ஸ்பாட்டிவை டாட் காமில் தணிகையில் குரலில் மாக்ஸிம் கார்க்கியின் தாய்: கவிஞர் தணிகை
600 பக்கமுள்ள மாக்ஸிம் கார்க்கியின் தாய் நாவலில் 400 பக்கங்களுக்கும் மேல் படிக்கப் பட்டு ஸ்பாட்டிவை டாட் காமில் சேர்க்கப்பட்டுள்ளது.
கேட்டுப் பாருங்கள்.
உலக இலக்கிய வரிசையில் மிக முக்கிய இடத்தில் இருக்கிற இந்த நாவலை இப்படிச் செய்ய வேண்டுமென ஒரு இளைஞரின் வேண்டுகோள் எனைச் செய்ய வைத்துள்ளது.
படிப்பதுதான் குறைந்து விட்டது கேட்டாவது பாருங்களேன்., பொன்னியின் செல்வன், வேள்பாரி இப்படிப்பட்ட வீரம் செறிந்த நாவல்களை ஒலி வடிவத்தில் கேட்டு வருகிற சமுதாயத்தில் இந்த மாக்சிம் கார்க்கியின் தாய் சற்று வித்தியாசமானது.
மேலை நாட்டு இலக்கியங்கள், மொழி பெயர்ப்புகள், உள் நாட்டு வேறு மொழி இலக்கியங்களின் மொழி பெயர்ப்புகள் போன்றவற்றை வெகுவும் அதிகமாக படித்து நுகர்ந்து அனுபவித்த காரணத்தினால் இதை இப்போது செய்து வருகிறோம்.
ஒரு இளைஞர் தமது வேண்டுகோளாக கவிஞர் தணிகையின் புத்தகங்களையுமே இப்படி செய்யக் கூடாதா ? என விரும்பிக் கேட்டிருக்கிறார். அதன் முயற்சி இனி தொடரலாம். டால்ஸ்டாயின் புத்துயிர்ப்பு, மகாத்மாவின் சத்தியசோதனை, இப்படி செல்லலாம் என நினைத்த எமக்கு இதுவும் கூட ஒரு நல்ல யோசனையாக இருக்கவே அதையும் போதிய அளவு அல்லது தேவையான அளவு செய்து விட்டு அதன் பின் உலக இலக்கிய நூல்களுக்குள் செல்லலாம் என்ற அவா.
இறந்த பின்னும் சாதனை செய்யும் குரல்கள் ஜீவிதம் செய்கின்றன.அப்படி கூட இந்த முயற்சியும் இருக்கட்டுமே..
இந்த குரல் பதிவுகளை தினமும் ஸ்பாட்டிவை டாட் காமில் ஏற்றிய இணைப்பை வாட்ஸ் அப் இணையத்தின் வழியே தொடர்பில் உள்ள சில குழுக்களுக்கும் தெரியப்படுத்தி வருகிறோம். ஆர்வம் உள்ளார் இணைந்து கொள்ளலாம். இணைப்பு உங்களுக்கும் அனுப்பி வைக்கப் படும் . கேட்டுப் பாருங்கள் நன்றாக தமிழ் இருக்கும். நன்றி. வணக்கம்.
மறுபடியும் பூக்கும் வரை
கவிஞர் தணிகை
No comments:
Post a Comment