பாரீஸ் ஒலிம்பிக்ஸ் 2024: கவிஞர் தணிகை

 பாரீஸ் ஒலிம்பிக்ஸ் 2024: கவிஞர் தணிகை

சில வரிகளில் எனைப் பகிர்ந்து கொள்ள அவா. உலக அளவிலான ஒலிம்பிக்ஸ் ஒரு விளையாட்டுத் திருவிழா உலகத்துக்கே. காண கண் கோடி வேண்டும். பார்த்து பார்த்து கண்ணைக் கெடுத்துக் கொள்வோம் போல இருக்கிறதுJuly  26ல் ஆரம்பித்தது11 ஆகஸ்ட் நிறைவு. (15 நாள்)

1. இந்த விளையாட்டுத் திருவிழாவில் இன மற்றும் நிற பேதம் நிலவுகிறது என்பதை பார்க்கும் போதே தெரிந்து கொள்ள முடிகிறது.பரவலாக இது பற்றி செய்திகள் உள்ளன

1. 100 மீ.ஓட்டத்தில் தேர்வின் போதே கிரேட் பிரிட்டனைச் சார்ந்த கறுப்பு இன வீரரை நீக்கியது.

2. இந்திய வளைக்கோல் பந்தாட்டத்தில் (ஹாக்கி) இந்திய வீரரை நீக்கியது

3. பொதுவாகவே பார்வையாளர்களும், ஊடகங்களும் வெள்ளை இன விளையாட்டு வீரர்கள் பால் காண்பிக்கும் பிரியத்தை கறுப்பு இன வீரர்கள் பால் காண்பிக்காதது.

4. இஸ்ரேல் நாட்டை அப்படியே ஏற்றுக் கொண்டது

5. ரஷியா பெயருடன் விளையாட அனுமதிக்காமல் அதன் விளையாட்டு வீரர்களை அகதிகள் என்றும் பதக்கம் பெற்றால் தனி மனிதருக்கு, நாட்டுக்கு அல்ல என்ற விதியுடன் விளையாடச் சொல்லி உள்ளது.

6.கறுப்பு இன விளையாட்டு வீராங்கனை ஒருவரை முன்னேற்பாட்டு (வார்ம் அப்) உடல் ஏற்பாடு செய்து கொள்ள வந்தவரை இது புது விதி இங்கெல்லாம் வரக்கூடாது எனத் திருப்பி அனுப்பியது

7. முடிந்த வரை கறுப்பு இன வீரர்கள் வெற்றி பெறாமல் வைக்க சில்லறை வேலைகளை செய்து பார்ப்பது என நான் பார்த்து வந்ததை வைத்து என்னால் இந்தளவு சொல்ல முடிகிறது. பிரான்ஸ் பாரீஸ் ஒலிம்பிக்ஸ் நடத்தும் நாட்டுக்கும், அகில உலக ஒலிம்பிக்ஸ் கமிட்டிக்கும் இதை நாடுகளின் தலைமைகள் பிரதிநிதித்துவம் செய்து தெரியப்படுத்தினால் நல்லது.

இதை மட்டுமே சொல்லும் நோக்கத்துடன் பார்த்தால் இன்னும் அவர்கள் சிறுமைத்தனம் வெளிப்படலாம்.

ஆனால் தலையாய விளையாட்டுகள்,இந்தியா காலிறுதி வரை ஈடு கொடுக்க முடிகிறது அதன் பின் நமது வீரரகளால் சாதிக்க முடியவில்லை என்பதைக் காண முடிகிறது. 117 பேர் போய் இருக்கிறார்கள் என நினைக்கிறேன். 

ஒலிம்பிக்ஸ் வரும்போது மட்டும் இதை நாம் பேசிப் பயனில்லை.

ஹாக்கி விளையாட்டில் க்ரேட் பிரிட்டன் அணிக்கு எதிராக கால் இறுதியில்  10 பேர் மட்டுமே விளையாடி அரை இறுதிப் போட்டிக்கும் நுழைந்த நமது இந்திய அணியை பாரட்டத்தான் வேண்டும் அதிலும் கோல் விழாமல் தடுத்து அணையாக நின்று தடுத்த கோல்கீப்பர் பி.ஆர். ஸ்ரீஜேசுவுக்கு வாழ்த்துகள் சொல்லியே ஆக வேண்டும்.

மறுபடியும் பூக்கும் வரை

கவிஞர் தணிகை

பி.கு: ஈரானும் இஸ்ரேலும் போருக்கு ஆயத்தம் சில நாளில் போர் மூளும் அபாயமும் இருப்பதாக செய்திகள்

வளிமண்டல நதிகள்/பறக்கும் ஆறுகள்/ கேரள வயநாட்டுத் துயருக்கு காரணம் என்று அறிவியல் கூறுகிறது.

வளி மண்டல பறக்கும் நதிகள்:படித்ததில் வியந்தது: கவிஞர் தணிகை

 நன்றி: பிபிசி தமிழ் 03.08.2024

ஒரு சராசரி 'வளிமண்டல நதி’ சுமார் 2,000கி.மீ (1,242 மைல்கள்) நீளமும், 500கி.மீ அகலமும், கிட்டத்தட்ட 3கி.மீ ஆழமும் கொண்டது. இருப்பினும் இவை சமீக காலத்தில் மேலும் அகலமாகவும் நீளமாகவும் உருவாகின்றன. சில நதிகள் 5,000கி.மீ நீளம் வரை உருவாகின்றன. அதே சமயம், அவை மனித கண்களால் பார்க்க முடியாத பண்புகளை கொண்டுள்ளது.

இந்தியத் தொழில்நுட்பக் கழகம் (ஐ.ஐ.டி) மற்றும் கலிபோர்னியா பல்கலைக்கழகத்தைச் சேர்ந்த விஞ்ஞானிகள் குழு

1985 மற்றும் 2020 ஆண்டுகளுக்கு இடையிலான பருவமழைக் காலங்களை ஆராய்ந்தது. அந்த காலகட்டத்தில் இந்தியாவில் 10 மிகக் கடுமையான வெள்ளப் பேரிடர்கள் ஏற்பட்டன. அவற்றில் ஏழு நிகழ்வுகள் வளிமண்டல நதிகளால் ஏற்பட்டன என்பதை இந்த ஆய்வுக்குழு கண்டறிந்துள்ளது.

• நவீன் சிங் கட்கா
• பதவி,சுற்றுச்சூழல் நிருபர்
• 3 ஆகஸ்ட் 2024

இந்தியாவில் கடந்த சில வாரங்களில் மட்டும் பல்வேறு பகுதிகளில் கனமழை, வெள்ளம் உள்ளிட்ட பாதிப்புகளால் ஏராளமான மக்கள் உயிரிழந்துள்ளனர், ஆயிரக்கணக்கானோர் இடம்பெயர்ந்துள்ளனர்.

தெற்காசியாவில், குறிப்பாக இந்தியாவில் வெள்ளப் பேரிடர்கள் ஏற்படுவது புதிதல்ல. வருடத்தின் அதிக மழைப்பொழிவை பெறும் இந்த காலகட்டத்தில் வெள்ளம் ஏற்படுவது வழக்கமாக நடப்பது தான்.

ஆனால் காலநிலை மாற்றம், பருவமழையை மிகவும் ஒழுங்கற்றதாக ஆக்கியுள்ளது, குறுகிய காலத்தில் பெருமளவு மழைப்பொழிவு ஏற்பட்டு பாதிப்புகளை ஏற்படுத்துகிறது. அதனைத் தொடர்ந்து நீண்ட கால வறட்சி பதிவாகிறது.

தற்போது விஞ்ஞானிகள் 'வளிமண்டல நதி’ எனப்படும் ஒருவகையான புயல், இந்த நிலைமையை தீவிரமாக்குகிறது என்று கூறுகின்றனர். இது புவி வெப்பமடைதலால் ஏற்படுகிறது. இதனால் சுற்றுச்சூழலில் ஈரப்பதம் அதிகரித்து நிலைமை மோசமாகிறது என்று விஞ்ஞானிகள் குறிப்பிட்டுள்ளனர்.'பறக்கும் நதிகள்' என்று அழைக்கப்படும் வளிமண்டல நதிகள் என்பவை, பட்டை வடிவிலான கண்ணுக்குத் தெரியாத மிகப்பெரிய நீராவி ரிப்பன்களாகும் (ribbons of water vapour). கடலின் வெப்பம் அதிகரித்து, கடல் நீர் ஆவியாகும்போது நீராவியின் மிகப்பெரிய, கண்ணுக்குத் தெரியாத இந்த ரிப்பன்கள் உருவாகின்றன. அவை ஒவ்வொன்றும் பல நூற்றுக்கணக்கான கிலோமீட்டர் அகலம் கொண்டவை.

இந்த நீராவி ரிப்பன்கள், வளிமண்டலத்தின் கீழ்ப்பகுதியில் ஒரு பட்டை (band) அல்லது ஒரு நெடுவரிசையை உருவாக்குகிறது, இது மேலே உயர்ந்து, குளிர்ச்சியான அட்சரேகைகளுக்கு நகரும்போது, 'பறக்கும் நதிகள்’ உருவாகின்றன. அதன் பின்னர் மழை அல்லது பனியாகப் பெய்து, வெள்ளம் மற்றும் ஆபத்தான பனிச்சரிவுகளை ஏற்படுத்தும் அளவுக்குப் பேரழிவுக்கு வழிவகுக்கிறது.

இந்த 'வானத்தில் உள்ள நதிகள்' பூமியின் நடு அட்சரேகைகள் முழுவதும் நகரும் மொத்த நீராவியில் 90%-ஐ எடுத்துச் செல்கின்றன. அதாவது, சராசரியாக அமேசான் நதியின் வழக்கமான ஓட்டத்தை விட இரண்டு மடங்கு அதிகமாக நீரை வெளியேற்றுகின்றன.

பல நூறு கோடி மக்கள் வெள்ளத்தில் தத்தளிக்கும் அபாயம்

பூமி வேகமாக வெப்பமடைவதால், இந்த வளிமண்டல நதிகள் நீளமாகவும், அகலமாகவும், மேலும் தீவிரமாகவும் மாறி, உலகளவில் பல நூறு கோடி மக்களை வெள்ளத்தில் தத்தளிக்கும் ஆபத்தில் ஆழ்த்தியுள்ளது.

இந்தியாவில், இந்தியப் பெருங்கடலின் வெப்பமயமாதல் 'பறக்கும் நதிகளை' உருவாக்கியுள்ளது, இது ஜூன் மற்றும் செப்டம்பர் மாதங்களுக்கு இடையில் வரும் பருவமழையை பாதிக்கிறது என்று வானிலை ஆய்வாளர்கள் கூறுகின்றனர்.

2023-ஆம் ஆண்டில் 'நேச்சர்' என்ற பிரசித்திபெற்ற அறிவியல் சஞ்சிகையில் வெளியிடப்பட்ட ஓர் ஆய்வு, இந்தியாவில் 1951 மற்றும் 2020-க்கு இடையில் பருவமழை காலத்தில் மொத்தம் 574 'வளிமண்டல நதிகள்' உருவானதாகக் காட்டுகிறது. காலப்போக்கில் இதுபோன்ற தீவிர வானிலை நிகழ்வுகளின் எண்ணிக்கை அதிகரித்து வருகிறது.

"கடந்த இருபது ஆண்டுகளில், கிட்டத்தட்ட 80% வளிமண்டல நதிகள் இந்தியாவில் வெள்ளத்தை ஏற்படுத்தியது," என்று அந்த ஆய்வில் கூறப்பட்டுள்ளது.

ஆய்வில் ஈடுபட்டுள்ள இந்தியத் தொழில்நுட்பக் கழகம் (ஐ.ஐ.டி) மற்றும் கலிபோர்னியா பல்கலைக்கழகத்தைச் சேர்ந்த விஞ்ஞானிகள் குழு, 1985 மற்றும் 2020 ஆண்டுகளுக்கு இடையிலான பருவமழைக் காலங்களை ஆராய்ந்தது. அந்த காலகட்டத்தில் இந்தியாவில் 10 மிகக் கடுமையான வெள்ளப் பேரிடர்கள் ஏற்பட்டன. அவற்றில் ஏழு நிகழ்வுகள் வளிமண்டல நதிகளால் ஏற்பட்டன என்பதை இந்த ஆய்வுக்குழு கண்டறிந்துள்ளது.

சமீபத்திய ஆண்டுகளில் இந்தியப் பெருங்கடலில் இருந்து நீர் ஆவியாதல் செயல்முறை கணிசமான அளவு அதிகரித்துள்ளதாகவும், வானிலை வெப்பமடைவதால் வளிமண்டல நதிகள் மற்றும் அவற்றால் ஏற்படும் வெள்ளங்களின் எண்ணிக்கை அதிகரித்துள்ளதாகவும் ஆய்வில் தெரிவிக்கப்பட்டுள்ளது.

"பருவமழைக் காலத்தில் இந்தியத் துணைக்கண்டத்தை நோக்கி கொண்டு வரப்படும் ஈரப்பதத்தில் மாறுபாடுகள் அதாவது ஏற்ற இறக்கங்கள் அதிகரித்து வருகின்றன," என்று இந்திய வெப்பமண்டல வானிலை ஆய்வு மையத்தின் வளிமண்டல விஞ்ஞானி டாக்டர் ராக்ஸி மேத்யூ கோல் பிபிசி-யிடம் தெரிவித்தார்.

"இதன் விளைவாக, சூடான கடல்களில் இருந்து ஈரப்பதம் அனைத்தும் வளிமண்டல நதிகளால் சில மணிநேரங்கள் முதல் சில நாட்களில் வரையிலான கால அளவில் வெளியேற்றப்படும். இது நாடு முழுவதும் நிலச்சரிவுகள் மற்றும் திடீர் வெள்ளத்திற்கு வழிவகுத்தது,” என்கிறார்.

மேலும் அகலமாகவும் நீளமாகவும் உருவாகும் வளிமண்டல நதிகள்

ஒரு சராசரி 'வளிமண்டல நதி’ சுமார் 2,000கி.மீ (1,242 மைல்கள்) நீளமும், 500கி.மீ அகலமும், கிட்டத்தட்ட 3கி.மீ ஆழமும் கொண்டது. இருப்பினும் இவை சமீக காலத்தில் மேலும் அகலமாகவும் நீளமாகவும் உருவாகின்றன. சில நதிகள் 5,000கி.மீ நீளம் வரை உருவாகின்றன. அதே சமயம், அவை மனித கண்களால் பார்க்க முடியாத பண்புகளை கொண்டுள்ளது.

"அவை இன்ஃப்ரா ரெட் மற்றும் மைக்ரோவேவ் அதிர்வெண் பண்புகளைக் கொண்டுள்ளன," என்று நாசாவின் ஜெட் ப்ராபல்ஷன் ஆய்வகத்தின் வளிமண்டல ஆராய்ச்சியாளர் பிரையன் கான் கூறுகிறார்.

"அதனால்தான் உலகெங்கிலும் உள்ள நீராவி மற்றும் வளிமண்டல நதிகளைக் கண்காணிக்க செயற்கைக்கோள் மிகவும் பயனுள்ளதாக இருக்கும்," என்று கான் விவரித்தார்.

மேற்கத்திய இடையூறு (western disturbances), பருவமழை மற்றும் சூறாவளி போன்ற பிற வானிலை சூழல்களும் வெள்ளத்தை ஏற்படுத்தும்.

ஆனால் 1960-களில் இருந்து வளிமண்டல நீராவி 20% வரை அதிகரித்துள்ளதாக உலகளாவிய ஆய்வுகள் காட்டுகின்றன.

வளிமண்டல நதிகள் தெற்காசியாவில் 56% தீவிர மழைப்பொழிவுக்குக் (மழை மற்றும் பனிப்பொழிவு) காரணம் விஞ்ஞானிகள் தொடர்புபடுத்தியுள்ளனர், இருப்பினும் இப்பகுதியில் மேலும் ஆய்வுகள் தேவைப்படுகிறது.

அண்டை நாடான தென்கிழக்கு ஆசியாவில், வளிமண்டல நதிகள் மற்றும் பருவமழை தொடர்பான கனமழை ஆகியவற்றுக்கு இடையேயான தொடர்பு பற்றிய விரிவான ஆய்வுகள் மேற்கொள்ளப்பட்டுள்ளது.

அமெரிக்கப் புவி இயற்பியல் கூட்டமைப்பால் வெளியிடப்பட்ட 2021-ஆம் ஆண்டின் ஆய்வு ஒன்றில், பருவமழையின் ஆரம்ப காலத்தில் (மார்ச் மற்றும் ஏப்ரல்) கிழக்கு சீனா, கொரியா மற்றும் மேற்கு ஜப்பானில் 80% வரை அதிக மழைப்பொழிவு நிகழ்வுகள் வளிமண்டல நதிகளுடன் தொடர்புடையவை என்று கண்டறியப்பட்டது.

"கிழக்கு ஆசியாவில் 1940 முதல் வளிமண்டல நதிகளின் எண்ணிக்கை கணிசமாக அதிகரித்துள்ளது," என்று ஒரு தனி ஆய்வுக்குத் தலைமை தாங்கிய ஜெர்மனியில் உள்ள போட்ஸ்டாம் பல்கலைக்கழகத்தின் ஆராய்ச்சியாளர் சாரா எம் வல்லேஜோ-பெர்னல் கூறுகிறார்.

"அப்போதிலிருந்து அவை மடகாஸ்கர், ஆஸ்திரேலியா மற்றும் ஜப்பான் மீது மிகவும் தீவிரமாக உருவானதை நாங்கள் கண்டறிந்தோம்." என்று விவரித்தார்.பிற நாடுகளில் உள்ள வானிலை ஆய்வாளர்கள் சமீபத்திய சில பெரிய வெள்ளங்களை வளிமண்டல நதிகளுடன் தொடர்புப் படுத்தி ஆய்வு செய்து வருகின்றனர்.

2023-ஆம் ஆண்டு ஏப்ரல் மாதத்தில், இராக், இரான், குவைத் மற்றும் ஜோர்டான் அனைத்தும் கடுமையான இடி, ஆலங்கட்டி மழை மற்றும் விதிவிலக்கான மழைக்குப் பிறகு பேரழிவு வெள்ளத்தால் பாதிக்கப்பட்டன.

2005-ஆம் ஆண்டில் இதேபோன்ற நிகழ்வை விஞ்சும் வகையில், இப்பகுதி முழுவதும் உள்ள வானில் அதிக அளவு ஈரப்பதம் இருப்பதை வானிலை ஆய்வாளர்கள் பின்னர் கண்டறிந்தனர்.

இரண்டு மாதங்களுக்குப் பிறகு, சிலி நாட்டில் மூன்று நாட்களில் 500மி.மீ மழை பொழிந்தது. பெரும் மழைப்பொழிவு பதிவானது. அது ஆண்டிஸ் மலையின் சில பகுதிகளில் பனியை உருக்கி, சாலைகள், பாலங்கள் உள்ளிட்ட வளங்களை அழித்த பெரிய வெள்ளத்தை உருவாக்கியது.

பேரழிவுகரமான வெள்ளம் மற்றும் நிலச்சரிவுகளின் அபாயங்களைக் கருத்தில் கொண்டு, சூறாவளிகளைப் போலவே வளிமண்டல நதிகள் அவற்றின் அளவு மற்றும் வலிமையின் அடிப்படையில் ஐந்து வகைகளாக வகைப்படுத்தப்பட்டுள்ளன.

ஆனால் சூறாவளிகளைப் போல அனைத்து வளிமண்டல நதிகளும் தீங்கு விளைவிப்பதில்லை, குறிப்பாக அவை குறைந்த தீவிரத்தில் உருவாகும் போது. நீண்டகால வறட்சியால் பாதிக்கப்பட்ட இடங்களில் மழைப் பொழிவை ஏற்படுத்தினால் நன்மை பயக்கக்கூடும்.

வளிமண்டல நதிகள் உருவாவது வேகமாக வெப்பமடைந்து வரும் வளிமண்டலத்தின் முக்கியமான சமிக்ஞை ஆகும்.

பிற இயற்கைச் சீற்றங்களை ஒப்பிடும் போது 'வளிமண்டல நதிகள்' குறித்து தெற்காசியாவில் ஒப்பீட்டளவில் குறைவாகவே ஆய்வு செய்யப்பட்டுள்ளது.

"வானிலை ஆய்வாளர்கள், நீர்வியலாளர்கள், மற்றும் காலநிலை விஞ்ஞானிகளிடையே பயனுள்ள கூட்டு முயற்சிகள் மேற்கொள்ளப்படுவது தற்போது சவாலாக உள்ளது. ஏனெனில் இந்த வளிமண்டல நதிகள் இந்த பகுதிக்குப் புதியவை. மக்கள் மத்தியில் இது பற்றி அறிமுகப்படுத்துவது கடினம்," என்று ஐ.ஐ.டி இந்தூரில் உள்ள ஆராய்ச்சி அறிஞர் ரோசா வி லிங்வா கூறினார்.

ஆனால் இந்தியாவின் சில பகுதிகளில் கனமழை தொடர்ந்து பெய்து வருவதால், இந்தப் புயல் மற்றும் அதன் சாத்தியமான பேரழிவு தாக்கத்தை ஆய்வு செய்வது மிகவும் முக்கியமானது என்று அவர் மேலும் கூறுகிறார்.

மறுபடியும் பூக்கும் வரை

கவிஞர் தணிகை

நீ கடவுள்(காவிரி வெள்ளத்திடை நாய்க்கு உணவளித்த நீதான்: கவிஞர் தணிகை

 நீ கடவுள்(காவிரி வெள்ளத்திடை நாய்க்கு உணவளித்த நீதான்: கவிஞர் தணிகை

நமது சகோதரர்களுக்கு, தோழர்களுக்கு, நண்பர்களுக்கு எல்லாம் இது பற்றி நான் எழுதக் கடன்பட்டுள்ளேன். அந்த வெள்ள நீரிடையே தனித்த இடத்தில் இருந்த அந்தக் கறுப்பு நாயை பார்த்த நேரத்தில் இருந்து அதைப் பற்றி மறக்கவே இல்லை. மறக்கவே முடியவில்லை. அதைப் பற்றி எழுத முனையும் போதெல்லாம் ஏதோ ஒரு காரணம் பற்றி அதைச் செய்யாமலே இருந்தேன். 

இப்போதெல்லாம் பேசுவதையும் எழுதுவதையும் ஒத்திப் போடுவது அல்லது செய்யாமல் விடுவது என்ற போக்கில் எனது வாழ்வு சென்றபடி இருக்க சில நாட்களில் கண்நோய் வந்ததற்கும் கூட மருத்துவம் பார்க்காமலேயே அதை விரட்ட முனைந்து வருகிறேன். உடல் வளர்த்தோம் உயிர் வளர்த்தோம் என்பார் திருமூலர். உடலை நலமாக வைத்துக் கொள்ள முயலுங்கள். கடந்த மாதத்தில் புனிதப் பணி என்ற நோக்கத்தில் எனது சக்திக்கும் மீறி வாழ்வின் நடையை சற்று மாற்றிப் போட்டுதான் பார்க்கலாமே என வம்பை விலைக்கு வாங்கி இருந்தேன். 3 மாதங்கள் பணி செய்து சாவின் விளிம்பைத் தொட்ட பின் அதில் இருந்து பின் வாங்கி உடலை சீராக வழக்கம் போல வைத்துக் கொண்டு இந்த மாதம் முதல் மறுபடியும் நடைப்பயிற்சி ஏற்ற உணவு தியானப் பயிற்சி என சீர் படுத்த முனைந்து வருகிறேன்.

செயலே புகழ் பரப்பும் வாயோ வார்த்தையோ அல்ல.

இரண்டு மூன்று நாட்களில் எந்த புண்ணியவான் பெற்ற பிள்ளைகளோ சிலர் ட்ரோன் மூலம் அந்த நாய்க்கு உணவளித்து தங்களது கருணை உள்ளத்தின் எண்ணத்தை செயலாக்கி இருந்தனர்.அந்த வீடியோவும் சமூக ஊடகத்தில் வலம் வந்தது.Long Live Dear Friends those who did that action.

கடவுள், காதல், இயற்கை இது போன்ற கருத்துருவாக்கத்திற்கு எல்லாம் அவரவர் ஒவ்வொரு விளக்கம் சொல்கின்றனர் அல்லது நம்புகின்றனர். நம்புவதுமில்லை. அதற்கு எல்லாம் தெளிவான பிசிறில்லாத வரையறையுடனான பதில் கிடையாது.

ஒருவர் பாலில் உள்ள வெண்ணெய், தயிர், மோர் என்பர் பலர் இதைப் பற்றி எல்லாம் தமக்குத் தாம் அதிகம் தெரியும் என்பது போல பேசி, எழுதி, ஏமாற்ற முனைவர்.

உயிர் காக்கும் மருத்துவரை அவரால் காப்பாற்றப் பட்ட நோயாளி நீங்கள் தாம் கடவுள் என்பர்

அப்படி கடவுளின் தன்மைகள் இடத்துக்கேற்ப நடக்கும் சம்பவத்திற்கேற்ப உருப்பெற்றபடி இருக்கும். உருவமாகவும் உருவமற்றதாகவும். வடிவமாகவும் வடிவமற்றதாகவும்.

சிறுமி வன்புணர்ச்சிகளில் கேரள இயற்கை பேரிடர், சுனாமி, நில நடுக்கம், எரிமலைச் சீற்றம் இன்ன பிற கோள்களின் பெருக்கம், விண்மீன்களில் சிதைவு இதில் எல்லாம் எங்கே கடவுளின் பங்கைக் காணோமே என்றெல்லாம் சிந்தித்தபடி இருக்கலாம்.

பிறர் கண்ணீர் துடைக்க உனது கரங்கள் நீளுமானால் நீதான், நீங்கள்தாம் கடவுள். கடவுளின் பிரதிகள்தாம்.கடவுளின் பிரதிநிதிகள்தாம்.

மறுபடியும் பூக்கும் வரை

கவிஞர் தணிகை.

பி.கு: ஒலிம்பிக்ஸில் இது வரை நீச்சல் போட்டிகளில் உலக சாம்பியன்சிப் என‌ 21 பதக்கங்கள் 8 தங்கம் உட்பட 13 ஒலிம்பிக் பதக்கங்கள் பெற்ற கேட்டி ஜெனிவீவ் லெட்ச்சிக்கி என்ற அமெரிக்கப் பெண்ணை விட அவரது உடலை அவர் பயன்படுத்தியதை விட நீங்கள் செய்த செயல் எனை அதிகம் இரசிக்க வைத்துள்ளது தோழர்களே.

மேட்டூர் அணையும் தொழில் நுட்பமும்: கவிஞர் தணிகை

 மேட்டூர் அணையும் தொழில் நுட்பமும்: கவிஞர் தணிகை

மேட்டூர்க்காரர்கள் மற்றும் சரித்திர புள்ளி விவரங்கள் மேல் பற்றுள்ளார்க்கு இந்த அணையின் சிறப்பு பற்றி சொல்லத் தேவையில்லை. என்றாலும் தற்போதைய ஒரு செயல் இதைப் பற்றி எனைச் சொல்லத் தூண்டியிருக்கிறது. கட்ட ஆரம்பித்து 100 ஆண்டை நெருங்கியும் இதன் பலம் சொல்ல முடியாதது. மேலும் இந்த அணைக்கட்டும் காவிரியுமே தமிழகத்துக்கு நீர் வார்க்கும் தாய்.

16 கண்மாய் வளைவு வானவில்லை நிலத்தில் இறக்கி போட்டது போலவும், முக்கியத்துவம் குறிக்க ப்ராக்கெட் குறியிடும்போது இரண்டாவதாக போட்டு முடிக்கும் குறி போலவும் இருக்கும் இந்தக் எல்லீஸ் டங்கன் மதகுகள் மற்றும் பாலம் ஒரு அற்புத கட்டமைவு.இரு மலைகளுக்கு இடையே அணை கட்ட இடத் தேர்வு யாவுமே அற்புதம்

உபரி நீர் வந்து தானே வழிவது போலவும் அணைக்கு எந்த சேதமும் அதிக வெள்ளத்தால் பாதிப்படையாது காக்கவும் மற்றும் அணையின் நீளம், உயரம், அடிமட்டம் நீர் சேகரிப்பு புள்ளி விவர நில அளவுகள் பற்றி எல்லாம் எளிதாக உங்களுக்குத் தெரிய வர இன்றைய அறிவியல் துணை செய்கிறது. எனவே அவை பற்றியும் நாம் கூறியது கூறி உங்கள் நேரத்தை வீணடிக்க விரும்புவதில்லை.

அடுத்து கீழ் பாலம் எனப்படும் கீழ் மேட்டூரில் அமைந்துள்ள  அந்தப் பாலம் வாகனம் செல்லும்போது தொய்வடைந்து ஊஞ்சல் போல அசையும் ஆனால் உடைய வாய்ப்பில்லை எனவே அதைக் காக்கும் பொருட்டு நமது அரசுகள் அதற்கு மாற்று பாலங்கள் போக்குவரத்துக்கு என செய்து விட்டதைப் பற்றியும் நாம் சொல்லியாக வேண்டும்.

 நமது இந்தியாவுக்கு வந்த இங்கிலாந்தின் சர். ஆர்தர் காட்டன் நமது நாட்டின் நீர்ப்பாசனத் தந்தை என அழைக்கப் பெறுவது மாபெரும் சரித்திரம் அதைப்பற்றி எல்லாம் இந்த சிறிய பதிவில் குறுக்கி சொல்ல எனக்கு எண்ணமில்லை இவை பற்றி எனது ஒரு கட்டுரையில் நதி நீர் இணைப்பு பற்றி எழுதியதில் தொண்ணூறுகளிலேயே குறிப்பிட்டு விட்டதாக நினைவு.

அவரால்தாம் முதன் முதலில் அணைக் கட்ட திட்டமிடப்பட்டு பார்வையும் இடப்பட்டது, அதன் பிறகு கவர்னர்கள் ஸ்டேன்லி, கட்டுமான வேலையை நிர்வாகம் வந்த ஸ்டேன்லி,எல்லீஸ் டங்கன், சர்.விஸ்வேஸ்வரய்யா, சர்.சி.பி. இராமசாமி இப்படி நிறைய பேர் குறிப்பிடத் தக்கவராகிறார்கள்.

சரி இப்போது ஏன் எழுதுகிறேன் எனில்: யாம் சிறுவனாக இருந்த போதிருந்து இந்த தாய்மடியை அடிக்கடி தரிசிக்க அந்தப் பக்கம் நடை போடுவது எனது பிடித்த வழக்கங்களில் ஒன்று. அப்படி செல்கையில் பல ஆண்டுகளில் அணை நிரம்பி வழிந்ததும் உண்டு. அப்போதெல்லாம் மதகை அதாவது 16 கண் கதவுகளை நீர் தொட்டுவிட்டாலே மகிழ்வு ததும்பும் அந்த நீர் கதவுகளின் இரு பக்கங்களிலும் இருப்பு கொள்ளாமல்  பீச்சி அடிக்கும் தரைப்பகுதி கண்ணாடியை நினைவு படுத்தும்படி நீர் விரைந்து செல்லும் கண் கொள்ளாக் காட்சிகள் அதில் விளையாட நிறைய பேர், மீன்களும் கூட தப்பி போகும்.இவை அணை முழு கொள்ளளவை எட்டும் முன்பே நடப்பவை.அப்போதெல்லாம் அந்தப் பாலத்தில் அனைவரையும் சென்று வர அனுமதித்தும் வந்தனர்.

இப்போதும் எல்லாவற்றுக்கும் தடை ஏற்படுத்துமளவு மனிதர்களின் குணம் மலிந்து விட...

நேற்று நாங்கள் பார்க்கும் போது கதவு நிறைய இன்னும் 2 அடி மட்டுமே பாக்கி, அதாவது 118 அடி அந்தப் பக்கம் பாசனத்துக்கு இருபதாயிரம் கன அடிக்கும் மேல் வெளி அனுப்பியும்...

ஆனால் துளி நீர் கூட கதவின் இருப்பக்கங்களிலும் இருந்து கசிவில்லாமல், கீழ் பக்க காரையிலும் நீர் வெளிவராமலும் மிகத் துல்லியமாக அரசுப் பணி நடைபெற்றிருப்பதைக் கண்டு ஆச்சரியப்படாமல் இருக்க முடியாது.

மதகை, இயற்கையாக கொள்ளும் நீருக்கும் மேல் இயல்பாக 120அடிக்கும் மேல் நீர் வந்தால் மட்டுமே வழியுமளவு வெளியேறுமளவும் கீழ் இறங்கி பெரு வாகனங்கள் கருவிகள் கொண்டு பணி செய்ததை ஒவ்வொரு கதவருகிலும் போகும் போதும் அவ்வழி வரும்போதும் கவனித்ததுண்டு. அதன் பலன் இதுதான் போலும்.

மனித தொழில் நுட்பம் வளர்ந்தபடியே இருக்கிறது.

உண்மையிலேயே பாராட்டத்தான் வேண்டும்.

குறையே சொல்லிச் சொல்லி பழக்கப் படும் எண்ணங்களுக்கிடையே இது போன்ற நிறையும் கவனிக்கப் பட வேண்டியது.

மறுபடியும் பூக்கும் வரை

கவிஞர் தணிகை. 

மல நுண்ணுயிர் மாற்று சிகிச்சை

 மல நுண்ணுயிர் மாற்று சிகிச்சை :நன்றி: பிபிசி

மருத்துவ சோதனையின் ஒரு பகுதியாக ரிக், வாராந்திர மல மாற்று சிகிச்சைக்கு உட்பட்டார்

"மல மாற்று சிகிச்சையின் முழு யோசனையும் நிச்சயமாக வித்தியாசமானது" என்று ரிக் டாலோவே கூறுகிறார். தானம் செய்யப்பட்ட மலம் தொடர்பான மருத்துவ சோதனையில் சேர முதலில் அழைக்கப்பட்ட தருணத்தை நினைவு கூர்ந்த அவர் இவ்வாறு தெரிவித்தார்.

50 வயதான ரிக், ப்ரைமரி ஸ்க்லரோசிங் கோலாஞ்சிடிஸ் எனப்படும் அரிய நாள்பட்ட கல்லீரல் நோயின் அறிகுறிகளை நிர்வகிக்க, பிரிட்டனின் பர்மிங்காம் பல்கலைக்கழகத்தில் வாராந்திர மல மாற்று சிகிச்சையின் இரண்டு மாதத் திட்டத்தை முடித்துள்ளார்.

"அது வெறும் மலம் அல்ல," என்று சிரிப்புடன் கூறிய அவர் மாற்று சிகிச்சை செயல்முறையை விவரிக்கிறார். "அதில் மாற்றம் செய்யப்படுகிறது. அது ஆய்வகத்தில் நடக்கிறது." என்றார் அவர்.

ரிக்கின் அரிய நோய்க்கு கல்லீரல் மாற்று அறுவை சிகிச்சையைத் தவிர தற்போது வேறு எந்த சிகிச்சையும் இல்லை. இது பிரிட்டனில் 100,000 பேரில் ஆறு முதல் ஏழு பேரை பாதிக்கிறது. மேலும் ஆயுட்காலம் சுமார் 17 முதல் 20 ஆண்டுகள் வரை குறைகிறது.எட்டு ஆண்டுகளுக்கு முன்பு ரிக்கின் 42 வது வயதில் அவருக்கு இந்த நோய் இருப்பது கண்டுபிடிக்கப்பட்டது.

"நான் மிகவும் பதற்றமாக இருந்தேன். எதிர்காலத்தைப் பற்றி மிகவும் கவலைப்பட்டேன்," என்று அவர் நினைவு கூர்ந்தார். "ஒரு மலை உச்சியில் இருந்து விழுவதுபோல அது இருந்தது," என்று அவர் குறிப்பிட்டார்.

மல மாற்று சிகிச்சை என்றால் என்ன?

மல மாற்று சிகிச்சையில், உறைந்த மலத்தின் உறைவு நீக்கப்பட்டு. வடிகட்டப்பட்டு, சிரிஞ்சில் வைக்கப்படுகிறது.

மல நுண்ணுயிர் மாற்று சிகிச்சை (FMT), மல மாற்று சிகிச்சை என்றும் அழைக்கப்படுகிறது. பல நாடுகளில் குடல் நோய்களால் பாதிக்கப்பட்ட நோயாளிகளுக்கு இதன் மூலம் சிகிச்சை அளிக்கப்படுகிறது. ஆயினும் பெரும்பாலும் மருத்துவ சோதனைகளின் ஒரு பகுதியாகவே இது உள்ளது.

ஆரோக்கியமான மல நன்கொடையாளர்கள் சோதிக்கப்பட்டு, அவர்களின் மாதிரிகளில் இருந்து குடல் பாக்டீரியாக்கள் எடுக்கப்பட்டு நோயாளியின் குடலில் இடமாற்றம் செய்யப்படுகின்றன. பொதுவாக கோலொனோஸ்கோபி, எனிமா அல்லது நாசோகாஸ்ட்ரிக் குழாய் வழியாக இது செலுத்தப்படுகிறது.

ரிக் சோதனை அடிப்படையில் பிஎஸ்சி சிகிச்சைக்கு உட்படுத்தப்பட்டார். ஆனால் தற்போது பிரிட்டனில் இந்த நோய்க்கு மட்டுமே இந்த செயல்முறை அதிகாரபூர்வமாக பரிந்துரைக்கப்படுகிறது என்று தேசிய சுகாதார மற்றும் பராமரிப்பு சிறப்புக் கழகத்தின் (NICE) வழிகாட்டுதல்கள் தெரிவிக்கின்றன.

கடுமையான க்ளோஸ்ட்ரிடியம் டிஃபிசில் (சி. டிஃப்) தொற்று உள்ள நோயாளிகள் பிரிட்டன் தேசிய சுகாதார சேவை (NHS) மூலம் சிகிச்சை பெறலாம். க்ளோஸ்ட்ரிடியம் டிஃபிசில் (சி. டிஃப்) என்பது ஒரு தீங்கு விளைவிக்கும் பாக்டீரியா ஆகும். இது வயிற்றுப்போக்கை ஏற்படுத்தும். மேலும் நீண்ட காலமாக நுண்ணுயிர் எதிர்ப்பிகளை (ஆண்டிபயாடிக்ஸ்) பயன்படுத்துபவர்களை அது அடிக்கடி பாதிக்கிறது.

தேசிய சுகாதார சேவையான NHS க்கு, 50 மில்லி லிட்டர் திரவ மல மாதிரிக்கு 1300 பவுண்டுகள் (1684 டாலர்கள்) செலவாகிறது. மீண்டும் மீண்டும் நுண்ணுயிர் எதிர்ப்பிகள் மற்றும் மருத்துவமனையில் சிகிச்சை எடுத்துக்கொள்வதற்கான செலவைக் காட்டிலும் இது குறைவாக இருப்பதாக நிபுணர்கள் கூறுகின்றனர். சில சூழ்நிலைகளில், எஃப்எம்டியை ஒருமுறை மட்டுமே கொடுக்க வேண்டியிருக்கும்.

மனித மலத்தில் காணப்படும் ஆரோக்கியமான பாக்டீரியாக்களால் தயாரிக்கப்பட்ட வாய்வழி காப்ஸ்யூல்களையும் சில மருத்துவமனைகள் வழங்குகின்றன.

மலத்தை கொடையாகப் பெற வேண்டியது ஏன்?

புதிதாக கல்லீரல், சிறுநீரகம் அல்லது இதயம் தேவைப்படுபவர்கள் தகுந்த கொடையாளரைக் கண்டுபிடிக்க பல மாதங்கள் அல்லது ஆண்டுகள் காத்திருக்க வேண்டியிருக்கும்.

இந்த முக்கிய உறுப்புகளைப் போலல்லாமல், மனித மலம் பரவலாகக் கிடைக்கிறது. இருப்பினும் மற்றவரின் மலம் பற்றிய எண்ணம் சிலருக்கு சங்கடமாக இருக்கலாம்.

ஆனால் ரிக் இந்த சங்கடத்தைப் புறந்தள்ளி அறிவியலை நம்புகிறார். மேலும் அவரது மனைவியும் நண்பர்களும் அவரது இந்தப்பயணத்தை ஆதரிக்கிறார்கள்.

"அதில் எந்த சங்கடமோ அதிர்ச்சியோ இல்லை" என்று ரிக் கூறுகிறார். "இது பலனளிக்கும் என்றால் ஏன் செய்யக்கூடாது என்பதே நண்பர்கள் மற்றும் குடும்பத்தினரிடமிருந்து நான் பெற்ற கருத்து,” என்று அவர் குறிப்பிட்டார்.

ஆரோக்கியமான மல மாதிரிகள் பர்மிங்காமில் உள்ள மைக்ரோபயோம் சிகிச்சை மையத்தில் -80°C உறைவிப்பான் ஒன்றில் சேமிக்கப்படுகின்றன.

மல வங்கிகள்பர்மிங்காம் பல்கலைக்கழகத்தில் இருக்கும் இந்த மைக்ரோபயோம் சிகிச்சை மையம் (MTC), பிரிட்டனில் உள்ள முதலாவது மூன்றாம் தரப்பு FMT சேவையாகும். நூற்றுக்கணக்கான நோயாளிகளுக்கு C.diff தொற்றுக்காக பாதுகாப்பாக சிகிச்சையளிப்பதற்கும், ஆராய்ச்சி சோதனைகளை நடத்துவதற்கும் மல மாதிரிகளை இந்த மையம் வழங்குகிறது.

இந்த மையத்தில் விரிவான மருத்துவ வரலாறு, வாழ்க்கை முறை மதிப்பீடுகள் மற்றும் அவர்களின் ரத்தம் மற்றும் மலத்தில் உள்ள நோய்க்கிருமிகளை பரிசோதித்தல் உள்ளிட்ட கடுமையான ஸ்கிரீனிங் செயல்முறைக்கு மல தானம் செய்பவர்கள் உட்படுகிறார்கள்.

முழுமையான சோதனைக்குப் பிறகு, ஆரோக்கியமான மல மாதிரிகள் 12 மாதங்கள் வரை -80°C உறைவிப்பான்களில் சேமிக்கப்படும். ஒரு நோயாளிக்கு மல மாற்று சிகிச்சை தேவைப்படும்போது, உறைந்த வடிகட்டிய மலம் உறைவு நீக்கப்பட்டு சிரிஞ்சில் போடப்படுகிறது.

"மல வங்கி இல்லாத நாடுகளில் இது கடினம். ஆனால் உண்மையில், உறைந்த எஃப்எம்டியைப் பயன்படுத்தவே பரிந்துரைக்கப்படுகிறது. ஏனென்றால் இந்த நபர்களை சரியாகப் பரிசோதிக்க உங்களுக்கு நேரம் கிடைக்கும்,” என்று மைக்ரோபயோம் சிகிச்சை மையத்தின் இயக்குனர் பேராசிரியர் தாரிக் இக்பால் பிபிசியிடம் கூறினார். வெற்றிகரமான 10 நாள் நன்கொடைக் காலத்தின் முடிவில் அவர்கள் விரும்பும் அன்பளிப்பு அட்டையில் 200 பவுண்டுகள் அவர்களுக்கு அளிக்கப்படுகிறது.

பிஎஸ்சியில் எஃப்எம்டியின் பங்கு

ரிக் போல பிஎஸ்சி உள்ள நோயாளிகளில் 70 முதல் 80% பேர் குடல் அழற்சி நோயால் (IBD) பாதிக்கப்படுவார்கள் என்று நிபுணர்கள் எச்சரிக்கின்றனர். கடுமையான வயிற்று வலி மற்றும் வயிற்றுப்போக்கை ஏற்படுத்தும் நீண்ட கால அழற்சி நிலை அதாவது கிரோன்ஸ் டிஸீஸ் மற்றும் அல்சரேட்டிவ் கொலைட்டிஸ் ஆகியவை இதில் அடங்கும்.

மக்களுக்கு பிஎஸ்சி ஏன் ஏற்படுகிறது அல்லது குடல் அழற்சியுடன் அதற்கு ஏன் தொடர்பு உள்ளது என்பது விஞ்ஞானிகளுக்கு தெரியவில்லை என்று நாள்பட்ட கல்லீரல் நோய் மருத்துவரும் (hepatologist), இரைப்பை குடல் மருத்துவும் (gastroenterologist) மற்றும் ரிக் இன் மருத்துவச் சோதனைக்குப் பொறுப்பானவருமான மருத்துவர் பலக் திரிவேதி கூறுகிறார்.

"ஆரோக்கியமான குடல் மைக்ரோபயோட்டா கலவை மலத்தை பி.எஸ்.சி நோயாளிகளின் குடலுக்கு மாற்றி அது அவர்களின் கல்லீரல் நோய் மீது எவ்வாறு தாக்கத்தை ஏற்படுத்துகிறது என்பதைப் பார்க்க நாங்கள் விரும்புகிறோம்," என்று அவர் விளக்கினார்.

மல தானம் செய்பவர்கள் ரத்தம் மற்றும் மலம், நோய்க்கிருமி சோதனைகள் உட்பட கடுமையான ஸ்க்ரீனிங்கிற்கு உட்படுத்தப்படுகின்றனர்.

மல மாற்று சிகிச்சைக்கான வழிகாட்டுதல்கள்

தற்போது மல மாற்று சிகிச்சை என்பது நோயின் எந்த நிலைக்கும் அளிக்கப்படும் முதல் சிகிச்சை ஆப்ஷன் அல்ல என்கிறார் டாக்டர். ஹோரேஸ் வில்லியம்ஸ். லண்டன் இம்பீரியல் கல்லூரியின் இரைப்பைக் குடலியல் நிபுணரான அவர் FMT இல் முறையான வழிகாட்டுதல்களுக்கு பங்களித்துள்ளார்.

பிரிட்டனின் தேசிய சுகாதார அமைப்பு, தீவிரமான க்ளோஸ்ட்ரிடியம் டிஃபிசில் (C. டிஃப்) நோய்த்தொற்றுகளுக்கு மட்டுமே FMT ஐ வழங்குகிறது, மற்ற நோய்களுக்கு அல்ல என்று டாக்டர் வில்லியம்ஸ் குறிப்பிட்டார். மேலும் மற்ற காரணங்களுக்காக சிகிச்சை பெற விரும்பும் நோயாளிகள் ரிக் செய்தது போல், மருத்துவ ஆய்வுகளில் சேர்க்கப்பட வேண்டும் என்று அவர் பரிந்துரைக்கிறார்.

”பலர் எந்த ஒரு பரிந்துரையும் இல்லாமல் தானாகவே மல மாற்று சிகிச்சையை செய்கிறார்கள். இது நம்பமுடியாத அளவிற்கு ஆபத்தானது,” என்று லண்டனின் இம்பீரியல் கல்லூரியின் இரைப்பைக் குடலியல் நிபுணரும், பிரிட்டிஷ் சொசைட்டி ஆஃப் காஸ்ட்ரோஎன்டாலஜியின் (பிஎஸ்ஜி) எஃப்எம்டி வழிகாட்டுதலின் முதன்மை ஆசிரியருமான டாக்டர் பெஞ்சமின் முல்லிஷ் பிபிசியிடம் தெரிவித்தார்.

தென்னாப்பிரிக்காவின் விட்வாட்டர்ஸ்ராண்ட் பல்கலைக்கழகத்தில் உள்ள ஸ்டீவ் பிகோ உயிரியல் அறிவியல் மையத்தில் மருத்துவ உயிரியல் நிபுணரான டாக்டர் ஹாரியட் எதரெட்ஜ், ”அனுபவம் வாய்ந்த பயிற்சியாளர்கள் மற்றும் தெளிவான வழிகாட்டுதல்கள் இல்லாமல் செய்யப்படும் மல மாற்று சிகிச்சை, குறிப்பாக சுகாதார வசதி வளங்கள் குறைவாக உள்ள ஏழை நாடுகளில் தீங்கு விளைவிக்கும்" என்று குறிப்பிட்டார்.

இந்த சிகிச்சையானது மிகவும் அரிதான சந்தர்ப்பங்களில் மரணத்தையும் ஏற்படுத்தியுள்ளது என்றார் அவர்.

உறவினரின் மலமா அல்லது அந்நியரின் மலமா?

அமெரிக்கா மற்றும் ஐரோப்பாவைத் தவிர, பிரேசில், தென்னாப்பிரிக்கா மற்றும் இந்தியா போன்ற நாடுகளிலும் சோதனை ரீதியாக மல மாற்று சிகிச்சை பயன்படுத்தப்பட்டது. சில நோயாளிகள் மலம் மீதான வெறுப்பு மற்றும் பல்வேறு கலாசார, சமூக மற்றும் மத நம்பிக்கைகள் காரணமாக சிகிச்சையை ஏற்க தயங்குகின்றனர்.

"இந்த சிகிச்சை பரிந்துரைக்கப்படும்போது மக்கள் சில சமயங்களில் மிகவும் வித்தியாசமாக நடந்துகொள்கிறார்கள். மேலும் மருத்துவர் கேலி செய்கிறார் அல்லது சீரியஸாக இல்லை என்று அவர்கள் நினைக்கிறார்கள்," என்று இந்தியாவில் உள்ள சர் கங்கா ராம் மருத்துவமனையின் கல்லீரல் இரைப்பை குடல் மற்றும் கணைய பிலியரி அறிவியல் கழகத்தின் டாக்டர் பீயூஷ் ரஞ்சன் கூறினார்.எஃப்எம்டி பொதுவாக கொலோனோஸ்கோபி, எனிமா அல்லது நாசோகாஸ்ட்ரிக் குழாய் மூலம் உடலுக்குள் செலுத்தப்படுகிறது.ஒரு அந்நியர் நன்கு பரிசோதனை செய்யப்பட்டவராக, ஆரோக்கியமானவராக இருந்தாலும் கூட அவரிடமிருந்து இல்லாமல் உறவினர்களிடமிருந்து மலத்தை ஏற்றுக்கொள்வது "ஓரளவு சரி" என்று சில நோயாளிகள் கருதுவதாக டாக்டர் ரஞ்சன் தன் அனுபவத்தின் அடிப்படையில் தெரிவித்தார்.

இதற்கு நேர்மாறாக பிரிட்டனில் க்ரோன்ஸ் நோய் மற்றும் கோலைட்டிஸ் நோயால் பாதிக்கப்பட்ட 200 க்கும் மேற்பட்டவர்களிடம் நடத்தப்பட்ட கருத்துக்கணிப்பில் , அவர்களில் பெரும்பாலானவர்கள் தங்களுக்குத் தெரிந்த ஒருவரிடமிருந்து மலத்தை எடுக்காமல், அறியப்படாத சரிபார்க்கப்பட்ட மூலத்திலிருந்து மலத்தை பெற விரும்புகிறார்கள் என்று தெரிய வந்துள்ளது.

அதே கேள்வித்தாளில் பதிலளித்தவர்களில் 37% பேர் முதலில் மல மாற்று சிகிச்சையை ஏற்கத் தயார் என்று கூறினார்கள். ஆனால் செயல்முறை பற்றி மேலும் அறிந்த பிறகு அந்த எண்ணிக்கை 54% ஆக அதிகரித்தது.

"கல்வி எப்போதுமே நிறைய தடைச்சுவர்களை தகர்க்கிறது" என்று ஆய்வை நடத்திய டாக்டர் பிரட் பால்மர் பிபிசியிடம் கூறினார். இந்த சோதனை முயற்சி தனது அரிய நோயை குணப்படுத்த வழிவகுக்கும் என்று ரிக் நம்புகிறார்.

"மனித மலம் சில நோய்களை குணப்படுத்தும் என்று 10 ஆண்டுகளுக்கு முன்பு யாராவது என்னிடம் கூறியிருந்தால் நான் அதை நம்பியிருக்க மாட்டேன். ஆனால் இப்போது அது உண்மையாகிவிட்டது. நடைமுறையிலும் உள்ளது,” என்று அவர் குறிப்பிட்டார்.

துளியாக ஒரு துளியாக சிறு துளியாக: கவிஞர் தணிகை

 துளியாக ஒரு துளியாக சிறு துளியாக: கவிஞர் தணிகை

சமூக ஊடகம் வழி இரு கருத்துகள் உள்ளடங்கி அலை பரப்பி வருகின்றன அதன் அதிர்வலைகள் மூலம்.

1. சிறு தாவரத்தின் வேர் பாறையை, மலையை பிளக்கிறது அது ஓரறிவுற்றதாக இருந்த போதிலும் என்ற கருத்து ஒன்றை ஒரு நண்பர் பகிர்ந்திருந்தார்.

அப்படி இருக்கும் போது 6 அறிவு படைத்த மனிதம், ஏன் எழாம் அறிவு, மூன்றாம் கண்,உள்ளுணர்வு பெற்ற மனிதம் அதன் ஆற்றல் உலகையே மாற்ற உதவலாமே என்ற கருத்து அதன் மூலம் வலியுறுத்தப் பட்டுள்ளது. 

சுயநலம், சுயநலமின்மை என்ற இரண்டு கூறுகளே உலகை ஆட்டிப் படைக்கிறது. பிரபஞ்ச விதிகள் அதன் பால் எப்படி ஆட்சி புரிந்த போதும்....

2. ஒரு கிறித்தவ அன்பர் ஒரு அழகான காணொளிக் காட்சியுடன் தமது உரையை பகிர்ந்திருந்தார்: அது: காட்டுத் தீயில் கானகமே பற்றி எரிய சிங்கம் புலி யானை காட்டெருமை போன்ற பல பெரிய விலங்குகள் எல்லாம் வெறுமே இருக்க...ஒரு தேன் சிட்டு தனது சிறு அலகால் ஆற்றில் இருந்து சிறு துளி நீரை கொண்டு வந்து அந்த தீ மேல் விட்டுக் கொண்டிருக்க மற்ற மிருகங்கள் அதை வீண் முயற்சி என, அதுவோ நான் வாழ்ந்ததன் நன்றிக் கடன், எனக்கு வாழ்வளித்த புவிக்கு நான் செய்யும் கைம்மாறு என்று முயற்சியைக் கை விடாமல் செய்ததான செய்தி எனது வாழ்வையும் நான் செல்லும் பாதையையும் ஊக்கப் படுத்துவதாய், பொருளுடன் தாம் இருப்பதுவாய் நிம்மதியுறச் செய்தது மீளவொண்ணாத் துக்கத்தில் ஆழ்ந்து கிடக்கையில்

3. இதற்கும் சுய விளம்பரம் தேடிக் கொண்டு தம்பட்டம் அடிப்பார்க்கும் எந்த தொடர்பும் இல்லை.அரசியல் பொருளாதாரம் இடது வலது என்பது எதற்குமே துளியும் தொடர்பில்லை. இது ஒரு இயற்கை விதி. இயற்கைக்கு சிறு மனிதம் விடும் சிறு துளி. இன்றைய உலகும் நாடும் அந்த அடர்ந்த காடாய் அடங்கா காட்டுத் தீயில் அணைக்க முடியாமல் எரிந்தபடி இருப்பதாகவே எண்ணுகிறேன். அதில் அந்த சிறு துளி ஏந்தும் தேன் சிட்டாகவே எனையும் கருதுகிறேன்.

4. காடு அல்ல பூங்கா ஒன்று அதில், வெட்டும்கிளி, மான், தேனீ என்ற ஒரு உவமைக் கதையில் யாம் எப்போதும் தேனீயாகவே இருக்கிறோம் இங்கு பூங்கா என்பதை இவ்வுலகு என்று சொல்லவா வேண்டும். அதில் தேனீ என்பதை யாம் என்பதையும் சொல்லவும் வேண்டுமோ?

மறுபடியும் பூக்கும் வரை

கவிஞர் தணிகை.

ஆனந்த் அம்பானி திருமணச் செலவு 2675 கோடியாம் ஜியோ நெட் ஒர்க் விலை ஏற்ற காரணம்: கவிஞர் தணிகை

  ஆனந்த் அம்பானி திருமணச் செலவு 2675 கோடியாம், வரவு ஒவ்வொரு வாடிக்கையாளரிடமிருந்தும்    எவ்வளவு?: கவிஞர் தணிகை

இந்தியன்:2 மற்றும் 3.பற்றி எல்லாம் எழுத பெரிதாக ஏதுமில்லை.

எழுதாமலே எனது நீண்ட காலம் போய்விட்டது.எழுத இரு புள்ளிகள் பொட்டு வெளிச்சங்கள்.ஒன்று இந்தியன் போன்ற படங்கள் வணிகத்தனமான வியாபரத்திற்கு மட்டுமே. இலஞ்ச ஊழலுக்கு எதிராக‌ போராடிச் செத்துச் சுண்ணாம்பு ஆகி வருவார் பற்றி எல்லாம் இவர்களுக்கு அக்கறை இல்லை. அதைப் பற்றி எல்லாம் மீடியா எழுத வேண்டும். மக்கள் விழிப்புணர்வு பெற வேண்டும். போராடும் குணம் வேண்டும். எங்கே அந்த சகாயம் போன்றோர்? எங்கே அறப்போர் இயக்கம்?( அறப்போர் இயக்கம் சமூக ஊடகத்தில் தமது முயற்சிகளை வெளியிட்டு வருவதை எம் போன்றோர் அறிய நேரிடுகிறது) எங்கே இலஞ்ச ஊழலுக்கு எதிரான நபர்கள் யாவரும் எல்லாம் என்று வெளிச்சம் போட்டால் நன்றாக இருக்கும். அதன் உண்மையான ஒருங்கிணைப்பு நிகழ்ந்தால் நாட்டுக்கும் வீட்டுக்கும் ஒவ்வொரு இந்தியருக்கும் நல்லதே.

அது போல 2675 கோடி திருமணச் செலவு செய்து விட்டு அதை பல கோடி வாடிக்கையாளரிடமிருந்து எவ்வளவு கோடிகள் மொத்தமாக வசூலிக்கிறார்கள் என்ற கணக்கையும் கொடுத்தால் அது நன்றாக இருக்கும். மக்களிடம் இருந்து வசூலிப்பது மொய் அல்ல. மொய் என்றால் திருப்பி வைக்க வேண்டும் அல்லவா? செலவு 5000 கோடி என்றும் அது அவர்கள் சொத்து மதிப்பில் புள்ளி 5(.5) சதவீதமே அது மிகவும் குறைவே என்றொரு ஜால்ரா ஊடகர் தெரிவித்த தகவலும் உண்டு.

இப்படி தனியாருக்கு ஆயிரக்கணக்கான கோடிகள் கொண்டு சேர்ப்பதை விட மக்கள் அது போன்ற தனியார் நிறுவனங்களிடம் இருந்து வெளி வந்து விடலாம் .எந்த அரசாங்கமும் ஏழைகளிடமிருந்து இப்படி தந்திரமாக வசூல் செய்யும் பணத்தை தனிக் குடும்பம் செலவு செய்வதைத் தடுக்க எதுவுமே செய்ததாகத் தெரியவில்லை.

இந்தியா ஒரு பணக்கார நாடு. 2675 கோடியில்  ஒரு திருமணம் என்பது உலக வரலாற்றில் முதலாம். அதில் நம்ம தலைவர் சூப்பர் ஸ்டார் ஆட்டம் வேறு....ஏதோ சொல்லத் தோன்றியது. சொல்லி இருக்கிறேன். 

நாடும். நாட்டு மக்களும்...வீரப்பா வசனம் நினைவுக்கு வருகிறது. நான் ஒரு ஜியோ வாடிக்கையாளர் அல்ல.

மறுபடியும் பூக்கும் வரை

கவிஞர் தணிகை