முரண்கள்: கவிஞர் தணிகை
தினமும் நான் ஆர்வமுறுகிறேன் என்ற நுட்பம் எனது கணினிக்கும் இணையத்துக்கும் தெரிந்த கணக்கு இருப்பதாலோ என்னவோASTRONOMY அஸ்ட்ரானமி... விண்ணியல் பற்றிய செய்திகளை மைக்ரோசாப்ட்வேர் இண்டியா.காம் MSN India கொண்டு வந்து NASA நாசா, ESA,இஎஸ் ஏ இஸ்ரோ ..etc வழியாக என்னால் நினைவில் கொள்ள முடியா பிரமிப்பு ஏற்படுமளவு முக்கியமாக James Webb ஜேம்ஸ்வெப் காமிரா, இந்தியாவின் Astrosat அஸ்ட்ராசேட் இப்படி கொடுத்துக் கொண்டு இருக்கின்றதை என்னால் அதை திருப்பி சொல்ல முடியா அளவில்: மில்லியன் ஒளி ஆண்டுக்கும் தொலைவில் என்ன நடக்கிறது,கருந்துளைகள் இடித்து சேர்ந்தது பற்றி, வியாழன் கோளை விட இரு மடங்கு அதிகமாக நூலும் பஞ்சு பொதியுமான மென்மையுடன் இருக்கும் கிரகம் பற்றி, 1240 ஒளி ஆண்டுக்கும் பின் உள்ள விந்தைகள் இப்படி பலப் பல...நாசா சந்திரனில் ரோபோக்களை வைத்து ரெயில்வே பாதை அமைக்கப் போவது பற்றி எல்லாம்...
நண்பர்கள் பிரசன்ன வெங்கடேசனின் பகிர்வுக்கு "அணையா விளக்கு" என்பதற்கு உணவகம் என்றிருப்பதற்கு மாறாக வடலூரின் "அணையா அடுப்பு" பற்றி சொல்ல அவா! ஆனால் சொல்லவில்லை. பசி தீர்தத்லே ஜீவ காருண்யம் என்ற வள்ளலாரின் தத்துவம் : எம் மதம் எம் இறை என்பார் உயிர்த் திரள் அம்மதம் அவர்க்கருள்வாய் அருட் பெருஞ்சோதி, சாதி மத சமயம் பொய்யென்று ஆதியில் உணர்த்தினாய் அருட் பெருஞ்சோதி...
வசந்த குமாரின் பகிர்தலுக்கு: நாங்களும் எங்கள் குடும்பத்து சகோதர சகோதர் உட்பட அந்த ஜெயேந்திர சரஸ்வதி வருகையின் போது நீங்கள் செய்த மாதிரியே "இராம ஜெயம்" எழுதி சுவாமி உருவம் பதித்த கழுத்தணி பெற்றதாக எல்லாம் நினைவுண்டு. மேலும் பார்த்திபன் அம்மாவை அவர் அழைத்து தாமாகவே பிரசாதம் கொடுத்ததை அவர் பெருமையாக பேசிய நினைவெல்லாம் உண்டு. ஆனால் நண்பர்களே எழுத்தாளர் " அனுராதா இரமணன்" அவர்களை அவர்கள் அனுபவத்தை இவருடன் அவருக்கேற்பட்டிருந்த நிகழ்வை நீங்கள் எல்லாம் அறிந்ததுண்டா? என்றெல்லாம் கேட்க அவா! மேலும் சுந்தர ராமன் கொலை வழக்கு பற்றி எல்லாம் நினைவோட்டம். ஆனால் இதையெல்லாம் கேட்க விழையவில்லை.கிருபானந்த வாரியாரை விட எனக்கு கீரன் சொற்பொழிவே பிடித்தது என்பது பற்றி எல்லாம்...
நான் அவதாரம் நான் உயிரின் தொடர்பில் பிறக்கவில்லை என நம் நாட்டின் தலைவர் பேசுவது பற்றியும், ஒரிஸ்ஸாவில் நான் பணி புரிந்த பகுதி என்பதால் அதுபற்றி அவர் பேசியது பற்றி எல்லாம் எதையுமே நான் இப்போதெல்லாம் சொல்ல முனைவதே இல்லை...
ஏன் எனில் கருத்து கலந்துரையாடல் எல்லாமே இப்போது முரண்களாகி நபர்களை, மனங்களை, எண்ணங்களை அந்நியப்படுத்தி விடுகின்றன. முரண்கள் இருப்பதே உலகே. ஆண் பெண் முரண், மூன்றாம் பால் முரண், ஒரே இன மணம் ஆனால் நாம் சேர்ந்தே இயங்க வேண்டும் வாழ வேண்டும். அது இயற்கை நமக்கு கற்றுத் தரும் பாடம்.
வட துருவமும், தென் துருவமும் இணைந்தாற் போல இங்கே ஒரு இயக்கம் நடந்தபடி இருக்கிறது. நான் எனது கோவில் பணி பற்றிக் குறிப்பிடுகிறேன்.
புவி சுழல்வது விண்ணின் கோள்கள் பயணங்கள், ஏன் இப்போது இரு கருந்துளைகள் இடித்துக் கொண்டது என்பது போன்ற செய்திகள்...மண்டையை உடைத்துப் பதம் பார்க்கும் அளவு ஆலங்கட்டியுடன் மாதம் மும்மாரி பொழியாமல் " மனிதப் பிழைகளால் விழையும் மாமழைப் பொழிவுகள்" தாக்குப் பிடிக்க முடியா வெப்பம், ஏன் எதிர்பார்க்க இயலா அளவில் அன்டார்டிக்காவின் பனி உருகல்கள்... இந்த நினைப்பையெல்லாம் அவ்வப்போது ஜி.கிருஷ்ணமூர்த்தி சொல்வது போல கழிக்க வேண்டிய 40 Years தியானப் பயிற்சி...ஒவ்வொரு நாளும் புதிதாகப் பிறப்போம்...என்றாலும் சில நினைவுகளை அழிக்க முடிவதில்லை தொடர்கிறதே அந்த தொல்லையை சற்றே குறைக்கலாம் என்றே இந்தப் பதிவு. வணக்கமும், நன்றிகளும் என்றும் உரித்தாகட்டும் நண்பர்களே.
மறுபடியும் பூக்கும் வரை
கவிஞர் தணிகை
