல்வி, உணவு, வீடு இப்படி அத்தியாவசியத் தேவைகள் கிடைக்கச் செய்வேன், படித்த படிக்காத அனைவர்க்கும் வேலை கொடுத்து குடும்பங்களை எலலம் வறுமைப் பிணியிலிருந்து மீட்கச் செய்வேன் என்றான் பார்க்கும் எல்லாரிடமும்,

எங்கு வேண்டுமானாலும் நீ பெரிய இவனாக இருக்கலாம் இங்க முடியாதுடா என சொந்த ஊர்க்காரர்களாலே அவமானப்படுத்தப்பட்டான்..

உனக்கு ஒரு ஆள் கூட வாக்களிக்க மாட்டான் உன்னால் ஒரு கவுன்சிலர், மெம்பராகவும் ஆக முடியாது என்றார்கள். தப்பு குற்றம் செய்தார் எல்லாம் பதவிக்கு வரலாம் ஆளலாம் என்று இருக்கும்போது தவறுகளே செய்யாத நான் ஏன் வரக் கூடாதா? அதற்கு வழியே இல்லையா என்று கேட்டான் அவன் கேள்விக்கு எவருக்குமே விடை தெரியவில்லை.

அதுக்கு எல்லாம் கட்சி வேண்டும், காசு வேண்டும் அதெல்லாம் உன்னிடம் எங்கு இருக்கு என அவன் மேல் அக்கறை உள்ளார் சொல்லியும் கூட இவன் கேட்பதாக இல்லை.

அப்படியே கேட்டுக் கொண்டே காலத்தை கழித்த அவனை அவனது நண்பன் ஒருவன் கார்த்திகை என்ற பேருடையான் வா, அண்ணாமலைக்கு சென்று கார்த்திகை தீபம் பார்த்து வரலாம் என்று கூட்டிச் சென்றான்

அந்த இரண்டாயிரம் மூவாயிரம் அடி மலைக்கு மேல் கார்த்திகை தீபத்தன்று ஏற்றப்பட்ட தீபத்தைப் பார்த்த அண்ணாமலை அடுத்த வருடம் நம் ஊரிலும் இதே போல கார்த்திகை தீபம் ஏற்ற வேண்டும் என கார்த்தி, பார்த்தி, பாரதி ஆகிய நண்பர்களிடம் சொல்லி வந்தான்.

அதெல்லாம் நம்மால் முடியாதுடா  என்ற அவன் நண்பர்களுக்கு ஏன்டா மனிதன் நினைத்தால் முடியாதா என்ன? என என்னால் எம் மக்களுக்கு நல்லாட்சிதான் புரிய கொடுத்து வைக்க வில்லை இது கூடவா முடியாது என அடுத்த ஆண்டில் மேட்டூரில் ஒரு மிகப் பெரும் கார்த்திகைத் திருவிழா நடக்கும் மாபெரும் மலை ஒன்றில் அண்ணாமலையில் ஏற்றப்படும் தீபம் போல ஏற்றப்படும், ஆர்வமுள்ளார் ஒத்துழைப்பு நல்க, பொருளுதவி செய்க என கார்த்திகை வரும் முன்னே  ஒரு துண்டுப் பிரசுரத்தை நண்பர்கள் காசு கொடுக்க அடித்து பரப்பினான். அதில் எவர் பேருமே போடவில்லை.

அவன் ஒருங்கிணைத்து சுமார் இரண்டு வருடம் ஒரு கம்பெனி முதலாளியை வைத்து கட்டிய ஈஸ்வரன் கோவிலைக் கூட இவன் எட்டிப் பார்க்காதவனாகி நின்று விட்டானாகி தனித்து விடப்பட்டானாகி விட்ட போது இவன் எப்படி இதைச் செய்ய முடியும் என பல கருத்துகளை பலரும் பேசி வந்தனர். சிலர் ஏசி வந்தனர் சிலர் பழி கூறினர், சிலர் இல்லாத பொல்லாங்கை எல்லாம் இவன் மேல் ஏற்றிப் பேசினர்....


நாள் நெருங்கி வந்தது. அவனை எவருமே சட்டை செய்யவில்லை. அவனுக்கு சிறுவயதில் தாம் பள்ளிக்கூடம் படிக்கும்போது வாத்தியார்கள் துரத்தும்போது போய் விட்டு வந்த திப்பு சுல்தான் கோட்டை என்னும் கரடு நினைவுக்கு வந்தது

அங்கே மறுபடியும் ஒரு நாள் சென்று பார்த்தான். அதே குன்று அப்படியே நிலை குலையாமல். ஆனால் பயம் குலை நடுங்க வைக்குமாறு அமானுஷ்ய மௌனத்துடன் நின்று கொண்டிருந்தது. அங்கே எவரையும் கொன்று போட்டு வந்தால் கூட ஒரு ஈ காக்க எறும்புக்கும் கூடத் தெரியாது. இல்லை இல்லை ஈ காக்கா எறும்பு பறவை விலங்கைத் தவிர வேறு எவருக்குமே தெரியாமல் போய்விடும் இடம் அது.

அங்கிருந்து ஒரு சுரங்கப் பாதை செல்லும் அது காவிரி அணைபகுதியிலிருந்து மைசூருக்கு திப்பு சுல்தான் ஆண்ட அரண்மனைக்கே செல்லும் அதனால்தான் அதற்கு திப்பு சுல்தான் கோட்டை, திப்பு சுல்தான் கரடு என்ற பேர் விளங்கி வந்தது. ஒரு கல்லை எடுத்து அந்த கீழாக செல்லும் குகைக்குள் போட்டால் அது உருண்டு செல்லும் சத்தம் கேட்கும். அது பயமுறுத்தும், வௌவால் எச்சமும், பூச்சி பல்லிகளின் நடமாட்டமும் குடலை பிடுங்கும் நாற்றமாக அடிக்கும்.

மனித அரவமே, சஞ்சாரமே அற்ற பகுதி அதுதான் மேட்டூரின் எல்லை அந்தப்பக்கம் சென்றால் கர்நாடகத்துக்கே கூட சென்று விடலாம்...பல மலைகளின் நடுவே ஆற்றின் அணை அமைவிடையே இந்த திப்பு சுல்தான் கரடு , கோட்டை இருக்கும் குன்று ஒரு சரியான முக்கோண வடிவாகவே வெகு தொலைவிருந்து பார்த்தாலும் தெரியும். மேலும் அதன் உச்சியும் மிக அற்புதமாக இயற்கையாகவே செயற்கையாக செய்திருந்தால் கூட அப்படி வந்திருக்காத வண்ணத்தில் மிகவும் சரியாக இருக்கும்.

நண்பர்களை எல்லாம் அழைத்து சொல்லச் சொன்னான் முடிந்தால் அனைவரும் அந்த மலை அடிவாரத்துக்கு வருமாறு அழைத்தான் மேட்டூருக்கே மாபெரும் கார்த்திகை தீபத்தை அந்த அண்ணாமலையில் ஏற்றுவது போல ஏற்றிக் காட்டுகிறேன் என்றான்

சசிபெருமாள் என்ற மதுவிலக்குப் போராளி செல்பேசி கோபுரத்தில் ஏறும்போது இருந்தது போல மக்கள் வெள்ளம் கூடியிருந்தது. இவன் ஒரு பைத்தியக்காரனாயிற்றே இவன் என்ன எப்படி அப்படி செய்ய முடியும்? எந்த வசூலிலும் அவ்வளவு பணம் இவனை நம்பி எவருமே கொடுக்காத போது இவன் என்ன செய்யப் போகிறான் என நண்பர்களும் கவலை அடைந்தனர் இவன் அதற்கான ஏற்பாடு எதையுமே செய்யவில்லையே எப்படி என அடிவாரத்தில் காத்திருக்க...

சுமார்  6 மணிக்கு மேல் இருக்கும், குளிர் கால இருட்டு ,திடீரென வெளிச்சம் சுடராக இருளைக் கடத்திவிட ஒரு நெடிய நெருப்பு சுடர் விட்டு எரிந்தது ....அந்த உடல் கருகி சாம்பலாகி முடியும் வரை ஒரு சத்தமும் எவரும் கேட்டதாக இல்லை, பாஹுபலி தர்மஸ்தலாவிலும், சிரவணபெலகொலாவில் நின்ற அதே போல ஒரு எலும்புக் கூடு உடையாமல் சாயமால் நின்று இருந்தது....


கார்த்தி, பார்த்தி. பாரதி ஆகிய அவன் நண்பர்களுக்கு ஒன்றுமே புரியவில்லை, ஒன்றுமே விளங்கவில்லை...

மறுபடியும் பூக்கும் வரை
கவிஞர் தணிகை.

ஒரு சிறுகதை முயற்சி... பொறுமை இல்லா நான் என்றுமே கதை எல்லாம் எழுத முயன்றதே இல்லை. இது வேறு.

Sunday, December 3, 2017

கண் கெட்ட பின்னே சூரிய உதயம்: கவிஞர் தணிகை

கண் கெட்ட பின்னே சூரிய உதயம்: கவிஞர் தணிகை

Related image




ஆர்.கே நகர் தொகுதியில் தி.மு.க வேட்பாளரை விடுதலைச் சிறுத்தைகள், கம்யூனிஸ்ட் கட்சிகள், மற்றும் மறுமலர்ச்சி திராவிட முன்னேற்றக் கழகம் எல்லாம் ஆதரிக்கிறதாம்.

அதற்கு ஏகப்பட்ட விளக்கங்களை அளித்திருக்கிறார் வைகோ. மத்திய காவிக்கட்சியை அ.தி.மு.க ஆதரிக்கிறது அது மதவாதக் கட்சி என....
இவரால்தான்  சரியாக சொல்லப் போனால் 18 மாதங்களுக்கு முன்னால்  இவர்கள் எல்லாம் தி.மு.க அணியை பதவிக்கு வரவே கூடாது என கங்கணம் கட்டிக் கொண்டு  மூன்றாம் அணியை ஏற்படுத்தி தமிழக அரசியலை இருண்டு போகச் செய்தவர்கள்

Now see his statement about his present stand of his party MDMK:

VAIKO:
மகத்தான தியாகத்தாலும், அளப்பரிய சாதனைகளாலும் ஒரு நூற்றாண்டுக் காலமாகக் கட்டி எழுப்பப்பட்ட இலட்சியக் கோட்டையாம் திராவிட இயக்கத்தைத் தகர்ப்பதற்கும் சிதைப்பதற்கும் கங்கணம் கட்டிக் கொண்டு, இந்துத்துவ சக்திகளும், திராவிட இயக்கத்தின் பரம எதிரிகளும், நாலாத் திசைகளில் இருந்தும் பலமுனைத் தாக்குதல் நடத்தும் சூழலில், திராவிட இயக்கத்தைப் பாதுகாக்கவேண்டிய வரலாற்றுக் கடமை மறுமலர்ச்சி தி.மு.கழகத்திற்கு இருக்கின்றது. எனவே, ஆர்.கே. நகர் சட்டமன்ற இடைத்தேர்தலில், திராவிட முன்னேற்றக் கழக வேட்பாளருக்கு முழு ஆதரவை வழங்குவது என்றும், வெற்றிக்காகப் பணியாற்றுவது என்றும் மறுமலர்ச்சி திராவிட முன்னேற்றக் கழகம் தீர்மானிக்கின்றது. இவ்வாறு அந்த அறிக்கையில் குறிப்பிடப்பட்டு உள்ளது.
Related image

அரசியல்ல எது வேண்டுமானாலும் நடக்கும்...அரசியல்ல எவருமே நண்பருமல்ல எதிரியுமல்ல....எல்லாம் சகஜமப்பா...

மக்கள் மட்டும் அப்படியே இவர்கள் என்ன சொன்னாலும் அதற்கேற்ப தங்களை மாற்றிக் கொண்டு தாங்கள் மாறாமல் தலைவருக்கும் கட்சிக்கும் அப்படியே கட்டுப்பட்டு வாக்களிக்க வேண்டும். வெட்கப்பட வேண்டிய அரசியலில் இன்னும் என்ன என்ன வேடிக்கை என்றுதாம் நாமும் பார்ப்போமே...

அம்மா ஜெ இருக்கும் வரை இவர்கள் எல்லாம் தனியாக நின்றே மூன்றாம் அணி ஒன்றை உருவாக்கி வாக்கு வங்கியை பிரித்தே ஆக வேண்டும் என வெளித் தெரியாத பேரங்களுக்குள் அடிமைப் பட்டு தம்மை தொலைத்துக் கொண்டு தொலைந்து போனவர்கள் மறுபடியும் வீரம் பேச விளைந்து விட்டார்கள் வீரம் விளைந்த மண்ணில்...

மறுபடியும் பூக்கும் வரை

கவிஞர் தணிகை.




உண்மையான தத்துவத்தை நம்ப யாருமே இல்லையா? கவிஞர் தணிகை

உண்மையான தத்துவத்தை நம்ப யாருமே இல்லையா? கவிஞர் தணிகை

Image result for good ways of governess required


பட்டுக் கோட்டை அழகாக சொல்லிய பாடல்
சித்தர்களும் யோகிகளும்
சிந்தனையில் ஞானியரும்
புத்தரும் யேசுவும்
உத்தமராம் காந்தியும்

எத்தனையோ உண்மைகளை
எழுதி எழுதி வைச்சாங்க
எல்லாந்தான் படிசீங்க
என்ன பண்ணிக் கிழிச்சீங்க?

என்று

அது போல ஜெ குற்றவாளி  என்று அனைவர்க்கும் தெரியும் நீதி மன்ற தீர்ப்பு அதை உறுதி செய்த தீர்ப்புகள்  இருந்தாலும் அவருக்கு சிலையும் அவர் பேரில் கட்சியும் இயக்கமும் தேர்தலும் ஆட்சியும் மக்களும், எல்லா மதங்களிலுமே பிற மனிதர்க்கு துரோகம் செய்வது ஏற்றுக் கொள்ள முடியாது எனச் சொல்லி இருக்கிற போது எப்படி ஒரு கிறித்தவன் பிற மனிதர்க்கு துரோகம் செய்ய முடியும்? எப்படி ஒரு முஸ்லீம் இன்னொரு மனிதரை துன்புறுத்த முடியும்? எப்படி ஒரு இந்து அடுத்துள்ள மனிதருக்கு வன்முறை செய்ய முடியும்? ஒழுங்காக கல்வி கற்ற எவராவது ஒரு மனிதரை கொலை செய்ய முடியுமா, வன்புணர்ச்சி செய்ய முடியுமா? கற்பழிக்க முடியுமா? சிறுமி, சிறுவர்களை துன்புறுத்த முடியுமா?

எல்லா அறிஞர்களும், யோகிகளும், சித்தர்களும், படித்த பெரும் அறிவாளிகளும் ஞானிகளும், எல்லாமே எல்லா உயிர்களும் நன்றாக துன்பமின்றி வாழ வழியே ஆசையே அளவில்லாமல் இருக்கக் கூடாது என்பதுதான் என்றார்கள் .  ஆனால் எந்த வழியிலேனும் செல்வத்தை சேர்த்து வைத்துக் கொள்வதுதான் வாழ்க்கை, ஆட்சி, அரசு, கட்சி, என்ற கோட்பாடுகளிலேயே உழன்று வரும் வாழ்க்கையை மட்டுமே வாழத் தலைப்பட்ட தலைமுறைகளில் நாம் வாழ்ந்து வருகிறோம்.

இதைப்பற்றி  எல்லாம் எடுத்துச் சொல்வாரை அது போன்ற நெறிகளுடைய வாழ்வு முறையில் செல்லத் தலைப்படுவாரை வாழத் தெரியாதவர், செல்வம் சேர்த்த வழி தெரியாதவர் என்றெல்லாம் இழி நிலைக்கு ஆளாக்குகிற ஒரு சமுதாயம் முன்னேற எங்கிருந்து வழி கிடைக்கும்?

ஆள்கின்ற ஆட்சிகளும் மக்களை எல்லாம் எந்தவித குறுக்கு வழியிலாவது ஆட்படுத்தி, அவர்கள் வாக்குகளைப் பெற்று பதவிக்கு வந்து பதவிக்கு வந்த பின்னே அவர்களை மடைமைப் படுத்தி தங்களை நிலை நிறுத்திக் கொள்கிற முனையும் சமுதாயம் எங்கிருந்து தமது நல்ல பாதைக்கு வழி காண முடியும்?

மண்ணாசை, பொன்னாசை, பெண்ணாசை என்ற  மூன்று பெரும் ஆளுமைகள் இருக்கிற வரை , ஆசையே அழிவுக்கு காரணம் என்ற அடிப்படையை ஏற்றுக் கொள்ளாதவரை,இந்த உலகத்தின் போக்கை மாற்றவே வழியில்லை. அதன் வளர்ச்சியைத்தான் நாம் ஆட்சி முறைகளில் மக்கள் வாழ்க்கையின் வழிமுறைகளையாக கொண்டிருப்பதைக் காண்கிறோம். ஜப்பானின் மனிதக்கறி பன்றிக்கறி மாதிரி இருப்பதாக தின்று பார்த்தவர் சொன்னது இன்று செய்தியாகி இருக்கிறது.

உலகின் பல பக்கங்களிலிருந்தும் எதெல்லாம் தேவையில்லையோ அதை எல்லாம் மனிதர்கள் விரும்ப ஆரம்பித்துள்ளமை உலகின் கலாச்சாரமாக மாறிக் கொண்டிருக்கிறது. பச்சைக் குத்துதலில் இருந்து, பல தார மணம், பலமுறை மணம், எல்லாம் சர்வ சாதாரணமாக மாறிக் கொண்டிருக்கிற காலம் மிக அருகே நமதருகே வந்துவிட்டது . அறிவியல் என்ற பேரிலான விளையாட்டு வினைகள் அனுதினமும் அரங்கேறிக் கொண்டிருக்கிறது.

கிராமமே இந்தியாவின் இதயம் என்ற மகாத்மாவின் பேச்செல்லாம் காலத்தால் தூக்கி வீசப்பட்டுள்ளது. கிராமம் எல்லாம் வேண்டாம் கிராமத்து இளைஞர்களை மணம் செய்ய மாட்டோம் என ஒரு பெண்களின் அணி இன்றைய கோபிநாத்தின் நீயா நானாவில் சென்று கொண்டிருக்கிறது

உண்மை, சத்தியம், நேர்மை, நம்பிக்கை, நல்வழி , நன்னெறி இவை எல்லாம் மதிப்பின்றி அஹிம்சை என்ற  அடிப்படை தீபத்தால் புதிய நாடாய் உருவான இந்தியா இன்று ஹிம்சை வழியை தேர்ந்து சென்று கொண்டிருக்கிறதூ.

பொய், கள்ளத்தனம், ,கொலை, களவு, சூது மது போதை எல்லாமே இன்று அதிகரித்தவண்ணம் வாழ்வைப்பற்றிய சிந்தனைகள் மாறிப் போய்விட்டன.

எனவே எல்லாக் கபடு சூது யாவற்றையும் அடித்து வீழ்த்தக் கூடிய முறைமைகள் ஏற்படுத்தப்பட வேண்டும்.அதல்லாமல் இங்கே ஆள்வது, ஆட்சி, கட்சி எல்லாம் வெறும் மாயை, கண்துடைப்பு, பொய்.
நல்ல தலைமையை வேண்டிய அபிராம பட்டரைப் போல நானும் பிரார்த்திக்க ஆரம்பித்துள்ளேன்.

ஒரு காலத்தில் மன்னர் எவ்வழி மக்கள் அவ்வழி என்றார்களோ அப்படி, ஒரு நல்ல மன்னன் நல்லாட்சி நடத்தும்போது அந்த மக்களுக்கு பொற்காலம் என்றார்களோ அது போல ஆள்வோர் முறைகளும், முறைமைகளும் தூய்மைப்படுத்தப் பட வேண்டியதவசியம்.

அது எந்த மதமானாலும் மதமற்றதானாலும்....

மறுபடியும் பூக்கும் வரை
கவிஞர் தணிகை.